രഹസ്യവിവരത്തെ തുടർന്ന് പരിശോധന നടത്തുന്നതിനിടെ ആക്രമണം; 4 എക്സൈസ് ഉദ്യോഗസ്ഥർക്ക് പരിക്ക്

തിരുവനന്തപുരം(Thiruvananthapuram): എക്സൈസ് ഉദ്യോഗസ്ഥരെ കഞ്ചാവ് മാഫിയ സംഘം ആക്രമിച്ചു. എക്‌സൈസ് സര്‍ക്കിള്‍ ഉള്‍പ്പെടെ നാലു ഉദ്യോഗസ്ഥര്‍ക്ക് പരിക്ക്. നെടുമങ്ങാട് എക്‌സൈസ് സര്‍ക്കിള്‍ ഇന്‍സ്പെക്ടര്‍ സ്വരൂപ്, പ്രിവന്റീവ് ഓഫീസര്‍, സിവില്‍ എക്‌സൈസ് ഓഫീസര്‍മാരായ ഷജീര്‍, നുജുമുദ്ധീന്‍, അനില്‍കുമാര്‍, എന്നിവര്‍ക്കാണ് പരിക്കേറ്റത്. സ്വരൂപ്, നുജുമുദ്ധീന്‍, ഷബീര്‍ എന്നിവര്‍ക്ക് തലയ്ക്കാണ് പരിക്ക്, അനില്‍കുമാറിന് കൈക്കാണ് പരിക്കേറ്റത്.

ജോലിസ്ഥലം കാണിച്ച് തരാമെന്ന് പറഞ്ഞ് പെൺകുട്ടിയെ പുലർച്ചെ വീട്ടിൽ നിന്ന് കൊണ്ടുപോയി പീഡിപ്പിച്ചു, പൂട്ടിയിട്ട ബാറിന് പിന്നിൽ ഒളിപ്പിച്ചു; ബന്ധു പിടിയിൽ

സംഭവവുമായി ബന്ധപ്പെട്ട് നിരവധി കേസിലെ പ്രതിയും കാപ്പ ചുമത്തിയിട്ടുള്ള സ്ഥിരം കുറ്റവാളിയുമായ സുഭീഷിനെ സംഘം സാഹസികമായി കസ്റ്റഡിയില്‍ എടുത്തു. ഒപ്പമുണ്ടായിരുന്ന ആള്‍ ഓടി രക്ഷപ്പെട്ടു. രഹസ്യ വിവരത്തെ തുടര്‍ന്ന് സുബീഷിന്റെ വീട്ടില്‍ പരിശോധനക്ക് എത്തിയപ്പോഴായിരുന്നു ആക്രമണം. ആര്യനാട് കുളപ്പടയില്‍ കൃഷിഭവനു സമീപം രാത്രി 8.30 ഓടെയായിരുന്നു സംഭവം. കമ്പി വടി കൊണ്ടാണ് സുഭീഷ് ഉദ്യോഗസ്ഥരെ ആക്രമിച്ചത്. സ്വരൂപ് ഉള്‍പ്പടെ ഉദ്യോഗസ്ഥരെ മെഡിക്കല്‍ കോളേജില്‍ പ്രവേശിപ്പിച്ചു. സംഭവത്തില്‍ ആര്യനാട് പോലീസ് കേസെടുത്തു.

Topic: Trivandrum Excise Attack, Ganja Mafia, Nedumangad Excise Team