തിരുവനന്തപുരം: തിരുവനന്തപുരത്ത് മഴക്കെടുതി രൂക്ഷമായ സാഹചര്യത്തിൽ ദുരിതാശ്വാസ ക്യാംപുകൾ പ്രവർത്തിക്കുന്ന സ്കൂളുകൾക്ക് നാളെ അവധി പ്രഖ്യാപിക്കും. ദുരിതാശ്വാസ ക്യാംപുകൾ പ്രവർത്തിക്കുന്ന സ്കൂളുകൾക്ക് നാളെ അവധി നൽകുമെന്ന് റവന്യൂ മന്ത്രി കെ രാജൻ ആണ് അറിയിച്ചത്. രാത്രി പെയ്ത കനത്ത മഴയിലാണ് തിരുവനന്തപുരം നഗരത്തിൻ്റെ പല മേഖലകളും വെള്ളത്തിൽ മുങ്ങിയത്. നഗര, ഗ്രാമ വ്യത്യാസമില്ലാതെ വ്യാപക നാശമാണ് ഉണ്ടായിരിക്കുന്നത്. ടെക്നോപാർക്ക് മേഖലയിലടക്കം വെള്ളക്കെട്ട് രൂക്ഷമാണ്.
നെടുമങ്ങാട്, ആറ്റിങ്ങൽ, വ‍ർക്കല, കേദാ‍ർനഗ‍‍ർ, തേക്കുംമൂട് തുടങ്ങിയ ഇടങ്ങളിൽ നിരവധി വീടുകളിലും വെള്ളം കയറി. നദികളും തോടുകളും കരകവിഞ്ഞതും ഓട അടഞ്ഞതുമാണ് പലയിടത്തും വീടുകളിൽ വെള്ളം കയറാൻ ഇടയാക്കിയത്. നഗരത്തിലെ സ്വകാര്യ ആശുപത്രിയുടെ താഴത്തെ നിലയിലും വെള്ളം കയറി. പാറശാലയിൽ വീട് തക‍ർന്ന സംഭവവും ഉണ്ടായി. കനത്ത മഴയെ തുടർന്ന് ലക്ഷക്കണക്കിന് രൂപയുടെ കൃഷിനാശമാണ് ഉണ്ടായിരിക്കുന്നത്. നെയ്യാറ്റിൻകര, മരുതൂ‍ർ, ചെങ്കൽ, കണ്ണങ്കുഴി, കാരക്കോണം തുടങ്ങിയ ഇടങ്ങളിലാണ് കൃഷിനാശം രൂക്ഷം.
അതേസമയം ജില്ലയിൽ ഇന്ന് ഓറഞ്ച് അലേർട്ട് പ്രഖ്യാപിച്ചു. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. ജില്ലയിലെ അടിയന്തര സാഹചര്യം പരിഗണിച്ച് റവന്യു ഉദ്യോഗസ്ഥ‍ർ ഓഫീസിൽ എത്തണമെന്ന് ജില്ലാ കളക്ടർ നിർദേശിച്ചിട്ടുണ്ട്. മഴക്കെടുതി ഉണ്ടായിട്ടുള്ള സ്ഥലങ്ങളിൽ വേണ്ട സഹായങ്ങൾ എത്തിക്കുവാനും ദുരിതാശ്വാസ പ്രവർത്തനങ്ങൾ ഏകോപിപ്പിക്കുവാനും തഹസീൽദാർമാർക്ക് കളക്ടർ നിർദേശം നൽകി. താലൂക്കുതല കൺട്രോൾ റൂമുകൾ പൂർണ സജ്ജമാമാക്കി.
തിരുവനന്തപുരം ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News
നെടുമങ്ങാട്, ആറ്റിങ്ങൽ, വ‍ർക്കല, കേദാ‍ർനഗ‍‍ർ, തേക്കുംമൂട് തുടങ്ങിയ ഇടങ്ങളിൽ നിരവധി വീടുകളിലും വെള്ളം കയറി. നദികളും തോടുകളും കരകവിഞ്ഞതും ഓട അടഞ്ഞതുമാണ് പലയിടത്തും വീടുകളിൽ വെള്ളം കയറാൻ ഇടയാക്കിയത്. നഗരത്തിലെ സ്വകാര്യ ആശുപത്രിയുടെ താഴത്തെ നിലയിലും വെള്ളം കയറി. പാറശാലയിൽ വീട് തക‍ർന്ന സംഭവവും ഉണ്ടായി. കനത്ത മഴയെ തുടർന്ന് ലക്ഷക്കണക്കിന് രൂപയുടെ കൃഷിനാശമാണ് ഉണ്ടായിരിക്കുന്നത്. നെയ്യാറ്റിൻകര, മരുതൂ‍ർ, ചെങ്കൽ, കണ്ണങ്കുഴി, കാരക്കോണം തുടങ്ങിയ ഇടങ്ങളിലാണ് കൃഷിനാശം രൂക്ഷം.
അതേസമയം ജില്ലയിൽ ഇന്ന് ഓറഞ്ച് അലേർട്ട് പ്രഖ്യാപിച്ചു. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. ജില്ലയിലെ അടിയന്തര സാഹചര്യം പരിഗണിച്ച് റവന്യു ഉദ്യോഗസ്ഥ‍ർ ഓഫീസിൽ എത്തണമെന്ന് ജില്ലാ കളക്ടർ നിർദേശിച്ചിട്ടുണ്ട്. മഴക്കെടുതി ഉണ്ടായിട്ടുള്ള സ്ഥലങ്ങളിൽ വേണ്ട സഹായങ്ങൾ എത്തിക്കുവാനും ദുരിതാശ്വാസ പ്രവർത്തനങ്ങൾ ഏകോപിപ്പിക്കുവാനും തഹസീൽദാർമാർക്ക് കളക്ടർ നിർദേശം നൽകി. താലൂക്കുതല കൺട്രോൾ റൂമുകൾ പൂർണ സജ്ജമാമാക്കി.
തിരുവനന്തപുരം ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News