തിരുവനന്തപുരം: ശബരിമലയില്‍ തെറ്റുപറ്റിയെന്ന മന്ത്രി കടകംപള്ളി സുരേന്ദ്രന്റെ ഖേദപ്രകടനം മുഖ്യമന്ത്രിയും സംസ്ഥാന കമ്മിറ്റിയും പരിശോധിക്കുമെന്ന് സിപിഎം ജനറല്‍ സെക്രട്ടറി സീതാറാം യെച്ചൂരി. വിശാല ബെഞ്ചിന്റെ പരിഗണനയിലിരിക്കുന്ന വിഷയമാണ് ശബരിമല. സത്യവാങ്ങ്മൂലം തിരുത്തുമോയെന്നതിന് പ്രസക്തിയില്ല. കഴിഞ്ഞത് കഴിഞ്ഞു. ഇനി അന്തിമ വിധിക്ക് കാത്തിരിക്കണം.
വിധിക്ക് ശേഷം വിശദമായ ചര്‍ച്ച നടത്തുമെന്ന് മുഖ്യമന്ത്രി വ്യക്തമാക്കിയിട്ടുണ്ടെന്നും സിതാറാം യെച്ചൂരി പറഞ്ഞു. കടകംപള്ളിയുടെ ഖേദപ്രകടനം എന്തുകൊണ്ട് എന്ന് പരിശോധിക്കും. കടകംപള്ളിയുടെ ഖേദ പ്രകടനത്തില്‍ വിശദീകരണം തേടുമെന്ന് മുഖ്യമന്ത്രി ഇതിനകം പറഞ്ഞിട്ടുണ്ട്. സംസ്ഥാന കമ്മിറ്റിയും ഇക്കാര്യത്തില്‍ വിശദീകരണം തേടും. കോടതിയുടെ പരിഗണനയിലുള്ള വിഷയത്തില്‍ കൂടുതല്‍ ചര്‍ച്ച വേണ്ട. ജനശ്രദ്ധ തിരിക്കാന്‍ യുഡിഎഫും ബിജെപിയും വിവാദങ്ങള്‍ സൃഷ്ടിക്കുന്നുവെന്നും സിതാറാം യെച്ചൂരി തിരുവനന്തപുരത്ത് പറഞ്ഞു.
വിധിക്ക് ശേഷം വിശദമായ ചര്‍ച്ച നടത്തുമെന്ന് മുഖ്യമന്ത്രി വ്യക്തമാക്കിയിട്ടുണ്ടെന്നും സിതാറാം യെച്ചൂരി പറഞ്ഞു. കടകംപള്ളിയുടെ ഖേദപ്രകടനം എന്തുകൊണ്ട് എന്ന് പരിശോധിക്കും. കടകംപള്ളിയുടെ ഖേദ പ്രകടനത്തില്‍ വിശദീകരണം തേടുമെന്ന് മുഖ്യമന്ത്രി ഇതിനകം പറഞ്ഞിട്ടുണ്ട്. സംസ്ഥാന കമ്മിറ്റിയും ഇക്കാര്യത്തില്‍ വിശദീകരണം തേടും. കോടതിയുടെ പരിഗണനയിലുള്ള വിഷയത്തില്‍ കൂടുതല്‍ ചര്‍ച്ച വേണ്ട. ജനശ്രദ്ധ തിരിക്കാന്‍ യുഡിഎഫും ബിജെപിയും വിവാദങ്ങള്‍ സൃഷ്ടിക്കുന്നുവെന്നും സിതാറാം യെച്ചൂരി തിരുവനന്തപുരത്ത് പറഞ്ഞു.