CM Pinarayi Vijayan Wedding Anniversary :'ഒന്നിച്ചുള്ള നാല്‍പത്തിമൂന്ന് വര്‍ഷങ്ങള്‍'; വിവാഹ വാര്‍ഷിക പോസ്റ്റ് പങ്കുവെച്ച് മുഖ്യമന്ത്രി

തിരുവനന്തപുരം: നാല്‍പത്തി മൂന്നാം വിവാഹ വാര്‍ഷികം ആഘോഷിച്ച് മുഖ്യമന്ത്രി പിണറായി വിജയനും ഭാര്യ കമലയും. ഇരുവരും ഒപ്പമുള്ള ചിത്രം ഇന്‍സ്റ്റഗ്രാമില്‍ പങ്കുവെച്ചുകൊണ്ടാണ് മുഖ്യമന്ത്രി തന്റെ വിവാഹ വാര്‍ഷിക വിവരം അറിയിച്ചത്.

Also Read: 'ഞങ്ങളോടൊപ്പം ഇരുന്ന് ഓണസദ്യ കഴിക്കാന്‍ മന്ത്രി അപ്പൂപ്പന്‍ വരുമോ?' കുരുന്നുകളുടെ കത്തിന് മറുപടി നല്‍കി മന്ത്രി

'ഇന്ന് ഞങ്ങളുടെ നാല്‍പ്പത്തിമൂന്നാം വിവാഹ വാര്‍ഷികം' എന്ന് കുറിച്ചു കൊണ്ടാണ് മുഖ്യമന്ത്രി ചിത്രം പങ്കുവെച്ചത്. നിരവധി പേരാണ് ചിത്രത്തിന് താഴെ ആശംസകളുമായെത്തിയത്.


കഴിഞ്ഞ വിവാഹ വാര്‍ഷിക ദിനത്തിലും മുഖ്യമന്ത്രി പിണറായി വിജയന്‍ ഭാര്യക്കൊപ്പമുള്ള ചിത്രം പങ്കുവെച്ചിരുന്നു. 'ഒന്നിച്ചുള്ള നാല്‍പത്തി രണ്ട് വര്‍ഷങ്ങള്‍' എന്ന അടിക്കുറുപ്പോടെയാണ് മുഖ്യമന്ത്രി അന്ന് വിവാഹവാര്‍ഷിക കുറിപ്പ് പങ്കുവെച്ചത്.

undefined

1979 സെപ്തംബര്‍ 2 ന് തലശ്ശേി ടൗണ്‍ഹാളില്‍ വെച്ചാണ് മുഖ്യമന്ത്രി പിണറായി വിജയനും തൈക്കണ്ടിയില്‍ കമലയും വിവാഹിതരായത്. വിവാഹിതനാകുമ്പോള്‍ കൂത്തുപറമ്പ് എംഎല്‍എയും കണ്ണൂര്‍ ജില്ലാ സെക്രട്ടറിയേറ്റ് അംഗവും ആയിരുന്നു പിണറായി വിജയന്‍.

Also Read: ചത്തത് നൂറിലേറെ ജീവികള്‍, മരം മുറിച്ചത് അനുമതിയില്ലാതെ; ജെസിബി ഡ്രൈവര്‍ കസ്റ്റഡിയില്‍

തലശ്ശേരിയിലെ സെന്റ് ജോസഫ്‌സ് സ്‌കൂളിലെ അധ്യാപിക ആയിരുന്നു കമല. തലശ്ശേരി ടൗണ്‍ ഹാളില്‍ വെച്ച് നടന്ന വിവാഹത്തിന് ജില്ലാ സെക്രട്ടറി ആയിരുന്ന ചടയന്‍ ഗോവിന്ദന്റെ പേരില്‍ ആയിരുന്നു ക്ഷണക്കത്ത്.