ആദ്യം കണ്ടത് വീട്ടുടമ
വാടക വീട്ടിലാണ് പ്രതികൾ താമസിച്ചിരുന്നത്. പ്രതികള്‍ താമസിച്ചിരുന്ന വീടിനടുത്തായി വീട്ടുടമയുടെ മകനും സുഹൃത്തുക്കളും താമസിക്കുന്നുണ്ട്. വെള്ളിയാഴ്ച വീട് മാറിപ്പോകുമെന്ന് ഉടമയെ പ്രതികള്‍ അറിയിച്ചിരുന്നു. വൈകീട്ട് വീട്ടിലെത്തിയ ഉടമയുടെ മകന്‍, വാടകയ്ക്ക് നല്‍കിയ വീടിന്റെ കതകില്‍ താക്കോല്‍ ഉള്ളതായി കണ്ടു. ഇതേ തുടർന്ന് വാതിൽ തട്ടി വീട്ടുകാരെ വിളിച്ചു. എന്നാൽ ഒരു അനക്കവും ഉണ്ടായില്ല. വീട് തുറന്ന് നോക്കിയപ്പോഴാണ് വരാന്തയിലെ തട്ടിനുമുകളില്‍ നിന്ന് രക്തം വീഴുന്നത് ശ്രദ്ധയില്‍പ്പെട്ടത്. തുടർന്ന് നാട്ടുകാരെ വിളിച്ചു വരുത്തി നോക്കിയപ്പോഴാണ് വയോധികയുടെ മൃതദേഹം കണ്ടത്.
കോഴിക്കോടേക്ക് രക്ഷപ്പെടാൻ ശ്രമം
പോലീസെത്തി നടത്തിയ പരിശോധനയിലാണ് മൃതദേഹം വയോധികയുടേതാണെന്ന് തിരിച്ചറിഞ്ഞത്. വീട്ടില്‍ താമസിച്ചിരുന്ന റഫീക്ക, മകന്‍, റഫീഖയുടെ സുഹൃത്ത് അല്‍അമീന്‍ എന്നിവരെ കാണാതായതോടെ പോലീസ് തിരച്ചിലാരംഭിക്കുകയായിരുന്നു. വീട്ടിൽ താമസിക്കുന്ന റഫീക്കയാണ് മരിച്ചതെന്ന അഭ്യൂഹവും ഉണ്ടായിരുന്നു. ഇതിന് പിന്നാലെ അവരുടെ ബന്ധുക്കളും വീട്ടിൽ എത്തി. തുടര്‍ന്ന് പോലീസ് പ്രതികളുടെ ഫോണ്‍ നമ്പറുകളുടെ ലൊക്കേഷന്‍ പരിശോധിച്ചപ്പോള്‍ തൈക്കാട് സംഗീത കോളേജിനടുത്തുള്ളതായി കണ്ടെത്തുകയായിരുന്നു. കോഴിക്കോട്ടേക്കുള്ള ബസിൽ കയറി രക്ഷപ്പെടാനായിരുന്നു പ്രതികളുടെ ശ്രമം.
ചുറ്റിക കൊണ്ട് തലയ്ക്ക് അടിച്ചു
വയോധികയെ ഷാള്‍ ഉപയോഗിച്ച് കഴുത്തില്‍ മുറുക്കിയശേഷം ചുറ്റികയ്ക്ക് സമാനമായ വസ്തു ഉപയോഗിച്ച് തലയ്ക്കടിച്ചുവെന്നാണ് പോലീസിന്റെ പ്രാഥമിക നിഗമനം. കൊലപ്പെടുത്തിയ ശേഷം മൃതശരീരം വാടകയ്ക്ക് താമസിച്ചിരുന്ന വീടിന്റെ തട്ടിലേയ്ക്ക് എടുത്തുകയറ്റി വച്ചശേഷം പ്രതികള്‍ കോഴിക്കോട്ടേക്ക് പോകാൻ ശ്രമിക്കുകയാണ്. ശാന്തകുമാരിയുടെ ശരീരത്തിൽ വള, മോതിരം, കമ്മൽ എന്നിവ ഉണ്ടായിരുന്നു ഇതെല്ലാം പ്രതികൾ കൈക്കലാക്കി വിഴിഞ്ഞത്തുള്ള ജ്വല്ലറിയിൽ കൊണ്ടുപോയി വിൽക്കുകയായിരുന്നു.