തിരുവനന്തപുരം: കാട്ടാക്കടയിലെ ആക്രിക്കടയിലേക്ക് ആധാർ കാർഡുകളും ബാങ്ക് ഇൻഷുറൻസ് രേഖകളും തൂക്കി വിറ്റത് തപാൽ വകുപ്പിലെ താത്കാലിക ജീവനക്കാരിയുടെ ഭർത്താവ്. ജീവനക്കാരിയുടെ മദ്യപിച്ചെത്തിയ ഭർത്താവാണ് തപാൽ ഉരുപ്പിടികൾ അടക്കമുള്ളവ കഴിഞ്ഞ ദിവസം തൂക്കി വിറ്റത്.
ഇന്നലെ ആക്രി സാധനങ്ങള്‍ വേര്‍തിരിക്കുന്നതിനിടെയാണ് ആധാര്‍ കാര്‍ഡുകളുടെ വന്‍ശേഖരം കണ്ടെത്തിയത്. സംഭവം ശ്രദ്ധയില്‍പ്പെട്ടയുടന്‍ കടയുടമ പോലീസിനെ വിവരമറിയിച്ചു. കരകുളം മേഖലയില്‍ നിന്നുള്ളവരുടെ ആധാര്‍ കാര്‍ഡുകളാണ് കണ്ടെടുത്തവയില്‍ ഭൂരിഭാഗവും. ഇവയെല്ലാം കരകുളം പോസ്റ്റ് ഓഫീസില്‍ നിന്ന് വിതരണം ചെയ്യാത്ത ആധാര്‍ കാര്‍ഡുകളാണെന്ന് പ്രാഥമിക അന്വേഷണത്തിൽ പോലീസ് കണ്ടെത്തിയിരുന്നു. 2015ല്‍ നല്‍കിയ ആധാര്‍ കാര്‍ഡുകളും കൂട്ടത്തിലുണ്ടായിരുന്നു.വ്യാജ അധാർകാർഡുകളാണോ എന്നും അട്ടിമറി നടന്നിട്ടുണ്ടോ എന്നും പോലീസ് സംശയിച്ചിരുന്നു.
Also Read: 'ഉള്ളില്‍' പിടിവേണം, ഇല്ലെങ്കില്‍ സെക്രട്ടറിയേറ്റിലേക്ക് വരരുത്!! നിരാശരായി മടങ്ങുന്നത് നിരവധി പേര്‍
രേഖകളിലെ മേൽവിലാസങ്ങൾ അന്വേഷിച്ചാണ് പോലീസ് കരകുളം തപാൽ ഓഫീസിലെത്തിയത്. ചോദ്യം ചെയ്യലിനിടെയാണ് ജീവനക്കാരി ഭർത്താവാണ് ഇത് ചെയ്തതെന്ന് സമ്മതിച്ചത്. മദ്യപിച്ചെത്തിയ ഭർത്താവാണ് രേഖകൾ അടക്കമുള്ള പേപ്പറുകൾ തൂക്കി വിറ്റതെന്ന് ജീവനക്കാരി പറഞ്ഞു. പോലീസ് സ്വമേധയാ കേസെടുത്ത് അന്വേഷണം ആരംഭിച്ചു. രേഖകൾ നഷ്ടപ്പെട്ടതായി ആരെങ്കിലും പരാതി നൽകി അതിലും കേസെടുക്കുമെന്ന് പോലീസ് അറിയിച്ചു.
ഇന്നലെ ആക്രി സാധനങ്ങള്‍ വേര്‍തിരിക്കുന്നതിനിടെയാണ് ആധാര്‍ കാര്‍ഡുകളുടെ വന്‍ശേഖരം കണ്ടെത്തിയത്. സംഭവം ശ്രദ്ധയില്‍പ്പെട്ടയുടന്‍ കടയുടമ പോലീസിനെ വിവരമറിയിച്ചു. കരകുളം മേഖലയില്‍ നിന്നുള്ളവരുടെ ആധാര്‍ കാര്‍ഡുകളാണ് കണ്ടെടുത്തവയില്‍ ഭൂരിഭാഗവും. ഇവയെല്ലാം കരകുളം പോസ്റ്റ് ഓഫീസില്‍ നിന്ന് വിതരണം ചെയ്യാത്ത ആധാര്‍ കാര്‍ഡുകളാണെന്ന് പ്രാഥമിക അന്വേഷണത്തിൽ പോലീസ് കണ്ടെത്തിയിരുന്നു. 2015ല്‍ നല്‍കിയ ആധാര്‍ കാര്‍ഡുകളും കൂട്ടത്തിലുണ്ടായിരുന്നു.വ്യാജ അധാർകാർഡുകളാണോ എന്നും അട്ടിമറി നടന്നിട്ടുണ്ടോ എന്നും പോലീസ് സംശയിച്ചിരുന്നു.
Also Read: 'ഉള്ളില്‍' പിടിവേണം, ഇല്ലെങ്കില്‍ സെക്രട്ടറിയേറ്റിലേക്ക് വരരുത്!! നിരാശരായി മടങ്ങുന്നത് നിരവധി പേര്‍
രേഖകളിലെ മേൽവിലാസങ്ങൾ അന്വേഷിച്ചാണ് പോലീസ് കരകുളം തപാൽ ഓഫീസിലെത്തിയത്. ചോദ്യം ചെയ്യലിനിടെയാണ് ജീവനക്കാരി ഭർത്താവാണ് ഇത് ചെയ്തതെന്ന് സമ്മതിച്ചത്. മദ്യപിച്ചെത്തിയ ഭർത്താവാണ് രേഖകൾ അടക്കമുള്ള പേപ്പറുകൾ തൂക്കി വിറ്റതെന്ന് ജീവനക്കാരി പറഞ്ഞു. പോലീസ് സ്വമേധയാ കേസെടുത്ത് അന്വേഷണം ആരംഭിച്ചു. രേഖകൾ നഷ്ടപ്പെട്ടതായി ആരെങ്കിലും പരാതി നൽകി അതിലും കേസെടുക്കുമെന്ന് പോലീസ് അറിയിച്ചു.