കെപിസിസി ആസ്ഥാനത്തിന് നേരെ കല്ലേറ്, കാർ തല്ലിത്തകർത്തു, സിസിടിവി ദൃശ്യങ്ങൾ

തിരുവനന്തപുരം (Thiruvananthapuram): തിരുവനന്തപുരത്തെ കെപിസിസി ആസ്ഥാനത്തിന് നേരെ കല്ലേറ്. ചിലർ ഓഫീസിന് നേരെ കല്ലെറിയുകയും ഇന്ദിരാ ഭവന് മുന്നിൽ നിർത്തിയിട്ടിരുന്ന കാർ തല്ലിത്തകർത്തുവെന്നും കെപിസിസി നേതാക്കൾ പറഞ്ഞു. ആക്രമണത്തിന് പിന്നിൽ ഡിവൈഎഫ്‌ഐ പ്രവർത്തകരാണെന്നാണ് കോൺഗ്രസ് നേതാക്കൾ ആരോപിക്കുന്നത്. മുഖ്യമന്ത്രിക്കെതിരെ വിമാനത്തിലെ യൂത്ത് കോൺഗ്രസ് പ്രതിഷേധം വിവാദമായതിന് പിന്നാലെയാണ് ആക്രമണം നടന്നത്. 11 കാറുകൾ ഇടിച്ചുതെറിപ്പിച്ചു, കാലിൽ കൂടി കയറിയിറങ്ങി;മദ്യപിച്ച് ഇന്നോവ ഓടിച്ചയാൾ പിടിയിൽ

ഇന്ദിരാ ഭവൻ്റെ ഗേറ്റ് കടന്ന് അകത്തേക്ക് കയറിയ സിപിഎം പ്രവർത്തകർ നേതാക്കളെ അസഭ്യം പറഞ്ഞെന്നും കല്ലെറിഞ്ഞെന്നുമാണ് ആരോപണം. മുതിർന്ന നേതാവ് എ കെ ആന്റണി ഈ സമയത്ത് ഇവിടെയുണ്ടായിരുന്നു. സംഭവത്തിന് ശേഷം പുറത്തിറങ്ങിയ എ കെ ആന്റണി കെപിസിസിയിൽ ഈ കാണിച്ചതിനെക്കുറിച്ച് മുഖ്യമന്ത്രിക്കും സിപിഎം സംസ്ഥാന സെക്രട്ടറിക്കും എന്താണ് പറയാനുള്ളത് എന്ന് ചോദിച്ചു.

സഹകരണബാങ്കിൽ ജോലി വാഗ്ദാനം ചെയ്ത് സുഹൃത്തുക്കൾ തട്ടിയത് 8 ലക്ഷം രൂപ!

ഒരിക്കലും നടക്കാൻ പാടില്ലാത്ത സംഭവമാണ് നടന്നത്. പാർട്ടി ആസ്ഥാനത്ത് ആദ്യമായാണ് ഇത്തരമൊരു സംഭവം ഉണ്ടായതെന്നും എ കെ ആൻ്റണി പറഞ്ഞു. സിപിഎം പ്രവർത്തകരുടെ വലിയ സംഘമാണ് ഓഫീസിന് മുന്നിലെത്തിയതെന്ന് നേതാക്കൾ പറഞ്ഞു.

തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ


Topic: Thiruvananthapuram News, KPCC Office Stone Pelting, Congress