ചീത്ത വിളിച്ച നെയ്യാറിലെ പോലീസുകാരനെ 'തെറിപ്പിച്ചു'

തിരുവനനന്തപുരം: സ്‌റ്റേഷനില്‍ പരാതിയുമായി എത്തിയയാളെ മകളുടെ മുന്നില്‍ വച്ച് അധിക്ഷേപിച്ച പോലീസ് ഉദ്യോഗസ്ഥനെ സ്ഥലംമാറ്റി. സ്‌റ്റേഷനിലെ എ.എസ്.ഐ. ഗോപകുമാറിനെയാണ് ഇടുക്കിയിലേക്കു സ്ഥലംമാറ്റിയത്. സംഭവത്തെക്കുറിച്ച് രണ്ടു ദിവസത്തിനുള്ളില്‍ അന്വേഷിച്ച് റിപ്പോര്‍ട്ട് നല്‍കാന്‍ സംസ്ഥാന പോലീസ് മേധാവി ഉത്തരവിട്ടു. തിരുവനന്തപുരം റേഞ്ച് ഡിഐജിക്കാണ് അന്വേഷണ ചുമതല. നെയ്യാര്‍ ഡാം പോലീസ് സ്‌റ്റേഷനില്‍ നടന്ന ദൃശ്യങ്ങള്‍ സാമൂഹ്യമാധ്യമങ്ങളില്‍ പ്രചരിച്ചതിനു പിന്നാലെയാണ് നടപടി.

Also Read: അച്ഛനെയും മകളെയും പച്ചത്തെറി വിളിച്ച് നെയ്യാര്‍ പോലീസ്!! പ്രചരിക്കുന്ന വീഡിയോയ്ക്ക് പിന്നിൽ എന്ത്?

പരാതിക്കാരന്‍റെ മറ്റൊരു മകള്‍ ഒരാഴ്ച മുന്‍പേ സമീപ വാസിയായ യുവാവിനൊപ്പം പോയെന്ന പരാതിയെ തുടര്‍ന്ന് യുവതിയേയും യുവാവിനേയും സ്‌റ്റേഷനില്‍ വിളിച്ച് വരുത്തി നടപടി ക്രമങ്ങള്‍ പൂര്‍ത്തിയാക്കി വിട്ടിരുന്നു. പിന്നീട് ഈ യുവാവ് വീടിനു മുന്നിലെത്തി അസഭ്യം പറഞ്ഞതിനെത്തുടര്‍ന്ന് പിതാവ് പരാതി പറയാനെത്തിയപ്പോഴായിരുന്നു പൊലീസ് ഉദ്യോഗസ്ഥന്‍റെ മോശം പെരുമാറ്റം.

Also Read: മാസ്‌ക് മാറ്റി വോട്ടഭ്യർഥിക്കുന്ന കാഴ്ച ഞെട്ടിക്കുന്നത്, രോഗികളുടെ എണ്ണം കൂടിയാൽ ആശുപത്രികൾ മതിയാകാതെ വരും; അതീവ ജാഗ്രത മുന്നറിയിപ്പ് നൽകി ആരോഗ്യമന്ത്രി

''ഞങ്ങള്‍ ഭീഷണിപ്പെടുത്തും, ഞങ്ങള്‍ അനാവശ്യം പറയും, നിന്റെ പരാതി നോക്കാന്‍ ഞങ്ങള്‍ക്ക് മനസ്സില്ലെടേ, നിനക്ക് വയ്യെങ്കില്‍ നീ ആശുപത്രിയില്‍ പോടേ മറ്റവനേ, നീ സ്‌റ്റേഷനില്‍ കേറി കളിക്കുന്നോ,'' ഇതായിരുന്നു പരാതിക്കാരനോട് ഗോപകുമാര്‍ പ്രതികരിക്കുന്നതായി വീഡിയോയില്‍ ഉള്ളത്.