തിരുവനന്തപുരം: പത്മനാഭസ്വാമിക്ക് ഓണവില്ല് സമര്‍പ്പണമാണ് അനന്തപുരിയുടെ മുഖ്യ ഓണാഘോഷ ചടങ്ങ്. നൂറ്റാണ്ടുകളുടെ പഴക്കമുണ്ട് ഈ ആചാരത്തിന്. തിരുവനന്തപുരം കരമന മേലാറന്നൂര്‍ വിളയില്‍വീട് കുടുംബാംഗങ്ങളാണ് ഓണവില്ല് തയാറാക്കുന്നത്. ഓണവില്ലൊരുക്കല്‍ വിളയില്‍വീട് കുടുംബാംഗങ്ങള്‍ക്ക് ആചാരമല്ല ആരാധനയാണ്. വിളയില്‍വീട് കുടുംബത്തിലെ മൂത്താചാരി ആര്‍. ബിന്‍കുമാറിന്റെ നേതൃത്വത്തിലാണ് തറവാട്ടുമുറ്റത്ത് ഓണവില്ലുകള്‍ പിറവിയെടുക്കുന്നത്. വിനായകന്‍, ശ്രീകൃഷ്ണലീല, ദശാവതാരം, അനന്തശയനം, ശ്രീരാമ പട്ടാഭിഷേകം, ശാസ്താവ് എന്നീ ആറുതരം വില്ലുകളാണ് തയാറാക്കുന്നത്. നാലരയടി നീളവും ആറ് ഇഞ്ച് വീതിയുമുള്ള അനന്തശയനമാണ് ഏറ്റവും വലുത്.
വില്ല് നിര്‍മിക്കുന്നതിനുമുണ്ട് ചില ചിട്ടവട്ടങ്ങള്‍. 41 ദിവസത്തെ വ്രതാനുഷ്ഠാനം വേണം. തടിശേഖരിക്കുന്നതുമുതല്‍ തുടങ്ങുന്ന കഠിനവ്രതാനുഷ്ഠാനം ഓണവില്ല് സമര്‍പ്പണംവരെ നീളുന്നു. തിരുവോണനാള്‍ പുലര്‍ച്ചെ അഞ്ചിനും ആറിനും ഇടയ്ക്കുള്ള മുഹൂര്‍ത്തത്തില്‍ ഓണവില്ലുകള്‍ സമര്‍പ്പിക്കും. ശ്രീകോവിലില്‍ ഇവ സമര്‍പ്പിച്ച ശേഷം ആദ്യ ദര്‍ശനത്തിനുള്ള അവകാശവും ഈ കുടുംബത്തിനാണ്. ശ്രീപത്മനാഭസ്വാമിക്ഷേത്രത്തോളം പഴക്കമുള്ള ആചാരമാണിത്. പാരമ്പര്യമായി കിട്ടിയ നിയോഗം മഹാഭാഗ്യമായി കാണുന്നു ഈ കുടുംബാംഗങ്ങള്‍. തിരുവോണം, അവിട്ടം, ചതയം ദിവസങ്ങളിലെ പൂജകള്‍ക്കുശേഷം കൊട്ടാരത്തിലെ പൂജാമുറിയിലേക്കു കൊണ്ടുപോകും. ഈ ദിവസങ്ങളില്‍ ക്ഷേത്രദര്‍ശനത്തിനെത്തുന്നവര്‍ക്ക് ഓണവില്ലുകള്‍ കാണാനാകും.
മഹാബലിയെ വാമനന്‍ പാതാളത്തിലേക്കു ചവിട്ടിത്താഴ്ത്തുന്ന സമയത്ത്, വിഷ്ണുവിന്റെ വിശ്വരൂപം കാണണമെന്ന് മഹാബലി ആഗ്രഹം പ്രകടിപ്പിച്ചു. വിഷ്ണുവിന്റെ ഓരോ കാലങ്ങളിലേയും അവതാര ദര്‍ശനം തനിക്കു സാധ്യമാക്കണമെന്ന് വീണ്ടും മഹാബലി അപേക്ഷിച്ചു. ആ സമയം വിഷ്ണു വിശ്വകര്‍മ ദേവനെ പ്രത്യക്ഷപ്പെടുത്തുകയും കാലാകാലങ്ങളില്‍ അവതാര ചിത്രങ്ങള്‍ ഭഗവത് സന്നിധിയില്‍വച്ച് മഹാബലിയെ വരച്ചുകാട്ടണമെന്നും നിര്‍ദേശിച്ചു. ഇങ്ങനെ മഹാബലിക്കു വിഷ്ണുവിന്റെ അവതാര ചിത്രങ്ങള്‍ വരച്ചു കാട്ടാനാണ് പത്മനാഭ സ്വാമി സന്നിധിയിലേക്ക് ഓണവില്ല് നല്‍കുന്നതെന്ന് വിശ്വാസം.
വില്ല് നിര്‍മിക്കുന്നതിനുമുണ്ട് ചില ചിട്ടവട്ടങ്ങള്‍. 41 ദിവസത്തെ വ്രതാനുഷ്ഠാനം വേണം. തടിശേഖരിക്കുന്നതുമുതല്‍ തുടങ്ങുന്ന കഠിനവ്രതാനുഷ്ഠാനം ഓണവില്ല് സമര്‍പ്പണംവരെ നീളുന്നു. തിരുവോണനാള്‍ പുലര്‍ച്ചെ അഞ്ചിനും ആറിനും ഇടയ്ക്കുള്ള മുഹൂര്‍ത്തത്തില്‍ ഓണവില്ലുകള്‍ സമര്‍പ്പിക്കും. ശ്രീകോവിലില്‍ ഇവ സമര്‍പ്പിച്ച ശേഷം ആദ്യ ദര്‍ശനത്തിനുള്ള അവകാശവും ഈ കുടുംബത്തിനാണ്. ശ്രീപത്മനാഭസ്വാമിക്ഷേത്രത്തോളം പഴക്കമുള്ള ആചാരമാണിത്. പാരമ്പര്യമായി കിട്ടിയ നിയോഗം മഹാഭാഗ്യമായി കാണുന്നു ഈ കുടുംബാംഗങ്ങള്‍. തിരുവോണം, അവിട്ടം, ചതയം ദിവസങ്ങളിലെ പൂജകള്‍ക്കുശേഷം കൊട്ടാരത്തിലെ പൂജാമുറിയിലേക്കു കൊണ്ടുപോകും. ഈ ദിവസങ്ങളില്‍ ക്ഷേത്രദര്‍ശനത്തിനെത്തുന്നവര്‍ക്ക് ഓണവില്ലുകള്‍ കാണാനാകും.
മഹാബലിയെ വാമനന്‍ പാതാളത്തിലേക്കു ചവിട്ടിത്താഴ്ത്തുന്ന സമയത്ത്, വിഷ്ണുവിന്റെ വിശ്വരൂപം കാണണമെന്ന് മഹാബലി ആഗ്രഹം പ്രകടിപ്പിച്ചു. വിഷ്ണുവിന്റെ ഓരോ കാലങ്ങളിലേയും അവതാര ദര്‍ശനം തനിക്കു സാധ്യമാക്കണമെന്ന് വീണ്ടും മഹാബലി അപേക്ഷിച്ചു. ആ സമയം വിഷ്ണു വിശ്വകര്‍മ ദേവനെ പ്രത്യക്ഷപ്പെടുത്തുകയും കാലാകാലങ്ങളില്‍ അവതാര ചിത്രങ്ങള്‍ ഭഗവത് സന്നിധിയില്‍വച്ച് മഹാബലിയെ വരച്ചുകാട്ടണമെന്നും നിര്‍ദേശിച്ചു. ഇങ്ങനെ മഹാബലിക്കു വിഷ്ണുവിന്റെ അവതാര ചിത്രങ്ങള്‍ വരച്ചു കാട്ടാനാണ് പത്മനാഭ സ്വാമി സന്നിധിയിലേക്ക് ഓണവില്ല് നല്‍കുന്നതെന്ന് വിശ്വാസം.