തിരുവനന്തപുരത്ത് യുവതിയെ വീട്ടില്‍ക്കയറി മാനഭംഗപ്പെടുത്താന്‍ ശ്രമം; ജാതി പേര് വിളിച്ച് അധിക്ഷേപിച്ചു, യുവാവ് അറസ്റ്റില്‍

തിരുവനന്തപുരം: പിന്നാക്ക വിഭാഗത്തില്‍പ്പെട്ട സ്ത്രീയെ മാനഭംഗപ്പെടുത്താന്‍ ശ്രമിച്ച കേസില്‍ യുവാവ് അറസ്റ്റില്‍. ഒറ്റൂര്‍ മണമ്പൂര്‍ ഞായലില്‍ ശ്യാംനിവാസില്‍ ശ്യാംകുമാര്‍ (28) ആണ് അറസ്റ്റിലായത്. ഒറ്റയ്ക്ക് താമസിക്കുന്ന സ്ത്രീയെ ഇയാള്‍ വീട്ടില്‍കയറി മാനഭംഗപ്പെടുത്താന്‍ ശ്രമിക്കുകയായിരുന്നു.

Also Read: വീണ്ടും മറ്റൊരു ക്രൂരതയിൽ വിറങ്ങലിച്ച് പത്തനംതിട്ട; കുമ്പഴയിലെ വൃദ്ധയുടെ കൊലപാതകത്തിൽ ഞെട്ടി നാട്ടുകാർ, കാരണം അജ്ഞാതം!!

ഇറങ്ങിയോടിയ ഇവരെ പിന്തുടര്‍ന്ന് മുടിയില്‍ ചുറ്റിപിടിച്ചു തറയിലേക്ക് തള്ളിയിട്ട് ചവിട്ടുകയും ജാതിപ്പേര് വിളിച്ച് അധിക്ഷേപിക്കുകയും ചെയ്തതായാണ് കേസ്. ആറ്റിങ്ങല്‍ ഡിവൈഎസ്പി എസ് വ. സുരേഷിന്‍റെ നേതൃത്വത്തില്‍ കല്ലമ്പലം പോലീസ് ഇന്‍സ്‌പെക്ടര്‍ ഫറോസ് ഐ, സബ് ഇന്‍സ്‌പെക്ടര്‍മാരായ ഗംഗാപ്രസാദ്, ജയന്‍, എസ്സിപി ഒ അനില്‍ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.


തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ