തിരുവനന്തപുരം(Thiruvananthapuram): നാഗർകോവിൽ കോതയാറിൽ കാട്ടാനയെ ചരിഞ്ഞ നിലയിൽ കണ്ടെത്തി. കോതയാർ, മോതിരമലയ്ക്കടുത്ത് കോലഞ്ചിമഠത്തിലാണ് കാട്ടാനയെ ചരിഞ്ഞ നിലയിൽ കണ്ടെത്തിയത്. 60 വയസ് പ്രായം തോന്നിക്കുന്ന പിടിയാനയാണ് ചരിഞ്ഞത്. മുൻവശത്തെ വലതുകാലിൽ പരിക്കുള്ള ആന ദിവസങ്ങൾക്ക് മുൻപേ മറ്റ് ആനകൾക്കൊപ്പം കോതയാറിൻ ചുറ്റുമുള്ള ആദിവാസി മേഖലയിൽ വരുന്നത് പതിവായിരുന്നു.
എന്റെ കേരളം മേളയിലെത്തിയാൽ എംപ്ലോയ്മെന്റ് രജിസ്ട്രേഷൻ പുതുക്കാം
സർക്കാരിന്റെ ഒന്നാം വാർഷികാഘോഷങ്ങളുടെ ഭാഗമായി മെയ് 15 മുതൽ 22 വരെ കനകക്കുന്നിൽ നടക്കുന്ന 'എന്റെ കേരളം' മെഗാ പ്രദർശന വിപണന മേളയിലെത്തിയാൽ എംപ്ലോയ്മെന്റ് രജിസ്ട്രേഷനും പുതുക്കി മേളക്കാഴ്ചകളും ആസ്വദിക്കാം. 2000 ജനുവരി ഒന്ന് മുതൽ 2022 മാർച്ച് 31 വരെയുള്ള കാലയളവിൽ വിവിധ കാരണങ്ങളാൽ എംപ്ലോയ്മെന്റ് രജിസ്ട്രേഷൻ പുതുക്കാൻ കഴിയാതെ പുറത്തായവർക്ക് മുൻകാല പ്രാബല്യത്തോടെയാണ് പുതുക്കി നൽകുന്നത്.
മേളയുടെ ഭാഗമായി വിവിധ സർക്കാർ വകുപ്പുകൾ സൗജന്യമായും വേഗത്തിലും തത്സമയ സേവനങ്ങൾ ലഭ്യമാക്കാനായി സ്ഥാപിച്ചിരിക്കുന്ന സേവന സ്റ്റാളുകളുടെ വിഭാഗത്തിലാണ് എംപ്ലോയ്മെന്റ് എക്സ്ചേഞ്ചിന്റെ ഈ സേവനം ലഭിക്കുക. മെയ് 31 വരെ എംപ്ലോയ്മെന്റ് എക്സ്ചേഞ്ചുകളിലും രജിസ്ട്രേഷൻ പുതുക്കാനുള്ള സൗകര്യമുണ്ടായിരിക്കും. എംപ്ലോയ്മെന്റ് എക്സ്ചേഞ്ചിൽ പേരുചേർക്കാനും അധിക സർട്ടിഫിക്കറ്റുകൾ കൂട്ടിച്ചേർക്കാനും സ്റ്റാളുകളിൽ അവസരമുണ്ടാകും.
Topic: Kothayar elephant death, Thiruvananthapuram News, kolanchimadam elephant death