കുളത്തില്‍ കുളിക്കാനിറങ്ങി, പായലില്‍ കുരുങ്ങി യുവാവ് മുങ്ങി മരിച്ചു
കുളത്തിലിറങ്ങി നാട്ടുകാരിലൊരാള്‍ തിരഞ്ഞപ്പോള്‍ സജികുമാര്‍ ഉടുത്തിരുന്ന തോര്‍ത്തി കിട്ടി. തുടര്‍ന്ന്, നെയ്യാറ്റിന്‍കര അഗ്നിശമന സേനയില്‍ നിന്ന് മുങ്ങല്‍ വിദഗ്ധരെത്തി നടത്തിയ തിരച്ചിലിലാണ് മൃതദേഹം കണ്ടെത്തിയത്.
Samayam Malayalam19 Jul 2022, 1:09 pm
തിരുവനന്തപുരം: കുളത്തില്‍ കുളിക്കാനിറങ്ങിയ യുവാവ് പായലില്‍ കുരുങ്ങി മുങ്ങി മരിച്ചു. തിരുവനന്തപുരം നഗരസഭയിലെ പള്ളിവിളാകം വാര്‍ഡിലെ തൊഴുക്കല്‍, കുഴിവിള, ഹാപ്പി വില്ലയില്‍ മണിയന്‍പിള്ളയുടെയും വത്സലയുടെയും മകന്‍ എം സജികുമാര്‍ (39) ആണ് മരിച്ചത്. ഞായറാഴ്ച രാവിലെ ഏഴരയോടെ വെമ്പനിക്കര കുളത്തില്‍ ആയിരുന്നു സംഭവം.
ആറ് മാസം മുമ്പാണ് കുളം നവീകരിച്ചത്. സജികുമാര്‍ ഞായറാഴ്ച രാവിലെ കുളിക്കാനും തുണികള്‍ നനയ്ക്കാനുമായി കുളത്തില്‍ പോയിരുന്നു. തുണികള്‍ നനച്ചുവെച്ച ശേഷം കുളിക്കുന്നതിനിടെ കുളത്തിലെ പായലില്‍ കുരുങ്ങിപ്പോകുകയായിരുന്നു. സമീപത്തുള്ളവര്‍ പരിശോധിച്ചപ്പോള്‍ കടവില്‍ തുണികള്‍ അലക്കി വെച്ചിട്ടുണ്ട്. എന്നാല്‍, സജികുമാറിനെ കണ്ടില്ല.
കുളത്തിലിറങ്ങി നാട്ടുകാരിലൊരാള്‍ തിരഞ്ഞപ്പോള്‍ സജികുമാര്‍ ഉടുത്തിരുന്ന തോര്‍ത്തി കിട്ടി. തുടര്‍ന്ന്, നെയ്യാറ്റിന്‍കര അഗ്നിശമന സേനയില്‍ നിന്ന് മുങ്ങല്‍ വിദഗ്ധരെത്തി നടത്തിയ തിരച്ചിലിലാണ് മൃതദേഹം കണ്ടെത്തിയത്. സജികുമാറിന് നീന്താനറിയാം. എന്നാല്‍, കുളത്തില്‍ വളര്‍ന്നു നിറഞ്ഞ പായലിന്റെ വേരുകളില്‍ കുടുങ്ങി പോകുകയായിരുന്നു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
