കുഞ്ഞിരാമൻ ഇനി ആ കുടിലിലല്ല, കുഞ്ഞുവീടൊരുക്കി കിളിമാനൂര്‍ പോലീസ്; കാക്കിക്കുള്ളിലെ കരുതൽ, വീഡിയോ കാണാം
തിരുവനന്തപുരം കിളിമാനൂരിൽ വയോധികന് വീട് വെച്ച് നല്‍കി പോലീസ്. കിളിമാനൂര്‍ ജനമൈത്രി പോലീസിൻ്റെയും സുമനസുകളുടേയും പ്രയത്‌നത്താലാണ് കുഞ്ഞുവീടിൻ്റെ നിർമാണം പൂർത്തിയായത്.
ഹൈലൈറ്റ്:
- വയോധികന് വീട് വെച്ചു നൽകി കിളിമാനൂർ പോലീസ്.
- കല്ലറക്കോണം സ്വദേശി കുഞ്ഞിരാമനാണ് വീട് ലഭിച്ചത്.
- ഇടിഞ്ഞു വീഴാറായ കുടിലിലായിരുന്നു 72 കാരൻ താമസിച്ചിരുന്നത്.
തിരുവനന്തപുരം (Thiruvananthapuram): ഇടിഞ്ഞു വീഴാറായ കുടിലിനുള്ളില്‍ താമസിച്ചിരുന്ന നിര്‍ധനനും നിരാലംബനുമായ വയോധികന് കിളിമാനൂര്‍ ജനമൈത്രി പോലീസിൻ്റെയും സുമനസുകളുടെയും പ്രയത്‌നത്താല്‍ സ്‌നേഹാലയം ഒരുങ്ങി. കിളിമാനൂര്‍ പാപ്പാല കല്ലറക്കോണം കോഴിക്കോട്ടു വിള വീട്ടില്‍ കുഞ്ഞിരാമന് (72) വേണ്ടിയാണ് വീട് നിര്‍മിച്ച് നല്‍കിയത്.
സമീപ വാസികളുടേയും സുമനസുകളുടേയും കനിവിലായിരുന്നു ഭക്ഷണം പോലും ലഭിച്ചിരുന്നത്. വയോധികൻ്റെ ദുരവസ്ഥ സമീപ പ്രദേശത്ത് പരാതി അന്വേഷിയ്ക്കാന്‍ എത്തിയ ജനമൈത്രി പോലീസ് കോര്‍ഡിനേറ്റര്‍മാരായ സവാദ്ഖാന്‍, പ്രദീപ്, ജനമൈത്രി ബീറ്റ് ഓഫീസര്‍ റിയാസ് എന്നിവരുടെ ശ്രദ്ധയില്‍പ്പെടുകയും ഈ വിവരം മേലുദ്യോഗസ്ഥരെ ധരിപ്പിച്ച് അനുമതി വാങ്ങിയ ശേഷം അടിയന്തരമായി സുരക്ഷയുള്ള വീട് നിര്‍മിച്ചു നല്‍കാന്‍ തീരുമാനിയ്ക്കുകയുമായിരുന്നു.
വാര്‍ഡ് മെമ്പര്‍ അജ്മലും സുമനസുകളും ജനമൈത്രി പോലീസും കൈകോര്‍ത്തതോടെ അടുക്കളയും ശുചിമുറിയും അടങ്ങിയ ഒറ്റമുറിയുള്ള ഒരു കുഞ്ഞ് വീടിൻ്റെ നിര്‍മാണം പൂര്‍ത്തിയാക്കുകയായിരുന്നു. വീടിൻ്റെ താക്കോല്‍ദാനം തിരുവനന്തപുരം റൂറല്‍ ജില്ലാ പോലീസ് മേധാവി ഡോ. ദിവ്യാ വി ഗോപിനാഥ് ഐപിഎസ് നിര്‍വഹിച്ചു. ചടങ്ങില്‍ ആറ്റിങ്ങല്‍ ഡിവൈഎസ്പി ഡി സുനീഷ്ബാബു, നാര്‍ക്കോട്ടിക് സെല്‍ ഡിവൈഎസ്പി രാശിത്ത് വി റ്റി, പഴയകുന്നുമ്മേല്‍ ഗ്രാമ പഞ്ചായത്ത് പ്രസിഡന്റ് കെ രാജേന്ദ്രന്‍, കിളിമാനൂര്‍ എസ്എച്ച്ഒ എസ് സനൂജ്, എസ്ഐ വിജിത്ത് കെ നായര്‍ , കെപിഎ തിരുവനന്തപുരം റൂറല്‍ ജില്ലാ പ്രസിഡന്റ് കൃഷ്ണലാല്‍, വാര്‍ഡ് മെമ്പര്‍ അജ്മല്‍ തുടങ്ങിയവര്‍ പങ്കെടുത്തു.
തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
Topic: Thiruvananthapuram News, Kilimanoor Police, Kilimanoor Old Man House
സമീപ വാസികളുടേയും സുമനസുകളുടേയും കനിവിലായിരുന്നു ഭക്ഷണം പോലും ലഭിച്ചിരുന്നത്. വയോധികൻ്റെ ദുരവസ്ഥ സമീപ പ്രദേശത്ത് പരാതി അന്വേഷിയ്ക്കാന്‍ എത്തിയ ജനമൈത്രി പോലീസ് കോര്‍ഡിനേറ്റര്‍മാരായ സവാദ്ഖാന്‍, പ്രദീപ്, ജനമൈത്രി ബീറ്റ് ഓഫീസര്‍ റിയാസ് എന്നിവരുടെ ശ്രദ്ധയില്‍പ്പെടുകയും ഈ വിവരം മേലുദ്യോഗസ്ഥരെ ധരിപ്പിച്ച് അനുമതി വാങ്ങിയ ശേഷം അടിയന്തരമായി സുരക്ഷയുള്ള വീട് നിര്‍മിച്ചു നല്‍കാന്‍ തീരുമാനിയ്ക്കുകയുമായിരുന്നു.
വാര്‍ഡ് മെമ്പര്‍ അജ്മലും സുമനസുകളും ജനമൈത്രി പോലീസും കൈകോര്‍ത്തതോടെ അടുക്കളയും ശുചിമുറിയും അടങ്ങിയ ഒറ്റമുറിയുള്ള ഒരു കുഞ്ഞ് വീടിൻ്റെ നിര്‍മാണം പൂര്‍ത്തിയാക്കുകയായിരുന്നു. വീടിൻ്റെ താക്കോല്‍ദാനം തിരുവനന്തപുരം റൂറല്‍ ജില്ലാ പോലീസ് മേധാവി ഡോ. ദിവ്യാ വി ഗോപിനാഥ് ഐപിഎസ് നിര്‍വഹിച്ചു. ചടങ്ങില്‍ ആറ്റിങ്ങല്‍ ഡിവൈഎസ്പി ഡി സുനീഷ്ബാബു, നാര്‍ക്കോട്ടിക് സെല്‍ ഡിവൈഎസ്പി രാശിത്ത് വി റ്റി, പഴയകുന്നുമ്മേല്‍ ഗ്രാമ പഞ്ചായത്ത് പ്രസിഡന്റ് കെ രാജേന്ദ്രന്‍, കിളിമാനൂര്‍ എസ്എച്ച്ഒ എസ് സനൂജ്, എസ്ഐ വിജിത്ത് കെ നായര്‍ , കെപിഎ തിരുവനന്തപുരം റൂറല്‍ ജില്ലാ പ്രസിഡന്റ് കൃഷ്ണലാല്‍, വാര്‍ഡ് മെമ്പര്‍ അജ്മല്‍ തുടങ്ങിയവര്‍ പങ്കെടുത്തു.
തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
Topic: Thiruvananthapuram News, Kilimanoor Police, Kilimanoor Old Man House