തിരുവനന്തപുരം: എകെജി സെന്റര് ആക്രമണത്തില് കോണ്ഗ്രസിന് പങ്കില്ലെന്ന് രമേശ് ചെന്നിത്തല. നാളെ മുഖ്യമന്ത്രി രാജി വയ്ക്കണമെന്നാവശ്യപ്പെട്ടുകൊണ്ട് ജില്ലകളില് യുഡിഎഫിന്റെ സമരമുണ്ട്. ഇന്ന് രാഹുല് ഗാന്ധി കേരളം സന്ദര്ശിക്കുകയാണ്. ഈ സന്ദര്ഭത്തില് കോണ്ഗ്രസ് പാര്ട്ടി ഇത് ചെയ്യുമെന്ന് ആരെങ്കിലും വിശ്വസിക്കുമോയെന്ന് ചെന്നിത്തല ചോദിച്ചു. നട്ടാല് കുരുക്കാത്ത നുണയാണ് സിപിഎം കേന്ദ്രങ്ങള് പ്രചരിപ്പിക്കുന്നത്. എകെജി സെന്റര് ആക്രമണത്തില് ദുരൂഹതയുണ്ടെന്നും രമേശ് ചെന്നിത്തല പറഞ്ഞു.
സ്വര്ണക്കടത്ത്, സ്പ്രിംക്ലര് കേസുകളില് സര്ക്കാരിന്റെയും മുഖ്യമന്ത്രിയുടെയും മുഖം നഷ്ടപ്പെട്ടിരിക്കുന്ന സാഹചര്യത്തില് എകെജി സെന്റര് ആക്രമണം ജനശ്രദ്ധ തിരിച്ചുവിടുവാനുളള അടവാണോ എന്ന് സംശയിക്കുന്നു. ഈ സംഭവം ഉണ്ടായി അഞ്ച് മിനിറ്റിനുളളില് തന്നെ ഇതിനു പിന്നില്, കോണ്ഗ്രസ് ആണെന്ന് എല്ഡിഎഫ് കണ്വീനര് ഇ പി ജയരാജനും പാര്ട്ടി സെക്രട്ടറി കോടിയേരിയും പറഞ്ഞു. 24 മണിക്കൂറും പൊലീസിന്റെ സര്വൈലന്സ് ഉളള സ്ഥലമാണ് എകെജി സെന്റര് അടക്കമുളള പ്രദേശം. സംഭവം നടന്ന് ഇത്ര മണിക്കൂറുകൾ പിന്നിട്ടിട്ടും പോലീസ് പ്രതിയെ എന്ത്കൊണ്ട് പിടിക്കുന്നില്ല എന്നും ചെന്നിത്തല ചോദിച്ചു.
ആലപ്പുഴ ജില്ലയില് വ്യാപക ആക്രമണം നടക്കുകയാണ്. കേരളത്തിന്റെ പല ഭാഗത്ത് അക്രമം നടക്കുന്നു. ഇന്ദിരാഗാന്ധിയുടെ പ്രതിമയുടെ വരെ കൈ വെട്ടി. വ്യാപകമായ ആക്രമണം കേരളത്തില് അഴിച്ചുവിട്ടിട്ട് പ്രസ്താവന കൊടുക്കുകയാണ് സമചിത്തത കൈവരിക്കണമെന്ന്. എന്തിനാണീ നാടകം. ആരും പ്രതീക്ഷിക്കാത്ത നിലയിലുളള അക്രമം ഉണ്ടാകുമ്പോള് അതിന്റെ ഉത്തരവാദിത്ത്വം യുഡിഎഫിന്റെയും കോണ്ഗ്രസിന്റെയും തലയില് കെട്ടിവയ്ക്കുന്നത് അങ്ങേയറ്റം നീചമായ നടപടിയാണ്. പോലീസ് കുറ്റവാളികളെ കണ്ടെത്തണമെന്നും ചെന്നിത്തല പറഞ്ഞു.
സ്വര്ണക്കടത്ത്, സ്പ്രിംക്ലര് കേസുകളില് സര്ക്കാരിന്റെയും മുഖ്യമന്ത്രിയുടെയും മുഖം നഷ്ടപ്പെട്ടിരിക്കുന്ന സാഹചര്യത്തില് എകെജി സെന്റര് ആക്രമണം ജനശ്രദ്ധ തിരിച്ചുവിടുവാനുളള അടവാണോ എന്ന് സംശയിക്കുന്നു. ഈ സംഭവം ഉണ്ടായി അഞ്ച് മിനിറ്റിനുളളില് തന്നെ ഇതിനു പിന്നില്, കോണ്ഗ്രസ് ആണെന്ന് എല്ഡിഎഫ് കണ്വീനര് ഇ പി ജയരാജനും പാര്ട്ടി സെക്രട്ടറി കോടിയേരിയും പറഞ്ഞു. 24 മണിക്കൂറും പൊലീസിന്റെ സര്വൈലന്സ് ഉളള സ്ഥലമാണ് എകെജി സെന്റര് അടക്കമുളള പ്രദേശം. സംഭവം നടന്ന് ഇത്ര മണിക്കൂറുകൾ പിന്നിട്ടിട്ടും പോലീസ് പ്രതിയെ എന്ത്കൊണ്ട് പിടിക്കുന്നില്ല എന്നും ചെന്നിത്തല ചോദിച്ചു.
ആലപ്പുഴ ജില്ലയില് വ്യാപക ആക്രമണം നടക്കുകയാണ്. കേരളത്തിന്റെ പല ഭാഗത്ത് അക്രമം നടക്കുന്നു. ഇന്ദിരാഗാന്ധിയുടെ പ്രതിമയുടെ വരെ കൈ വെട്ടി. വ്യാപകമായ ആക്രമണം കേരളത്തില് അഴിച്ചുവിട്ടിട്ട് പ്രസ്താവന കൊടുക്കുകയാണ് സമചിത്തത കൈവരിക്കണമെന്ന്. എന്തിനാണീ നാടകം. ആരും പ്രതീക്ഷിക്കാത്ത നിലയിലുളള അക്രമം ഉണ്ടാകുമ്പോള് അതിന്റെ ഉത്തരവാദിത്ത്വം യുഡിഎഫിന്റെയും കോണ്ഗ്രസിന്റെയും തലയില് കെട്ടിവയ്ക്കുന്നത് അങ്ങേയറ്റം നീചമായ നടപടിയാണ്. പോലീസ് കുറ്റവാളികളെ കണ്ടെത്തണമെന്നും ചെന്നിത്തല പറഞ്ഞു.