അപര സ്ഥാനാർഥികളുടെ ചിഹ്നം റോസാപ്പൂവ്... താമരക്ക് തിരിച്ചടിയാകുമോ? പ്രതിഷേധവുമായി ബിജെപി

തിരുവനന്തപുരം: അപാര സ്ഥാനാർഥികൾക്ക് റോസാപ്പൂവ് ചിഹ്നമായി നൽകിയതിൽ തെരഞ്ഞെടുപ്പ് കമ്മീഷനെതിരെ പ്രതിഷേധിച്ച് ബിജെപി സ്ഥാനാർഥികൾ. തിരുവനന്തപുരത്താണ് താമര ചിഹ്നത്തിൽ മത്സരിക്കുന്നവർക്ക് അപരരായ സ്ഥാനാർഥികൾക്ക് തെരഞ്ഞെടുപ്പ് കമ്മീഷൻ റോസാപ്പൂവ് നൽകിയത്. വിജയം ഉറപ്പിച്ചിരുന്ന വാർഡുകളിൽ ബിജെപിക്ക് ഇത് വലിയ തിരിച്ചടിയാകുമെന്നാണ് കണക്കുകൂട്ടൽ.

Also Read: 95 കാരി കിണറ്റിൽ വീണു; കയറിൽ പിടിച്ചു കിടന്നത് 4 മണിക്കൂർ, രക്ഷകരായി അഗ്നിശമനസേന

ബാലറ്റ് യൂണിറ്റിന് ഒരേ നിറമായതിനാൽ ചിഹ്നം മാറിപോകാൻ സാധ്യതയുണ്ടെന്നാണ് ബിജെപി സ്ഥാനാർഥികളുടെ വാദം. തിരുവനന്തപുരത്തെ 100 സ്ഥാനാർഥികളും ചേർന്നാണ് തെരഞ്ഞെടുപ്പ് കമ്മീഷൻ ആസ്ഥാനത്തിന് മുന്നിൽ സമരം നടത്തിയത്. 11 വാർഡുകളിലെ അപരർക്ക് റോസാപ്പൂവാണ് ചിഹ്നം. അപരരുടെ പേരുകൾ ബാലറ്റ് യൂണിറ്റിൽ അടുത്തടുത്ത് വരുമെന്നതാണ് മറ്റൊരു അപകടം.തിരുവനന്തപുരം ബിജെപി ജില്ലാ പ്രസി‍ഡന്‍റ് വി.വി രാജേഷ് ഉൾപ്പടെയുള്ളവരുടെ നേതൃത്വത്തിലായിരുന്നു പ്രതിഷേധം. തോൽവി ഭയന്ന് ഇടതുപക്ഷം തെരഞ്ഞെടുപ്പ് അട്ടിമറിക്കാൻ ശ്രമിക്കുകയാണെന്ന് ബിജെപി ജനറൽ സെക്രട്ടറി ജോർജ് കുര്യൻ ആരോപിച്ചു.