തിരുവനന്തപുരത്തെ തീരദേശ മേഖലകളില്‍ കൂടുതല്‍ ഇളവുകള്‍ പ്രഖ്യാപിച്ച് ജില്ലാ കളക്ടര്‍

തിരുവനന്തപുരം: ജില്ലയിലെ തീരദേശ മേഖലകളില്‍ കൂടുതല്‍ ഇളവുകള്‍ പ്രഖ്യാപിച്ചതായി ജില്ലാ കളക്ടര്‍ ഡോ. നവജ്യോത് ഖോസ അറിയിച്ചു. അതീവ നിയന്ത്രിത മേഖലകളിലെ വ്യാപാര സ്ഥാപനങ്ങള്‍ക്ക് കൊവിഡ് മാനദണ്ഡങ്ങള്‍ പാലിച്ചുകൊണ്ട് വൈകിട്ട് ഏഴുമണിവരെ തുറന്നു പ്രവര്‍ത്തിക്കാം.

Also Read: നാട്ടുകാരുടെ പ്രതിഷേധത്തിനിടെ കൊവിഡ് രോഗിയുടെ മൃതദേഹം സംസ്‌കരിച്ചു

ഈ മേഖലകളിലുള്ള കൊവിഡ് രോഗമുക്തര്‍ക്കും കൊവിഡ് ഫലം നെഗറ്റീവായവര്‍ക്കും ഉപാധികളോടെ വിവിധ ആവശ്യങ്ങള്‍ക്കായി മറ്റിടങ്ങളിലേക്ക് സഞ്ചരിക്കാം. കൊവിഡ് മുക്തരായവര്‍ പ്രാഥമികാരോഗ്യ കേന്ദ്രത്തിലെ മെഡിക്കല്‍ ഓഫീസറുടെ സാക്ഷ്യപത്രവും ഫോട്ടോ പതിച്ച തിരിച്ചറിയല്‍ രേഖയും കൈയില്‍ കരുതണം.

Also Read: ആയുധങ്ങൾ കൊണ്ടുപോയ ട്രക്കും കാറും കുണ്ടന്നൂർ പാലത്തിൽ വെച്ച് കൂട്ടിയിടിച്ചു

കൊവിഡ് പരിശോധനയ്ക്ക് വിധേയമായവര്‍ പരിശോധനാ കേന്ദ്രത്തിന്‍ നിന്നും ലഭിക്കുന്ന നെഗറ്റീവ് സര്‍ട്ടിഫിക്കറ്റും ഫോട്ടോ പതിച്ച തിരിച്ചറിയല്‍ രേഖയും കരുതണം. പരിശോധിച്ച തീയതിമുതല്‍ ഏഴുദിവസം വരെ നെഗറ്റീവ് സര്‍ട്ടിഫിക്കറ്റുമായി സഞ്ചരിക്കാം. എന്നാല്‍ പ്രാഥമിക സമ്പര്‍ക്കപ്പട്ടികയില്‍ ഉള്‍പ്പെട്ട് 14 ദിവസം ക്വാറന്‍റൈനില്‍ കഴിയുന്നവര്‍ക്ക് കാലാവധി കഴിയുന്നതുവരെ സഞ്ചാരം അനുവദിക്കില്ല.

Also Read: കഞ്ചാവിന്‍റെ പേരില്‍ അക്രമം; മഞ്ചേശ്വരത്ത് യുവാവ് കുത്തേറ്റ് മരിച്ചു

പ്രദേശത്ത് ഇതുവരെയും കൊവിഡ് പരിശോധന നടത്താത്തവര്‍ക്ക് സൗജന്യമായി പ്രാഥമിക ആരോഗ്യ കേന്ദ്രത്തില്‍ നിന്നും പരിശോധന നടത്താം. സ്വകാര്യ ആശുപത്രികള്‍, ലാബുകള്‍ എന്നിവിടങ്ങളിലും സര്‍ക്കാര്‍ നിശ്ചയിച്ച നിരക്കില്‍ പരിശോധനാ സൗകര്യമുണ്ട്. കൊവിഡ് രോഗമുക്ത സാക്ഷ്യപത്രം, കൊവിഡ് നെഗറ്റീവ് സര്‍ട്ടിഫിക്കറ്റ് എന്നിവ എത്രയും വേഗം ലഭ്യമാക്കാന്‍ നടപടി സ്വീകരിച്ചിട്ടുണ്ടെന്നും ജില്ലാ കളക്ടര്‍ അറിയിച്ചു.