തിരുവനന്തപുരം: വെമ്പായം പഞ്ചായത്തിലെ വേറ്റിനാട് വാര്ഡിലെ ബിജെപി സ്ഥാനാര്ത്ഥി ഡി.ബിനുവിന്റെ വീടിനു നേരെ ആക്രമണം. ചൊവ്വാഴ്ച രാത്രി 12 മണിയോടെയാണ് അജ്ഞാത സംഘത്തിന്റെ ആക്രമണം നടന്നത്. വാടക വീട്ടിലാണ് ബിനുവും കുടുംബവും താമസിക്കുന്നത്.
അക്രമത്തില് വാടക വീടിന്റെ ജനല് ചില്ലുകളും, ബിനുവിന്റെ ഇരു ചക്രവാഹനവും തകര്ന്നു. അക്രമി സംഘത്തെ അറിയില്ലന്നും പ്രദേശത്ത് രാഷ്ട്രീയ വിരോധം ഇല്ലന്നുമാണ് ബിനു പറയുന്നത്.
Also Read: വിവി രാജേഷിന് കോടികളുടെ വീടും സ്വത്തും.... വീണ്ടും ആയുധമാക്കി ഇടതുമുന്നണി
വട്ടപ്പാറ പോലീസ് സ്ഥലത്തെത്തി പരിശോധന നടത്തി. സംഭവത്തെക്കുറിച്ച് അന്വേഷണം തുടങ്ങിയതായും പ്രതികളെ ഉടന് പിടികൂടുമെന്നും പോലീസ് പറഞ്ഞു.
തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ