തിരുവനന്തപുരം: തുടര്ച്ചയായ ദിവസങ്ങളില് സംസ്ഥാനത്ത് ഏറ്റവുമധികം രോഗബാധയുണ്ടാകുന്ന സ്ഥലമായി മാറിയിരിക്കുകയാണ് തിരുവനന്തപുരം. നാലുദിവസത്തിനിടെ 30211 പേര്ക്കാണ് രോഗം സ്ഥിരീകരിച്ചത്. 7896 പേര്ക്കാണ് ഇന്നലെ കൊവിഡ് ബാധിച്ചത്. മൂന്നാം തരംഗം റിപ്പോര്ട്ട് ചെയ്തതിന് ശേഷം ഓരോ ദിവസവും രോഗികളുടെ എണ്ണത്തില് വര്ദ്ധനയാണ് ഉണ്ടാകുന്നത്. കഴിഞ്ഞ ദിവസം ടി.പി.ആര് 46.68 ശതമാനമായിരുന്നു. രോഗം സ്ഥിരീകരിച്ച് 54,280 പേരാണ് ജില്ലയില് ചികിത്സയിലുള്ളത്. ജില്ലയില് രോഗവ്യാപനം രൂക്ഷമാകുന്നുവെന്നതിന്റെ സൂചനയാണ് പ്രതിദിന കൊവിഡ് രോഗികളുടെ വര്ദ്ധന. വരും ദിവസങ്ങളില് രോഗികളുടെ എണ്ണത്തില് വര്ദ്ധനയുണ്ടാകുമെന്നാണ് ആരോഗ്യ വിദഗ്ദ്ധരുടെ നിരീക്ഷണം. പൂജപ്പുര സെന്ട്രല് ജയിലിലും കൊവിഡ് പടരുകയാണ്. 262 തടവുകാര്ക്ക് കൊവിഡ് സ്ഥിരീകരിച്ചു. കഴിഞ്ഞ മൂന്നു ദിവസമായി തടവുകാര്ക്കിടയില് ആന്റിജന് ടെസ്റ്റ് നടത്തിയിരുന്നു. രോഗികളെ പ്രത്യേക ബ്ലോക്കിലേക്ക് മാറ്റി. ജയിലിലെ 961 തടവുകാരിലാണ് ആന്റിജന് പരിശോധന നടത്തിയത്. സംസ്ഥാനത്തെ എല്ലാ ജയിലുകളിലുമായി തടവുകാരും ജീവനക്കാരും ഉള്പ്പെടെ 488 പേര് കൊവിഡ് ബാധിതര് ആണെന്നാണ് വിവരം. ജയിലുകള്ക്കായി പ്രത്യേക ആരോഗ്യവിഭാഗത്തെ അനുവദിക്കണമെന്ന് ജയില്വകുപ്പ് ആവശ്യപ്പെട്ടു.
അതേസമയം, തലസ്ഥാനത്തെ മലയോരമേഖലയിലും കൊവിഡ് ടെസ്റ്റ് പോസിറ്റിവിറ്റി നിരക്ക് കുത്തനെ ഉയര്ന്നു. ആദിവാസി ഊരുകളിലേക്കും, തോട്ടം മേഖലകളിലേക്കും രോഗം പടര്ന്നിട്ടുണ്ട്. ഒരിക്കല് രോഗം ബാധിച്ചവര്ക്ക് വീണ്ടും കൊവിഡ് പിടികൂടുന്ന സ്ഥിതിവിശേഷമാണ് നിലവില്. പ്രതിരോധപ്രവര്ത്തനങ്ങളും നിയന്ത്രണങ്ങളും ഒരുവശത്ത് നടക്കുന്നുണ്ടെങ്കിലും രോഗവ്യാപനം അതിരൂക്ഷമാവുകയാണ്. അരുവിക്കര നിയോജകമണ്ഡലത്തിലെ വിതുര, തൊളിക്കോട്, ഉഴമലയ്ക്കല്, കുറ്റിച്ചല്, പൂവച്ചല്, ആര്യനാട്, വെള്ളനാട്, അരുവിക്കര പഞ്ചായത്തുകളില് രോഗബാധിതരുടെ എണ്ണം അനുദിനം ഉയര്ന്നുകൊണ്ടിരിക്കുകയാണ്. പരിശോധനക്ക് എത്തുന്നവരില് ഭൂരിഭാഗം പേര്ക്കും രോഗം ബാധിച്ച അവസ്ഥയാണ്. നെടുമങ്ങാട് താലൂക്കിലെ പ്രധാന ആശുപത്രികളുടെ നേതൃത്വത്തില് ആഴ്ചയില് രണ്ട് തവണ ആന്റിജന് ടെസ്റ്റ് ക്യാമ്പുകള് നടത്തുന്നുണ്ടെങ്കിലും രോഗലക്ഷണങ്ങള് ഉള്ളവര്പോലും ഇവിടെ എത്തുന്നില്ലെന്നാണ് അധികൃതര് പറയുന്നത്.
വിനോദസഞ്ചാരകേന്ദ്രമായ പൊന്മുടി അടച്ചെങ്കിലും വിതുര മേഖലയിലെ മറ്റ് ടൂറിസം കേന്ദ്രങ്ങളില് ധാരാളം സഞ്ചാരികള് എത്തുന്നുണ്ട്. ഈ നില തുടര്ന്നാല് വരും ദിവസങ്ങളില് രോഗബാധിതരുടെ എണ്ണം കുത്തനെ കൂടാനാണ് സാദ്ധ്യത. നേരത്തേ തൊളിക്കോട് പഞ്ചായത്തില് ഒമിക്രോണ് സ്ഥിരീകരിച്ചിരുന്നു. മുന്പ് ആരോഗ്യപ്രവര്ത്തകരുടെയും പൊലീസിന്റെയും നേതൃത്വത്തില് കര്ശന പ്രതിരോധ പ്രവര്ത്തനങ്ങള് നടത്തിയിരുന്നു. എന്നാല് രോഗവ്യാപനം രൂക്ഷമായിട്ടും പഴയതുപോലെ പ്രതിരോധപ്രവര്ത്തനങ്ങള് ശക്തിപ്പെടുത്തുന്നില്ലെന്ന് ആക്ഷേപമുണ്ട്. അതിനിടെ, കൊവിഡ് പശ്ചാത്തലത്തില് ഏര്പ്പെടുത്തിയ ഞായറാഴ്ച നിയന്ത്രണത്തില് നഗരത്തില് പൊലീസ് പരിശോധന ശക്തമാക്കും. സിറ്റി പൊലീസ് കമ്മിഷണറുടെ നേതൃത്വത്തില് ഡി.സി.പി, സബ് ഡിവിഷന് എ.സി.പിമാരുടെ മേല്നോട്ടത്തിലാകും പരിശോധന. ഇന്ന് അര്ദ്ധരാത്രി മുതല് തന്നെ പൊലീസ് പരിശോധന ആരംഭിക്കും. നഗരാത്തിര്ത്തി പ്രദേശങ്ങളായ വെട്ടുറോഡ്, മരുതൂര്, വഴയില, കുണ്ടമണ്കടവ്, പ്രാവച്ചമ്പലം, ചപ്പാത്ത് പാലം എന്നിവിടങ്ങളില് ബാരിക്കേട് നിരത്തി വാഹന പരിശോധന നടത്താനാണ് പോലീസ് തീരുമാനം.
നഗരത്തിനുള്ളിലേക്കെത്തുന്ന വാഹനങ്ങള് കര്ശന പരിശോധനയ്ക്ക് വിധേയമാക്കും. അവശ്യ സര്വീസ് മാത്രമേ നാളെ അനുവദിക്കൂ. യാത്ര ചെയ്യുന്നവര് ഔദ്യോഗിക തിരിച്ചറിയല് കാര്ഡ് കരുതണം. അനാവശ്യ യാത്ര നടത്തുന്നവര്ക്കെതിരെ കേരള എപ്പിഡെമിക് ഡിസീസസ് ഓര്ഡിനന്സ് പ്രകാരം കേസെടുത്ത് വാഹനങ്ങള് പിടിച്ചെടുക്കും. ദീര്ഘദൂര ബസ്, ട്രെയിന്, വിമാനയാത്രക്കാര്ക്ക് യാത്രാരേഖകള് കാണിച്ച് യാത്രചെയ്യാം. രോഗികള്, സഹയാത്രികര്, വാക്സിന് എടുക്കാന് പോകുന്നവര്, പരീക്ഷാര്ത്ഥികള്, ശുചീകരണ തൊഴിലാളികള്, അടിയന്തര വാഹന അറ്റകുറ്റപ്പണിക്കായി പോകുന്ന വര്ക്ക്ഷോപ്പ് ജീവനക്കാര്, 24 മണിക്കൂറും പ്രവര്ത്തിക്കേണ്ട വ്യവസായ സ്ഥാപനങ്ങളിലെ ജീവനക്കാര് തുടങ്ങിയവര്ക്ക് യാത്ര അനുവദിക്കും. ഇവര് ഐ.ഡി കാര്ഡും പരീക്ഷാര്ത്ഥികള് ഹാള്ടിക്കറ്റും കരുതണം.
കണ്ടയ്ന്മെന്റ് സോണുകളായി പ്രഖ്യാപിച്ച കല്ലയം, മരുതൂര്, മുക്കോല എന്നീ പ്രദേശങ്ങളില് പൊലീസ് ശക്തമായ സുരക്ഷാപരിശോധന നടത്തും. ബി വിഭാഗത്തില് ഉള്പ്പെടുന്ന തിരുവനന്തപുരം നഗരത്തില് രാഷ്ട്രീയ, സാമൂഹിക, സാംസ്ക്കാരിക, മതസാമുദായിക പൊതുപരിപാടികള് ഉള്പ്പെടെ യാതൊരുവിധ കൂടിച്ചേരലുകളും അനുവദിക്കില്ല. വ്യാപാര സ്ഥാപനങ്ങള്, മാളുകള് എന്നിവിടങ്ങളില് പൊലീസ് നിരന്തരം പരിശോധന നടത്തും. സാമൂഹിക അകലവും, മറ്റു സുരക്ഷാ മാനദണ്ഡങ്ങളും പാലിക്കാത്ത സ്ഥാപനങ്ങള് പൂട്ടിക്കുന്നതിന് നഗരസഭാ അധികൃതരുമായി ചേര്ന്ന് നടപടി സ്വീകരിക്കും.
Topic: Thiruvananthapuram Covid Cases, Poojapura Jail Covid, Kerala Covid Cases
അതേസമയം, തലസ്ഥാനത്തെ മലയോരമേഖലയിലും കൊവിഡ് ടെസ്റ്റ് പോസിറ്റിവിറ്റി നിരക്ക് കുത്തനെ ഉയര്ന്നു. ആദിവാസി ഊരുകളിലേക്കും, തോട്ടം മേഖലകളിലേക്കും രോഗം പടര്ന്നിട്ടുണ്ട്. ഒരിക്കല് രോഗം ബാധിച്ചവര്ക്ക് വീണ്ടും കൊവിഡ് പിടികൂടുന്ന സ്ഥിതിവിശേഷമാണ് നിലവില്. പ്രതിരോധപ്രവര്ത്തനങ്ങളും നിയന്ത്രണങ്ങളും ഒരുവശത്ത് നടക്കുന്നുണ്ടെങ്കിലും രോഗവ്യാപനം അതിരൂക്ഷമാവുകയാണ്. അരുവിക്കര നിയോജകമണ്ഡലത്തിലെ വിതുര, തൊളിക്കോട്, ഉഴമലയ്ക്കല്, കുറ്റിച്ചല്, പൂവച്ചല്, ആര്യനാട്, വെള്ളനാട്, അരുവിക്കര പഞ്ചായത്തുകളില് രോഗബാധിതരുടെ എണ്ണം അനുദിനം ഉയര്ന്നുകൊണ്ടിരിക്കുകയാണ്. പരിശോധനക്ക് എത്തുന്നവരില് ഭൂരിഭാഗം പേര്ക്കും രോഗം ബാധിച്ച അവസ്ഥയാണ്. നെടുമങ്ങാട് താലൂക്കിലെ പ്രധാന ആശുപത്രികളുടെ നേതൃത്വത്തില് ആഴ്ചയില് രണ്ട് തവണ ആന്റിജന് ടെസ്റ്റ് ക്യാമ്പുകള് നടത്തുന്നുണ്ടെങ്കിലും രോഗലക്ഷണങ്ങള് ഉള്ളവര്പോലും ഇവിടെ എത്തുന്നില്ലെന്നാണ് അധികൃതര് പറയുന്നത്.
വിനോദസഞ്ചാരകേന്ദ്രമായ പൊന്മുടി അടച്ചെങ്കിലും വിതുര മേഖലയിലെ മറ്റ് ടൂറിസം കേന്ദ്രങ്ങളില് ധാരാളം സഞ്ചാരികള് എത്തുന്നുണ്ട്. ഈ നില തുടര്ന്നാല് വരും ദിവസങ്ങളില് രോഗബാധിതരുടെ എണ്ണം കുത്തനെ കൂടാനാണ് സാദ്ധ്യത. നേരത്തേ തൊളിക്കോട് പഞ്ചായത്തില് ഒമിക്രോണ് സ്ഥിരീകരിച്ചിരുന്നു. മുന്പ് ആരോഗ്യപ്രവര്ത്തകരുടെയും പൊലീസിന്റെയും നേതൃത്വത്തില് കര്ശന പ്രതിരോധ പ്രവര്ത്തനങ്ങള് നടത്തിയിരുന്നു. എന്നാല് രോഗവ്യാപനം രൂക്ഷമായിട്ടും പഴയതുപോലെ പ്രതിരോധപ്രവര്ത്തനങ്ങള് ശക്തിപ്പെടുത്തുന്നില്ലെന്ന് ആക്ഷേപമുണ്ട്. അതിനിടെ, കൊവിഡ് പശ്ചാത്തലത്തില് ഏര്പ്പെടുത്തിയ ഞായറാഴ്ച നിയന്ത്രണത്തില് നഗരത്തില് പൊലീസ് പരിശോധന ശക്തമാക്കും. സിറ്റി പൊലീസ് കമ്മിഷണറുടെ നേതൃത്വത്തില് ഡി.സി.പി, സബ് ഡിവിഷന് എ.സി.പിമാരുടെ മേല്നോട്ടത്തിലാകും പരിശോധന. ഇന്ന് അര്ദ്ധരാത്രി മുതല് തന്നെ പൊലീസ് പരിശോധന ആരംഭിക്കും. നഗരാത്തിര്ത്തി പ്രദേശങ്ങളായ വെട്ടുറോഡ്, മരുതൂര്, വഴയില, കുണ്ടമണ്കടവ്, പ്രാവച്ചമ്പലം, ചപ്പാത്ത് പാലം എന്നിവിടങ്ങളില് ബാരിക്കേട് നിരത്തി വാഹന പരിശോധന നടത്താനാണ് പോലീസ് തീരുമാനം.
നഗരത്തിനുള്ളിലേക്കെത്തുന്ന വാഹനങ്ങള് കര്ശന പരിശോധനയ്ക്ക് വിധേയമാക്കും. അവശ്യ സര്വീസ് മാത്രമേ നാളെ അനുവദിക്കൂ. യാത്ര ചെയ്യുന്നവര് ഔദ്യോഗിക തിരിച്ചറിയല് കാര്ഡ് കരുതണം. അനാവശ്യ യാത്ര നടത്തുന്നവര്ക്കെതിരെ കേരള എപ്പിഡെമിക് ഡിസീസസ് ഓര്ഡിനന്സ് പ്രകാരം കേസെടുത്ത് വാഹനങ്ങള് പിടിച്ചെടുക്കും. ദീര്ഘദൂര ബസ്, ട്രെയിന്, വിമാനയാത്രക്കാര്ക്ക് യാത്രാരേഖകള് കാണിച്ച് യാത്രചെയ്യാം. രോഗികള്, സഹയാത്രികര്, വാക്സിന് എടുക്കാന് പോകുന്നവര്, പരീക്ഷാര്ത്ഥികള്, ശുചീകരണ തൊഴിലാളികള്, അടിയന്തര വാഹന അറ്റകുറ്റപ്പണിക്കായി പോകുന്ന വര്ക്ക്ഷോപ്പ് ജീവനക്കാര്, 24 മണിക്കൂറും പ്രവര്ത്തിക്കേണ്ട വ്യവസായ സ്ഥാപനങ്ങളിലെ ജീവനക്കാര് തുടങ്ങിയവര്ക്ക് യാത്ര അനുവദിക്കും. ഇവര് ഐ.ഡി കാര്ഡും പരീക്ഷാര്ത്ഥികള് ഹാള്ടിക്കറ്റും കരുതണം.
കണ്ടയ്ന്മെന്റ് സോണുകളായി പ്രഖ്യാപിച്ച കല്ലയം, മരുതൂര്, മുക്കോല എന്നീ പ്രദേശങ്ങളില് പൊലീസ് ശക്തമായ സുരക്ഷാപരിശോധന നടത്തും. ബി വിഭാഗത്തില് ഉള്പ്പെടുന്ന തിരുവനന്തപുരം നഗരത്തില് രാഷ്ട്രീയ, സാമൂഹിക, സാംസ്ക്കാരിക, മതസാമുദായിക പൊതുപരിപാടികള് ഉള്പ്പെടെ യാതൊരുവിധ കൂടിച്ചേരലുകളും അനുവദിക്കില്ല. വ്യാപാര സ്ഥാപനങ്ങള്, മാളുകള് എന്നിവിടങ്ങളില് പൊലീസ് നിരന്തരം പരിശോധന നടത്തും. സാമൂഹിക അകലവും, മറ്റു സുരക്ഷാ മാനദണ്ഡങ്ങളും പാലിക്കാത്ത സ്ഥാപനങ്ങള് പൂട്ടിക്കുന്നതിന് നഗരസഭാ അധികൃതരുമായി ചേര്ന്ന് നടപടി സ്വീകരിക്കും.
Topic: Thiruvananthapuram Covid Cases, Poojapura Jail Covid, Kerala Covid Cases