എടിഎമ്മില്‍ നിന്ന് കളഞ്ഞുകിട്ടിയ പണം പോലീസിന് കൈമാറി കടയ്ക്കാവൂര്‍ സ്വദേശി
കടയ്ക്കാവൂര്‍ സ്വദേശി സുനിയ്ക്കാണ് കളഞ്ഞു കിട്ടിയ നിലയില്‍ പണം കിട്ടിയത്. എടിഎമ്മില്‍ നിന്നും പുറത്തേയ്ക്ക് വന്നിരിക്കുന്ന നിലയിലായിരുന്നു നോട്ടുകള്‍. ഈ തുക പോലീസിന് കൈമാറുകയായിരുന്നു.
| Edited by Samayam Desk | Lipi 17 Nov 2020, 3:44 pm
തിരുവനന്തപുരം: എടിഎമ്മില്‍ നിന്നു ലഭിച്ച തന്റേതല്ലാത്ത പണം അധികൃതര്‍ക്ക് കൈമാറി കടയ്ക്കാവൂര്‍ സ്വദേശി മാതൃകയായി. കഴിഞ്ഞദിവസം രാത്രിയോടെ കടയ്ക്കാവൂര്‍ ചെക്കാലവിളാകം എടിഎമ്മില്‍ നിന്നു പൈസ എടുക്കാന്‍ എത്തിയ കടയ്ക്കാവൂര്‍ സ്വദേശി സുനിയാണ് എടിഎമ്മില്‍ നിന്ന് പുറത്തേക്ക് വന്നിരിക്കുന്ന നിലയില്‍ നോട്ടുകള്‍ കണ്ടെത്തിയത്.
തുടര്‍ന്ന് അദ്ദേഹം കടയ്ക്കാവൂര്‍ പോലീസില്‍ വിവരം അറിയിക്കുകയും തുക പോലീസിന് കൈമാറുകയും ചെയ്തു. പോലീസ് ബാങ്ക് അധികൃതരുമായി ബന്ധപ്പെട്ടപ്പോള്‍ ഉപഭോക്താവ് എടിഎം മെഷീനില്‍ കാര്‍ഡ് നിക്ഷേപിക്കുകയും പിന്‍ നമ്പരും തുകയും അടിച്ചശേഷം തുക എടുക്കാന്‍ മറന്നതാകാമെന്നും അറിയിച്ചു.
Also Read: തെരഞ്ഞെടുപ്പ് പോരാട്ടത്തിന് ഈ അമ്മായിയമ്മയും മരുമകളും
എടിഎം ട്രാന്‍സാക്ഷന്‍ ഡീറ്റെയില്‍സ് പരിശോധനയിലൂടെ ഉടമസ്ഥനെ കണ്ടെത്തി പണം കൈമാറാന്‍ കഴിയുമെന്നാണ് അധികൃതര്‍ പറയുന്നത്. സുനി കടയ്ക്കാവൂര്‍ പള്ളിമുക്ക് സിഎസ്സി പൊതുജന സേവന കേന്ദ്രം ഉടമയാണ്.