തിരുവനന്തപുരം(Thiruvananthapuram): നിരക്ക് വര്ധന ആവശ്യപ്പെട്ട് സംസ്ഥാനത്ത് സ്വകാര്യ ബസുടമകള് നടത്തുന്ന അനിശ്ചിതകാല പണിമുടക്കില് നിന്ന് വിട്ടുനിന്ന് തിരുവനന്തപുരം നഗരത്തിലെ സ്വകാര്യ ബസുടമകള്. സ്വകാര്യ ബസ്സുകള് പതിവുപോലെ സര്വീസ് നടത്തി. ഉടമസ്ഥര് പറഞ്ഞതിനാല് വാഹനങ്ങള് നിരത്തിലിറക്കിയെന്നാണ് ജീവനക്കാരുടെ വിശദീകരണം. എന്നാല് സ്വകാര്യ ബസുകളെ മാത്രം ആശ്രയിക്കുന്ന ഗ്രാമീണ മേഖലയിലാണ് ജനം ശരിക്കും പെട്ടുപോയത്. ഇവിടങ്ങളില് കെഎസ്ആര്ടിസി പതിവ് സര്വീസുകള് പോലും നടത്തിയില്ലെന്നാണ് യാത്രക്കാരുടെ ആക്ഷേപം. പരീക്ഷയ്ക്ക് പോകുന്ന വിദ്യാര്ഥികളും ഓഫീസ് ജോലിക്കാരും വഴിയില് കുടുങ്ങി. പാലോട്, കിളിമാനൂര് മേഖലകളില് ഏക ആശ്രയം പ്രൈവറ്റ് ബസായതിനാല് ഓട്ടോറിക്ഷകളിലാണ് കുട്ടികളെ സ്കൂളില് എത്തിച്ചത്. മിനിമം ചാര്ജ് 12രൂപയാക്കണം, കിലോമീറ്റര് നിരക്ക് ഒരുരൂപ പത്ത് പൈസ ഉയര്ത്തണം, വിദ്യാര്ഥികളുടെ നിരക്ക് ആറ് രൂപയാക്കണം തുടങ്ങിയ ആവശ്യങ്ങള് ഉന്നയിച്ചാണ് സ്വകാര്യ ബസുകള് പണിമുടക്കുന്നത്.
അതേസമയം, പരീക്ഷാകാലത്ത് സ്വകാര്യ ബസുകള് അനിശ്ചിതകാല സമരം നടത്തുന്നത് ജനങ്ങളോടുള്ള വെല്ലുവിളിയാണെന്ന് ഗതാഗത മന്ത്രി ആന്റണി രാജു പറഞ്ഞു. ചാര്ജ് വര്ധനയുണ്ടാകില്ലെന്ന നിഷേധാത്മക നിലപാടാണ് സര്ക്കാര് സ്വീകരിച്ചത് എങ്കില് സമരത്തിന് ഒരു ന്യായീകരണമുണ്ടായിരുന്നു. സ്വകാര്യ ബസ് ഉടമകള് ചര്ച്ചയുമായി മുന്നോട്ടുവന്നാല് അവരുമായി സംസാരിക്കാന് തയ്യാറാണെന്നും മന്ത്രി മാധ്യമങ്ങളോട് പറഞ്ഞു.
ചാര്ജ് വര്ധന നടപടികള് അന്തിമഘട്ടത്തിലാണ്. ചാര്ജ് വര്ധന തീരുമാനം വൈകിയിട്ടില്ല. എല്ലാത്തിനും അതിന്റെതായ നടപടിക്രമങ്ങളുണ്ട്. ചാര്ജ് വര്ധന പഠിക്കാന് വേണ്ടി നിയമിച്ച കമ്മീഷന് ചര്ച്ചകള് കഴിഞ്ഞ ദിവസമാണ് നടന്നത്. ഓട്ടോ- ടാക്സി വര്ധനയുമായി ബന്ധപ്പെട്ട കമ്മീഷന് സിറ്റിംഗ് മിനിഞ്ഞാന്നായിരുന്നു. എല്ലാം ഒരുമിച്ച് നടത്തുന്നതിനാണ് സര്ക്കാര് ശ്രമിക്കുന്നതെന്നും ചാര്ജ് വര്ധന ഉറപ്പായ ഘട്ടത്തില് അതിന്റെ ക്രെഡിറ്റ് നേടിയെടുക്കാനാണ് യൂനിയനുകളുടെ ശ്രമമെന്നും അദ്ദേഹം പറഞ്ഞു.
Topic: KSRTC Bus, Private Bus Strike, Thiruvananthapuram News
അതേസമയം, പരീക്ഷാകാലത്ത് സ്വകാര്യ ബസുകള് അനിശ്ചിതകാല സമരം നടത്തുന്നത് ജനങ്ങളോടുള്ള വെല്ലുവിളിയാണെന്ന് ഗതാഗത മന്ത്രി ആന്റണി രാജു പറഞ്ഞു. ചാര്ജ് വര്ധനയുണ്ടാകില്ലെന്ന നിഷേധാത്മക നിലപാടാണ് സര്ക്കാര് സ്വീകരിച്ചത് എങ്കില് സമരത്തിന് ഒരു ന്യായീകരണമുണ്ടായിരുന്നു. സ്വകാര്യ ബസ് ഉടമകള് ചര്ച്ചയുമായി മുന്നോട്ടുവന്നാല് അവരുമായി സംസാരിക്കാന് തയ്യാറാണെന്നും മന്ത്രി മാധ്യമങ്ങളോട് പറഞ്ഞു.
ചാര്ജ് വര്ധന നടപടികള് അന്തിമഘട്ടത്തിലാണ്. ചാര്ജ് വര്ധന തീരുമാനം വൈകിയിട്ടില്ല. എല്ലാത്തിനും അതിന്റെതായ നടപടിക്രമങ്ങളുണ്ട്. ചാര്ജ് വര്ധന പഠിക്കാന് വേണ്ടി നിയമിച്ച കമ്മീഷന് ചര്ച്ചകള് കഴിഞ്ഞ ദിവസമാണ് നടന്നത്. ഓട്ടോ- ടാക്സി വര്ധനയുമായി ബന്ധപ്പെട്ട കമ്മീഷന് സിറ്റിംഗ് മിനിഞ്ഞാന്നായിരുന്നു. എല്ലാം ഒരുമിച്ച് നടത്തുന്നതിനാണ് സര്ക്കാര് ശ്രമിക്കുന്നതെന്നും ചാര്ജ് വര്ധന ഉറപ്പായ ഘട്ടത്തില് അതിന്റെ ക്രെഡിറ്റ് നേടിയെടുക്കാനാണ് യൂനിയനുകളുടെ ശ്രമമെന്നും അദ്ദേഹം പറഞ്ഞു.
Topic: KSRTC Bus, Private Bus Strike, Thiruvananthapuram News