തിരുവനന്തപുരത്ത് അഞ്ചു പേര്‍ക്ക് കൊവിഡ് എങ്ങനെ ഉണ്ടായെന്ന് അറിയില്ല: ജില്ല കളക്ടര്‍

തിരുവനന്തപുരം: ഉറവിടം അറിയാത്ത കൊവിഡ് രോഗബാധിതരുടെ എണ്ണ തിരുവനന്തപുരത്ത് വര്‍ധിക്കുന്നു. ഇതേതുടര്‍ന്ന്, ജില്ലയില്‍ പ്രതിരോധ പ്രവര്‍ത്തനങ്ങള്‍ ജില്ലാ ഭരണകൂടം ഊര്‍ജിതമാക്കി. ഇതിന്റെ ഭാഗമായി, കളക്ട്രേറ്റില്‍ കൊവിഡ് വാര്‍ റൂം തുറക്കും. ഈ സാഹചര്യത്തില്‍ മേഖലകള്‍ തിരിച്ച് സാംപിളുകള്‍ ശേഖരിക്കുമെന്നും ജില്ലാ കളക്ടര്‍ നവജ്യോത് ഖോസ അറിയിച്ചു.

Also Read: പതിവ് തെറ്റിച്ചില്ല, ഇക്കുറിയും പട്ടിയിറച്ചി മേള, ചൈനയില്‍ കൊവിഡിന്റെ രണ്ടാം തരംഗമെന്ന് വിദഗ്ധര്‍

തിരുവനന്തപുരം കളക്ട്രേറ്റില്‍ ജില്ലാ കൊവിഡ് വാര്‍ റൂം, നിരീക്ഷണത്തിലുള്ളവരുടെ സാമ്പിളുകളെടുക്കുന്നതിനു പുറമെ മേഖലകള്‍ തിരിച്ച് പൂള്‍ സാമ്പിളുകളെടുക്കല്‍, ടെസ്റ്റിങ് കേന്ദ്രങ്ങളുടെ വികേന്ദ്രീകരണം എന്നിവയാണ് പുതിയ തീരുമാനങ്ങള്‍.

Also Read: സമ്പര്‍ക്കത്തിലൂടെയുള്ള രോഗവ്യാപനം; ഈ മൂന്ന് ജില്ലകളില്‍ ഇന്നു മുതല്‍ കര്‍ശന നിയന്ത്രണം

വഞ്ചിയൂരില്‍ മരിച്ച രമേശന്റെ പരിശോധന വൈകിയെന്ന് ജില്ലാ കളക്ടര്‍ പറഞ്ഞു. ജനറല്‍ ആശുപത്രിയുടെയും തിരുവനന്തപുരം മെഡിക്കല്‍ കോളജിന്റെയും ഭാഗത്ത് വീഴ്ച ഉണ്ടായെന്നും കളക്ടര്‍ വ്യക്തമാക്കി. ഇതു സംബന്ധിച്ച് റിപ്പോര്‍ട്ട് ആരോഗ്യ വകുപ്പ് പ്രിന്‍സിപ്പല്‍ സെക്രട്ടറിയ്ക്ക് അയക്കുമെന്നും കളക്ടര്‍ പറഞ്ഞു.