കൊവിഡ് മുക്തി നേടിയ യുവാവ് തൂങ്ങിമരിച്ചു; സംഭവം തിരുവനന്തപുരം മെഡിക്കൽ കോളേജിൽ!

തിരുവനന്തപുരം: തിരുവനന്തപുരം മെഡിക്കൽ കോളേജിൽ ആത്മഹത്യയ്ക്ക് ശ്രമിച്ച കൊവിഡ് രോഗി മരിച്ചു. കഴക്കൂട്ടം സ്വദേശിയായ ബിജി (38 ) ആണ് മരിച്ചത്. കൊവിഡ് മുക്തി നേടി ആശുപത്രി വിടാനിരിക്കെയായിരുന്നു ആത്മഹത്യ. ഗുരുതരാവസ്ഥയിലായ ബിജിയെ തീവ്ര പരിചരണ വിഭാഗത്തിൽ പ്രവേശിപ്പിച്ചിരിക്കുകയായിരുന്ന വൈകുന്നേരം 6. 45 ഓടു കൂടിയാണ് മരണം സ്ഥിരീകരിച്ചത്.

Also Read: പ്രായപൂർത്തിയാകാത്ത പ്രണയ ബന്ധത്തെ വീട്ടുകാർ എതിർത്തു; കമിതാക്കള്‍ ആറ്റില്‍ ചാടി, കാമുകന്‍ മരിച്ചു, സംഭവം തിരുവനന്തപുരത്ത്

ഡിസ്ചാർജ് നിശ്ചയിച്ചിരുന്ന ഇന്ന് ഉച്ചയോടെയാണ് സംഭവം നടന്നത്. മൾട്ടി സ്പെഷ്യാലിറ്റി ബ്ലോക്കിലെ ഹൈകെയർ വാർഡിൻ്റെ ശുചി മുറിയിൽ ഇയാൾ തൂങ്ങി മരിക്കാൻ ശ്രമിക്കുകയായിരുന്നു. വാർഡിൽ ഡ്യൂട്ടിയിലുണ്ടായിരുന്ന ജീവനക്കാർ ഉടൻ ഇയാളെ തീവ്രപരിചരണ വിഭാഗത്തിൽ പ്രവേശിപ്പിച്ചു. സഹോദരൻ മരണപ്പെട്ടതിൻ്റെ മനോവിഷമത്തിലായിരുന്നു ഇയാളെന്ന് ആശുപത്രി അധികൃതർ അറിയിച്ചു.


Also Read: കാറിന്‍റെ ചില്ല് ഇപ്പോഴും താടിക്കുള്ളില്‍... പുഴുവരിച്ച അനില്‍ കുമാറിന്‍റെ ചെറു മകള്‍ക്കും തിരുവനന്തപുരം മെഡിക്കല്‍ കോളേജില്‍ നിന്ന് നേരിട്ടത് ദുരനുഭവം

മനോരോഗ വിദഗ്ധർ പരിശോധിച്ചുവരികയായിരുന്നു. എന്നാൽ രോഗം ഭേദമായതിനാൽ ഡിസ്ചാർജ് ചെയ്യുന്നുവെന്ന വിവരം അറിഞ്ഞതുമുതൽ വിഷാദാവസ്ഥയിലായി. ഈ മാസം പതിനൊന്നാം തീയതി രോഗമുക്തനായ ശേഷം ആശുപത്രിയിൽ ക്വാറൻ്റൈനിലായിരുന്നു. ഞായറാഴ്ചയും മനോരോഗ വിദഗ്ധൻ പരിശോധിക്കാനെത്തിയപ്പോൾ ശുചി മുറിയിലായിരുന്നു. ഏറെ നേരമായിട്ടും പുറത്തിറങ്ങാത്തതിനാൽ ജീവനക്കാർ വാതിൽ തുറന്നു നോക്കിയപ്പോഴാണ് ആത്മഹത്യാ ശ്രമം കണ്ടത്.


തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ