തിരുവനന്തപുരം: നെയ്യാറ്റിന്കരയില് സ്ഥാനാര്ത്ഥിക്കും മകള്ക്കും നേരെ ആക്രമണം. അതിയന്നൂര് ഗ്രാമപഞ്ചായത്ത് വെണ്പകല് വാര്ഡിലെ ബി.ജെ.പി സ്ഥാനാര്ഥി ബി. അനിതകുമാരിയെയും മകള് ദിവ്യയെയുമാണ് ആക്രമിച്ചത്. ഇരുവരെയും അതിയന്നൂര് സാമൂഹിക ആരോഗ്യകേന്ദ്രത്തില് പ്രവേശിപ്പിച്ചു.
Also Read: വിവാഹവേദിയില് നിന്ന് പോളിങ് ബൂത്തിലേക്ക് ഓടിയെത്തി നവദമ്പതിമാര്
ആക്രമണത്തിനുപിന്നില് കോണ്ഗ്രസ് പ്രവര്ത്തകരാണെന്നും, നാമനിര്ദ്ദേശ പത്രിക നല്കിയ സമയം മുതല് ഭീഷണി ഉണ്ടായിരുന്നുവെന്നും അനിതകുമാരി പറഞ്ഞു. അടിവയറ്റിലും, നെഞ്ചിലും മര്ദ്ദനമേറ്റ അനിതകുമാരിക്ക് മൂത്രതടസ്സം നേരിടുന്നതായും പോലീസില് നല്കിയ പരാതിയില് പറയുന്നു.
Also Read: തിരുവനന്തപുരത്ത് വിജയം ഉറപ്പെന്ന് ബിജെപി; ആത്മവിശ്വാസം കൈവിടാതെ യുഡിഎഫും എല്ഡിഎഫും!
വെണ്പകല് ജംഗ്ഷന് സമീപത്തുവെച്ചായിരുന്നു സംഘം ചേര്ന്ന് ആക്രമണം നടത്തിയത്. നിലവിളി കേട്ട് ഓടിയെത്തിയ നാട്ടുകാര്ക്ക് നേരെയും കൈയേറ്റമുണ്ടായി. ഇതിനിടെ സംഘര്ഷത്തില് നാല് യു.ഡി.എഫ് പ്രവര്ത്തകര്ക്കും മര്ദനമേറ്റു. ഇവര് നെയ്യാറ്റിന്കരയിലെ സ്വകാര്യ ആശുപത്രിയില് ചികിത്സയിലാണ്. സംഭവത്തില് കേസെടുത്ത നെയ്യാറ്റിന്കര പോലീസ് അന്വേഷണം ആരംഭിച്ചു.