തിരുവനന്തപുരം(Thiruvananthapuram): മുന് മുഖ്യമന്ത്രി ഉമ്മന് ചാണ്ടിക്കെതിരായ പീഡന പരാതിയിന്മേലുള്ള അന്വേഷണത്തിന്റെ ഭാഗമായി സിബിഐ സംഘം ക്ലിഫ് ഹൗസില് തെിവെടുപ്പിന് എത്തി. പരാതിക്കാരിക്കൊപ്പമാണ് സംഘം തെളിവെടുപ്പിനായി എത്തിയത്. സിബിഐ ഇന്സ്പെക്ടര് നിബുല് ശങ്കറിന്റൈ നേതൃത്വത്തിലുള്ള സംഘമാണ് ക്ലിഫ് ഹൗസില് എത്തിയത്. ഉമ്മന് ചാണ്ടി മുഖ്യമന്ത്രിയായിരിക്കെ ക്ലിഫ് ഹൗസില്വെച്ച് തന്നെ ലൈംഗികമായി പീഡിപ്പിച്ചുവെന്നാണ് പരാതിക്കാരിയുടെ ആരോപണം. 2012ലാണ് കേസിനാസ്പദമായ സംഭവം നടക്കുന്നതെന്നാണ് പരാതിയില് ചൂണ്ടിക്കാട്ടിയിരിക്കുന്നത്.
Also Read: ഇന്തോനേഷ്യന് നാവികസേന പിടികൂടിയ മലയാളികളിൽ ഒരാൾ തിരികെയെത്തി
പ്രത്യേക അനുമതി വാങ്ങിയ ശേഷമാണ് സിബിഐ സംഘം തെളിവെടുപ്പിനായി ക്ലിഫ് ഹൗസില് എത്തിയത്. ഹൈബി ഈഡനെതിരെ ഉന്നയിച്ച പീഡന പരാതിയില് എംഎല്എ ഹോസ്റ്റലില് പരാതിക്കാരിയുമായെത്തി സിബിഐ സംഘം നേരത്തെ തെളിവെടുപ്പ് നടത്തിയിരുന്നു.
Topic: Thiruvananthapuram, Solar case, CBI at cliff house