വിവാഹ വാഗ്ദാനം നല്‍കി പീഡനം; യൂത്ത് കോണ്‍ഗ്രസ് നേതാവ് പിടിയില്‍

പത്തനംതിട്ട: പത്തനംതിട്ടയിലെ സ്വകാര്യ കോളജിലെ നിയമ വിദ്യാര്‍ഥിനിയെ വിവാഹ വാഗ്ദാനം നല്‍കി പീഡിപ്പിച്ച പരാതിയില്‍ യൂത്ത് കോണ്‍ഗ്രസ് നേതാവ് പിടിയില്‍. യൂത്ത് കോണ്‍ഗ്രസ് ആറന്മുള മണ്ഡലം പ്രസിഡന്റും മൗണ്ട് സീയോണ്‍ ലോ കോളജിലെ മൂന്നാം വര്‍ഷ എല്‍എല്‍ബി വിദ്യാര്‍ഥിയുമായ അഭിജിത്ത് സോമനെയാണ് ആറന്‍മുള പോലീസ് കസ്റ്റഡിയിലെടുത്തത്.

Also Read: നടുവേദനയ്ക്ക് നല്‍കിയത് കാന്‍സറിനുള്ള മരുന്ന്; വയോധികയുടെ മരണത്തില്‍ തങ്കം ആശുപത്രിക്കെതിരെ ആരോപണം

കുമ്പഴ സ്വദേശിയായ അഭിജിത്ത് സോമന്‍ സഹപാഠിയായ തിരുവനന്തപുരം സ്വദേശിനിയെ വിവാഹ വാഗ്ദാനം നല്‍കി പീഡിപ്പിക്കുകയും ഫീസടക്കാന്‍ കുട്ടിയുടെ വീട്ടുകാര്‍ നല്‍കിയ ഒരു ലക്ഷം രൂപ തട്ടിയെടുക്കുകയും ചെയ്ത പരാതിയെ തുടര്‍ന്നാണ് പോലീസ് ഇയാളെ കസ്റ്റഡിയിലെടുത്തത്. അതേസമയം, പെണ്‍കുട്ടി കൈ ഞരമ്പ് മുറിച്ച് ആത്മഹത്യ ചെയ്യാന്‍ ശ്രമിച്ചതിനെ തുടര്‍ന്ന് കോഴഞ്ചേരിയിലെ സ്വകാര്യ ആശുപത്രിയില്‍ ചികിത്സയിലാണ്. പെണ്‍കുട്ടിയുടെ നില ഗുരുതരമല്ല.

Also Read: 'വനിതാ നേതാവിൻ്റെ പീഡന പരാതിക്ക് പിന്നിൽ യൂത്ത് കോൺഗ്രസ് പ്രവർത്തകർ'; പരാതി വ്യാജമെന്ന് വിവേക് നായർ