തിരുവനന്തപുരം: വാളുമായെത്തി ആക്രമിക്കാൻ ശ്രമിച്ചയാളെ സാഹസികമായി കീഴടക്കിയ എസ്ഐയെ ആദരിച്ച് സംസ്ഥാന പോലീസ് മേധാവി അനിൽ കാന്ത്. നൂറനാട് എസ്ഐ വി ആർ അരുൺ കുമാറിനെയാണ് കമൻ്റേഷൻ സർട്ടിഫിക്കറ്റും ട്രോഫിയും നൽകി ആദരിച്ചത്. പോലീസ് ആസ്ഥാനത്ത് നടന്ന ചടങ്ങിൽ ഹെഡ് ക്വാർട്ടേഴ്സ് എഡിജിപി മനോജ് എബ്രഹാം, മറ്റ് മുതിർന്ന പോലീസ് ഉദ്യോഗസ്ഥർ എന്നിവർ പങ്കെടുത്തു.
2007 ൽ സിവിൽ പോലീസ് ഓഫീസറായി സർവീസിൽ പ്രവേശിച്ച അരുൺ കുമാർ 12 വർഷത്തെ സേവനത്തിന് ശേഷം 2019 ൽ എസ്ഐ പരീക്ഷയിൽ വിജയിയായി. അഗളി, ചെങ്ങന്നൂർ, പുതുക്കാട് എന്നിവിടങ്ങളിൽ പ്രായോഗിക പരിശീലനം പൂർത്തിയാക്കി 2021 നവംബറിലാണ് ആലപ്പുഴ നൂറനാട് പോലീസ് സ്റ്റേഷനിൽ സബ് ഇൻസ്പെക്ടറായി ചാർജെടുത്തത്. തിരുവനന്തപുരം മലയിൻകീഴ് സ്വദേശിയാണ് അരുൺ കുമാർ.
ഈ മാസം 12 ന് വൈകീട്ട് ആറുമണിയോടെ പാറ ജംഗ്ഷനിലായിരുന്നു സംഭവം. പോലീസ് ജീപ്പിന് പിന്നാലെ സ്കൂട്ടറിൽ വന്ന പ്രതി ജീപ്പ് വേഗത കുറച്ച സമയം സ്കൂട്ടർ വട്ടം വെച്ചു. ജീപ്പിൽ നിന്നും ഇറങ്ങിയ എസ്ഐയെ വാൾ ഉപയോഗിച്ച് കഴുത്തിന് വെട്ടാനായിരുന്നു ശ്രമം. കൈകൊണ്ട് തടയുമ്പോൾ അരുൺ കുമാറിൻ്റെ വിരലുകൾക്ക് പരിക്കേറ്റു. പരിക്ക് വകവെക്കാതെ മൽപ്പിടിത്തത്തിലൂടെ എസ്ഐ അക്രമിയെ സാഹസികമായി പിടികൂടുകയായിരുന്നു. വിരലുകളിൽ മുറിവേറ്റത് കാരണം ഏഴ് സ്റ്റിച്ചിട്ടു. സംഭവത്തിൽ നൂറനാട് മുതുകാട്ടുകര എള്ളുംവിളയിൽ സുഗതൻ (48) ആണ് പിടിയിലായത്.
2007 ൽ സിവിൽ പോലീസ് ഓഫീസറായി സർവീസിൽ പ്രവേശിച്ച അരുൺ കുമാർ 12 വർഷത്തെ സേവനത്തിന് ശേഷം 2019 ൽ എസ്ഐ പരീക്ഷയിൽ വിജയിയായി. അഗളി, ചെങ്ങന്നൂർ, പുതുക്കാട് എന്നിവിടങ്ങളിൽ പ്രായോഗിക പരിശീലനം പൂർത്തിയാക്കി 2021 നവംബറിലാണ് ആലപ്പുഴ നൂറനാട് പോലീസ് സ്റ്റേഷനിൽ സബ് ഇൻസ്പെക്ടറായി ചാർജെടുത്തത്. തിരുവനന്തപുരം മലയിൻകീഴ് സ്വദേശിയാണ് അരുൺ കുമാർ.
ഈ മാസം 12 ന് വൈകീട്ട് ആറുമണിയോടെ പാറ ജംഗ്ഷനിലായിരുന്നു സംഭവം. പോലീസ് ജീപ്പിന് പിന്നാലെ സ്കൂട്ടറിൽ വന്ന പ്രതി ജീപ്പ് വേഗത കുറച്ച സമയം സ്കൂട്ടർ വട്ടം വെച്ചു. ജീപ്പിൽ നിന്നും ഇറങ്ങിയ എസ്ഐയെ വാൾ ഉപയോഗിച്ച് കഴുത്തിന് വെട്ടാനായിരുന്നു ശ്രമം. കൈകൊണ്ട് തടയുമ്പോൾ അരുൺ കുമാറിൻ്റെ വിരലുകൾക്ക് പരിക്കേറ്റു. പരിക്ക് വകവെക്കാതെ മൽപ്പിടിത്തത്തിലൂടെ എസ്ഐ അക്രമിയെ സാഹസികമായി പിടികൂടുകയായിരുന്നു. വിരലുകളിൽ മുറിവേറ്റത് കാരണം ഏഴ് സ്റ്റിച്ചിട്ടു. സംഭവത്തിൽ നൂറനാട് മുതുകാട്ടുകര എള്ളുംവിളയിൽ സുഗതൻ (48) ആണ് പിടിയിലായത്.