'സമരം പ്രഹസനമായി നടത്തിയവര്‍ക്ക് പലതും തോന്നും, സ്വാഭാവികം'; ആര്യ രാജേന്ദ്രനെതിരെ റോഡില്‍ പ്രതിഷേധിച്ച യുവാവ്, വീഡിയോ കാണാം
മേയര്‍ ആര്യ രാജേന്ദ്രനെതിരെ സാമൂഹ്യ പ്രവര്‍ത്തകന്‍ അജു രംഗത്ത്. ന്യൂ തിയേറ്റര്‍ റോഡിലെ മാലിന്യ പ്രശ്നത്തിന് പരിഹാരം കാണണമെന്ന് ആവശ്യപ്പെട്ട് നടത്തിയ പ്രതിഷേധത്തിൽ മേയർ നടത്തിയ വിമർശനത്തിനെതിരെയാണ് അജു രംഗത്തെത്തിയത്.
Lipi 15 Apr 2021, 8:45 pm
ഹൈലൈറ്റ്:
- ആര്യ രാജേന്ദ്രനെതിരെ റോഡില്‍ പ്രതിഷേധിച്ച യുവാവ്.
- മാലിന്യ പ്രശ്നത്തിനെതിരെയായിരുന്നു പ്രതിഷേധം.
- പ്രതിഷേധിച്ചവരെ വിമര്‍ശിച്ച് മേയര്‍ രംഗത്തെത്തിയിരുന്നു.
തിരുവനന്തപുരം: ന്യൂ തിയേറ്റര്‍ റോഡിലെ മാലിന്യ പ്രശ്നത്തിന് പരിഹാരം കാണണമെന്ന് ആവശ്യപ്പെട്ട് നടുറോഡില്‍ പായ വിരിച്ച് പ്രതിഷേധിച്ച യുവാക്കള്‍ക്കെതിരെ വിമര്‍ശനമുന്നയിച്ച മേയര്‍ ആര്യ രാജേന്ദ്രനെതിരെ സാമൂഹ്യ പ്രവര്‍ത്തകന്‍ അജു രംഗത്ത്. ന്യായമായ ആവശ്യങ്ങള്‍ നേടിയെടുക്കാന്‍ സ്വീകരിക്കുന്ന അക്രമപരമല്ലാത്ത സമരമെങ്ങനെയാണ് പ്രഹസനമാവുകയെന്ന് അജു ചോദിച്ചു. സാമൂഹിക പ്രവര്‍ത്തകരായ അജുവും, ജീമോന്‍ കല്ലുപുരയ്ക്കലുമാണ് കഴിഞ്ഞ ദിവസം തമ്പാനൂര്‍ ഓവര്‍ബ്രിഡ്ജില്‍ പായ വിരിച്ചുകിടന്ന് പ്രതിഷേധിച്ചത്.
തമ്പാനൂര്‍ റെയില്‍വേ മേല്‍പാലത്തിന് താഴെ ന്യൂ തിയേറ്ററിന് മുന്നിലായി ഓട പൊട്ടി ഒലിക്കാന്‍ തുടങ്ങിയിട്ട് മാസങ്ങളായി. എന്നാല്‍ അധികൃതര്‍ തിരിഞ്ഞുനോക്കാത്തതിനെ തുടർന്നാണ് ഇവര്‍ നടുറോഡില്‍ പായ വിരിച്ച് പ്രതിഷേധിച്ചത്. തുടര്‍ന്ന് യുവാക്കളെ തമ്പാനൂര്‍ പോലീസ് കസ്റ്റഡിയിലെടുത്തു ജാമ്യത്തില്‍ വിട്ടയച്ചു. ഇതിനുശേഷമായിരുന്നു മേയര്‍ ഫേസ്ബുക്കിലൂടെ ഇവരെ വിമര്‍ശിച്ച് രംഗത്തെത്തിയത്.
സമയബന്ധിതമായി പ്രശ്നപരിഹാരം കാണേണ്ടത് സ്ഥലം എംഎല്‍എയുടെ ചുമതലയാണെങ്കിലും കോര്‍പ്പറേഷന്‍ കൃത്യസമയത്ത് ഇടപെട്ട് നടപടികള്‍ സ്വീകരിച്ചിട്ടുണ്ടെന്നാണ് മേയര്‍ പറഞ്ഞത്. പ്രതിഷേധിച്ചവര്‍ക്ക് തന്റെ പ്രായമാണ് പ്രശ്നമെന്നും, ഈ രാജ്യത്തെ നിയമ വ്യവസ്ഥിതി പ്രകാരം മേയറാകാനുള്ള പ്രായം തികഞ്ഞതിനു ശേഷം തന്നെയാണ് താന്‍ മേയറായതെന്നും ആര്യ രാജേന്ദ്രന്‍ പ്രതികരിച്ചിരുന്നു.
ഇതിനെതിരെയാണ് അജു രംഗത്തെത്തിയത്. ന്യായമായ ആവശ്യങ്ങള്‍ നേടിയെടുക്കാന്‍ സ്വീകരിക്കുന്ന അക്രമപരമല്ലാത്ത സമരമെങ്ങനെയാണ് പ്രഹസനമാവുക?, പ്രതികരിക്കുന്നവരെ മോശക്കാരാക്കുക വഴി എന്ത് സന്ദേശമാണ് നിങ്ങള്‍ക്ക് നല്‍കാനാവുക?, സമരം പ്രഹസനമായി നടത്തി ശീലിച്ചവര്‍ക്ക് പലതും തോന്നുക സ്വാഭാവികമെന്നും അജു പറയുന്നു.
തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
തമ്പാനൂര്‍ റെയില്‍വേ മേല്‍പാലത്തിന് താഴെ ന്യൂ തിയേറ്ററിന് മുന്നിലായി ഓട പൊട്ടി ഒലിക്കാന്‍ തുടങ്ങിയിട്ട് മാസങ്ങളായി. എന്നാല്‍ അധികൃതര്‍ തിരിഞ്ഞുനോക്കാത്തതിനെ തുടർന്നാണ് ഇവര്‍ നടുറോഡില്‍ പായ വിരിച്ച് പ്രതിഷേധിച്ചത്. തുടര്‍ന്ന് യുവാക്കളെ തമ്പാനൂര്‍ പോലീസ് കസ്റ്റഡിയിലെടുത്തു ജാമ്യത്തില്‍ വിട്ടയച്ചു. ഇതിനുശേഷമായിരുന്നു മേയര്‍ ഫേസ്ബുക്കിലൂടെ ഇവരെ വിമര്‍ശിച്ച് രംഗത്തെത്തിയത്.
സമയബന്ധിതമായി പ്രശ്നപരിഹാരം കാണേണ്ടത് സ്ഥലം എംഎല്‍എയുടെ ചുമതലയാണെങ്കിലും കോര്‍പ്പറേഷന്‍ കൃത്യസമയത്ത് ഇടപെട്ട് നടപടികള്‍ സ്വീകരിച്ചിട്ടുണ്ടെന്നാണ് മേയര്‍ പറഞ്ഞത്. പ്രതിഷേധിച്ചവര്‍ക്ക് തന്റെ പ്രായമാണ് പ്രശ്നമെന്നും, ഈ രാജ്യത്തെ നിയമ വ്യവസ്ഥിതി പ്രകാരം മേയറാകാനുള്ള പ്രായം തികഞ്ഞതിനു ശേഷം തന്നെയാണ് താന്‍ മേയറായതെന്നും ആര്യ രാജേന്ദ്രന്‍ പ്രതികരിച്ചിരുന്നു.
ഇതിനെതിരെയാണ് അജു രംഗത്തെത്തിയത്. ന്യായമായ ആവശ്യങ്ങള്‍ നേടിയെടുക്കാന്‍ സ്വീകരിക്കുന്ന അക്രമപരമല്ലാത്ത സമരമെങ്ങനെയാണ് പ്രഹസനമാവുക?, പ്രതികരിക്കുന്നവരെ മോശക്കാരാക്കുക വഴി എന്ത് സന്ദേശമാണ് നിങ്ങള്‍ക്ക് നല്‍കാനാവുക?, സമരം പ്രഹസനമായി നടത്തി ശീലിച്ചവര്‍ക്ക് പലതും തോന്നുക സ്വാഭാവികമെന്നും അജു പറയുന്നു.
തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ