നെയ്യാര്‍ ഡാമിലെ നാല് ഷട്ടറുകള്‍ ഉയര്‍ത്തി; നദികള്‍ കരകവിയാന്‍ സാധ്യത, മുന്നറിയിപ്പുമായി അധികൃതര്‍

തിരുവനന്തപുരം: തിരുവനന്തപുരം: നെയ്യാര്‍ ഡാമിലെ നാല് ഷട്ടറുകള്‍ തുറന്നു. ജലനിരപ്പ് ഉയര്‍ന്നതോടെയാണ് ഷട്ടറുകള്‍ തുറന്നത്. രണ്ട് ഇഞ്ച് വീതമാണ് തുറന്നിരിക്കുന്നത്. ഞായറാഴ്ച 79.240 മീറ്റര്‍ ജലമാണ് ഉണ്ടായിരുന്നത്. തിങ്കളാഴ്ച ആകുമ്പോഴേക്കും ഉയരുകയായിരുന്നു. ഡാമില്‍ 80.100 മീറ്റര്‍ വെള്ളമാണുള്ളത്. ഡാമിന്റെ സംഭരണ ശേഷി 84.75 മീറ്റര്‍ ആണ്.

Also Read: തിരൂരങ്ങാടി വെഞ്ചാലി വയലില്‍ ഇനി ഉത്സവ പ്രതീതി, മന്‍പിടുത്തം ഹരമാക്കി യുവാക്കള്‍...

ഷട്ടര്‍ ഇനിയും ഉയര്‍ത്തേണ്ടി വരുമെന്നാണ് ബന്ധപ്പെട്ടവര്‍ വ്യക്തമാക്കുന്നതെന്ന് കേരള കൗമുദി റിപ്പോര്‍ട്ട് ചെയ്യുന്നു. ഞായറാഴ്ച ജില്ല കലക്ടര്‍ ഉള്‍പ്പെടെയുള്ളവര്‍ ഡാമിലെത്തി ജലനിരപ്പ് വിലയിരുത്തിയിരുന്നു. ഡാമിലേയ്ക്ക് നീരൊഴുക്കുന്ന നെയ്യാര്‍, കല്ലാര്‍, മുല്ലയാര്‍ തുടങ്ങിയ നദികളും മണിയങ്കത്തോട്, കാരക്കുടി, അഞ്ചുനാഴിത്തോട്, കാരയാര്‍ തുടങ്ങിയ 20 ചെറു നദികളിലും കരകവിയുന്ന രീതിയിലാണ്.

Also Read: ഇന്ന് ജൂണ്‍ ഒന്ന്; ചരിത്രത്തില്‍ രേഖപ്പെടുത്തും ഈ ദിനം: കളിചിരിയും കരച്ചിലും ഇല്ലാത്ത ദിവസം

കനത്ത മഴ പെയ്യുന്നുണ്ട്. അതുകൊണ്ട് തന്നെ വനത്തില്‍ ശക്തമായ നീരൊഴുക്കാണുള്ളത്. നദിക്കരകളില്‍ താമസിക്കുന്നവര്‍ ജാഗ്രത പാലിക്കണമെന്ന് അധികൃതര്‍ മുന്നറിയിപ്പ് നല്‍കി. രണ്ടാഴ്ച മുമ്പ് വെള്ളം പൊങ്ങിയപ്പോള്‍ ഡാം തുറന്ന് വിട്ടിരുന്നു. ഇതേ തുടര്‍ന്ന് വന്‍ വിവാദങ്ങള്‍ ഉയരുന്നിരുന്നു. ഇതിന് പിന്നാലെയാണ് മുന്‍ കലക്ടറെ കാസര്‍കോടേക്ക് സ്ഥലം മാറ്റിയത്.