തിരുവനന്തപുരം(Thiruvananthapuram): കിഴക്കേകോട്ടയിലെ കാല്നടയാത്രാദുരിതത്തിന് പരിഹാരമാകുന്ന ആധുനിക ആകാശപ്പാതയുടെ നിര്മ്മാണം അവസാനഘട്ടത്തില്. മേയ് ആദ്യവാരം പൊതുജനങ്ങള്ക്കായി തുറന്നുകൊടുക്കുമെന്നാണ് അധികൃതര് അറിയിച്ചിരിക്കുന്നത്. കോര്പറേഷന് സഹകരണത്തോടെ 4 കോടി ചെലവില് ആക്സോ എന്ജിനീയേഴ്സ് പ്രൈവറ്റ് ലിമിറ്റഡാണ് നിര്മാണം നടത്തിയത്. 102 മീറ്റര് നീളമുള്ള മേല്പാലം സംസ്ഥാനത്തെ ഏറ്റവും നീളം കൂടിയതാണ്. പടിക്കെട്ടിനു പുറമേ ലിഫ്റ്റും ആകാശപ്പാതയുടെ പ്രത്യേകതയാണ്.
ഇവിടെ സ്ഥാപിക്കുന്ന 5 അടിയുള്ള വലിയ ക്ലോക്കിന്റെയും സെല്ഫി കോര്ണറിന്റെയും പണിയാണ് ഇപ്പോള് നടക്കുന്നത്. ഈ ജോലികള് ഈ മാസം തന്നെ പൂര്ത്തിയാക്കും. അവസാനഘട്ട പരിശോധന കഴിഞ്ഞ് നിര്മ്മാണം നടത്തുന്ന ആക്സോ എന്ജിനിയേഴ്സ് റിപ്പോര്ട്ട് നഗരസഭയ്ക്ക് കൈമാറും. മുഖ്യമന്ത്രി പിണറായി വിജയനെക്കൊണ്ട് പാലത്തിന്റെ ഉദ്ഘാടനം നടത്തണമെന്നാണ് നഗരസഭ കരുതുന്നത്. മുഖ്യമന്ത്രിക്ക് അസൗകര്യമുണ്ടെങ്കില് മറ്റ് മന്ത്രിമാരെ വച്ച് ഉദ്ഘാടനം നിര്വഹിക്കും.
ഗാന്ധി പാര്ക്കിന് സമീപത്ത് നിന്നും ആരംഭിക്കുന്ന ആകാശപ്പാത ആറ്റുകാല് ബസ് സ്റ്റോപ്പ്, കോവളം വിഴിഞ്ഞം ബസ് സ്റ്റോപ്പ് എന്നിവിടങ്ങളിലൂടെ പാളയം, സ്റ്റാച്യു ബസ് സ്റ്റോപ്പുകളുടെ ഭാഗത്ത് അവസാനിക്കും. ഇതില് ഗാന്ധി പാര്ക്കിന് സമീപവും കോവളം ബസ് സ്റ്റോപ്പ് ഭാഗത്തും ലിഫ്റ്റ് ഉണ്ട്. ആറ്റുകാല് ബസ് സ്റ്റോപ്പ്, കോവളം ബസ് സ്റ്റോപ്പ് ഭാഗം, പാളയം ഭാഗം, ഗാന്ധി പാര്ക്കിന് സമീപം എന്നിവിടങ്ങളില് ഇറങ്ങാനും കയറാനും സൗകര്യമുണ്ട്. 15 പേര്ക്ക് വീതം കയറാവുന്ന രണ്ട് ലിഫ്ടുകളാണ് പാലത്തില് സജ്ജീകരിക്കുന്നത്. സി.സി ടിവി കാമറ ഉള്പ്പെടെയുള്ള ആധുനിക സുരക്ഷാ സംവിധാനങ്ങളും ഇവിടെ ഒരുക്കുന്നുണ്ട്. ശീതീകരിച്ച പൊലീസ് എയ്ഡ്പോസ്റ്റും ടൂറിസം ഇന്ഫര്മേഷന് സെന്ററും ഇവിടെയുണ്ടാകും. 450 സ്ക്വയര് ഫീറ്റിലാണ് എല്.ഇ.ഡി വാള് സജ്ജീകരിക്കുന്നത്. 100 മീറ്റര് പരിധിയില് സൗജന്യ വൈഫൈ ഉപയോഗിക്കാനും പൊതുജനങ്ങള്ക്ക് കഴിയും.
തലസ്ഥാനത്തെ കലാസാംസ്കാരിക മേഖലയിലെ ജീവിച്ചിരിക്കുന്നവരും മരിച്ചവരുമായ പ്രമുഖരുടെ ചിത്രങ്ങള് ഉള്പ്പെടുത്തിയ 'അഭിമാനം അനന്തപുരി സ്ക്വയര്', അംബേദ്കര്, നെഹ്റു, ഇഎംഎസ്, അബ്ദുല്കലാം, മഹാത്മാഗാന്ധി എന്നിവരുടെ 15 അടിയോളമുള്ള ചിത്രങ്ങള്, നടപ്പാതയ്ക്ക് അകത്ത് കാസര്കോട് മുതല് തിരുവനന്തപുരം വരെയുള്ള പ്രധാന വിനോദസഞ്ചാര കേന്ദ്രങ്ങളുടെയും സ്ഥലങ്ങളുടെയും ചിത്രങ്ങള് എന്നിവയെല്ലാം ഉള്ക്കൊള്ളിച്ചിട്ടുണ്ട്.
കഴിഞ്ഞ ഒക്ടോബറില് പൂര്ത്തിയാക്കേണ്ട ഫുട് ഓവര് ബ്രിഡ്ജിന്റെ നിര്മ്മാണം കൊവിഡ് കാരണമാണ് വൈകിയത്. കോട്ടയ്ക്ക് സമാനമായി പൈതൃകം സംരക്ഷിച്ചുകൊണ്ട് പൗരാണിക രീതിയിലാണ് ബ്രിഡ്ജ് ഡിസൈന് ചെയ്തിരിക്കുന്നത്. നിര്മ്മാണം പൂര്ത്തിയാകുന്നതോടെ നഗരത്തിലെ ഏറ്റവും തിരക്കുള്ള കിഴക്കേകോട്ടയിലെ കാല്നട യാത്രക്കാരുടെ യാത്രാക്ലേശം പരിഹരിക്കാന് കഴിയുമെന്ന് ഉദ്യോഗസഥര് പറഞ്ഞു. നഗരവാസികളുടെ ദീര്ഘകാലത്തെ സ്വപ്നമാണ് ഇപ്പോള് യാഥാര്ത്ഥ്യമാകുന്നത്.
Topic: Thiruvananthapuram News, Kizhakkekkotta skyway, Trivandrum corporation
ഇവിടെ സ്ഥാപിക്കുന്ന 5 അടിയുള്ള വലിയ ക്ലോക്കിന്റെയും സെല്ഫി കോര്ണറിന്റെയും പണിയാണ് ഇപ്പോള് നടക്കുന്നത്. ഈ ജോലികള് ഈ മാസം തന്നെ പൂര്ത്തിയാക്കും. അവസാനഘട്ട പരിശോധന കഴിഞ്ഞ് നിര്മ്മാണം നടത്തുന്ന ആക്സോ എന്ജിനിയേഴ്സ് റിപ്പോര്ട്ട് നഗരസഭയ്ക്ക് കൈമാറും. മുഖ്യമന്ത്രി പിണറായി വിജയനെക്കൊണ്ട് പാലത്തിന്റെ ഉദ്ഘാടനം നടത്തണമെന്നാണ് നഗരസഭ കരുതുന്നത്. മുഖ്യമന്ത്രിക്ക് അസൗകര്യമുണ്ടെങ്കില് മറ്റ് മന്ത്രിമാരെ വച്ച് ഉദ്ഘാടനം നിര്വഹിക്കും.
ഗാന്ധി പാര്ക്കിന് സമീപത്ത് നിന്നും ആരംഭിക്കുന്ന ആകാശപ്പാത ആറ്റുകാല് ബസ് സ്റ്റോപ്പ്, കോവളം വിഴിഞ്ഞം ബസ് സ്റ്റോപ്പ് എന്നിവിടങ്ങളിലൂടെ പാളയം, സ്റ്റാച്യു ബസ് സ്റ്റോപ്പുകളുടെ ഭാഗത്ത് അവസാനിക്കും. ഇതില് ഗാന്ധി പാര്ക്കിന് സമീപവും കോവളം ബസ് സ്റ്റോപ്പ് ഭാഗത്തും ലിഫ്റ്റ് ഉണ്ട്. ആറ്റുകാല് ബസ് സ്റ്റോപ്പ്, കോവളം ബസ് സ്റ്റോപ്പ് ഭാഗം, പാളയം ഭാഗം, ഗാന്ധി പാര്ക്കിന് സമീപം എന്നിവിടങ്ങളില് ഇറങ്ങാനും കയറാനും സൗകര്യമുണ്ട്. 15 പേര്ക്ക് വീതം കയറാവുന്ന രണ്ട് ലിഫ്ടുകളാണ് പാലത്തില് സജ്ജീകരിക്കുന്നത്. സി.സി ടിവി കാമറ ഉള്പ്പെടെയുള്ള ആധുനിക സുരക്ഷാ സംവിധാനങ്ങളും ഇവിടെ ഒരുക്കുന്നുണ്ട്. ശീതീകരിച്ച പൊലീസ് എയ്ഡ്പോസ്റ്റും ടൂറിസം ഇന്ഫര്മേഷന് സെന്ററും ഇവിടെയുണ്ടാകും. 450 സ്ക്വയര് ഫീറ്റിലാണ് എല്.ഇ.ഡി വാള് സജ്ജീകരിക്കുന്നത്. 100 മീറ്റര് പരിധിയില് സൗജന്യ വൈഫൈ ഉപയോഗിക്കാനും പൊതുജനങ്ങള്ക്ക് കഴിയും.
തലസ്ഥാനത്തെ കലാസാംസ്കാരിക മേഖലയിലെ ജീവിച്ചിരിക്കുന്നവരും മരിച്ചവരുമായ പ്രമുഖരുടെ ചിത്രങ്ങള് ഉള്പ്പെടുത്തിയ 'അഭിമാനം അനന്തപുരി സ്ക്വയര്', അംബേദ്കര്, നെഹ്റു, ഇഎംഎസ്, അബ്ദുല്കലാം, മഹാത്മാഗാന്ധി എന്നിവരുടെ 15 അടിയോളമുള്ള ചിത്രങ്ങള്, നടപ്പാതയ്ക്ക് അകത്ത് കാസര്കോട് മുതല് തിരുവനന്തപുരം വരെയുള്ള പ്രധാന വിനോദസഞ്ചാര കേന്ദ്രങ്ങളുടെയും സ്ഥലങ്ങളുടെയും ചിത്രങ്ങള് എന്നിവയെല്ലാം ഉള്ക്കൊള്ളിച്ചിട്ടുണ്ട്.
കഴിഞ്ഞ ഒക്ടോബറില് പൂര്ത്തിയാക്കേണ്ട ഫുട് ഓവര് ബ്രിഡ്ജിന്റെ നിര്മ്മാണം കൊവിഡ് കാരണമാണ് വൈകിയത്. കോട്ടയ്ക്ക് സമാനമായി പൈതൃകം സംരക്ഷിച്ചുകൊണ്ട് പൗരാണിക രീതിയിലാണ് ബ്രിഡ്ജ് ഡിസൈന് ചെയ്തിരിക്കുന്നത്. നിര്മ്മാണം പൂര്ത്തിയാകുന്നതോടെ നഗരത്തിലെ ഏറ്റവും തിരക്കുള്ള കിഴക്കേകോട്ടയിലെ കാല്നട യാത്രക്കാരുടെ യാത്രാക്ലേശം പരിഹരിക്കാന് കഴിയുമെന്ന് ഉദ്യോഗസഥര് പറഞ്ഞു. നഗരവാസികളുടെ ദീര്ഘകാലത്തെ സ്വപ്നമാണ് ഇപ്പോള് യാഥാര്ത്ഥ്യമാകുന്നത്.
Topic: Thiruvananthapuram News, Kizhakkekkotta skyway, Trivandrum corporation