തിരുവനന്തപുരം: പാർട്ടി പറഞ്ഞാൽ തിരുവനന്തപുരം ലോക്സഭാ സീറ്റിൽതന്നെ മത്സരിക്കുമെന്ന് ശശി തരൂർ എംപി. തിരുവനന്തപുരം സീറ്റ് ആർക്കെങ്കിലും വിട്ടുകൊടുക്കാമെന്ന് കരുതിയിരുന്നുവെന്നും നിലവിലെ സാഹചര്യം കാണുമ്പോൾ മനസ് മാറിയെന്നും ദേശീയതലത്തിൽ ഭരണമാറ്റം ആവശ്യമാണെന്നും തരൂർ മാധ്യമങ്ങളോട് പറഞ്ഞു. തിരുവനന്തപുരത്തു മോദി മത്സരിച്ചാലും താൻ ജയിക്കുമെന്നും മാധ്യമങ്ങളുടെ ചോദ്യത്തിന് തരൂർ മറുപടി നൽകി. നിയമസഭയിലേക്ക് മത്സരിക്കുമോ എന്ന ചോദ്യത്തിന് അപ്പോഴത്തെ സാഹചര്യം നോക്കി കാര്യങ്ങൾ തീരുമാനിക്കുമെന്നാണ് തരൂരിൻ്റെ മറുപടി. തിരുവനന്തപുരം ജില്ലയിലെ വാർത്തകൾ അറിയാം.
വിഖ്യത ചലച്ചിത്രകാരന്‍ കെ ജി ജോര്‍ജിന്റെ വിയോഗത്തെക്കുറിച്ചുള്ള ചോദ്യത്തോട് 'ആളുമാറി' പ്രതികരിച്ച സംഭവത്തില്‍ വിശദീകരണവുമായി കെപിസിസി അധ്യക്ഷന്‍ കെ സുധാകരന്‍. കെ ജി ജോര്‍ജ് ആണ് വിട പറഞ്ഞതെന്ന് ചോദ്യത്തില്‍ നിന്ന് മനസിലായിരുന്നില്ല. സമാനപേരിലുളള പഴയകാല സഹപ്രവര്‍ത്തകനാണ് മനസില്‍ വന്നത്. സംഭവത്തില്‍ കെജി ജോര്‍ജിനെ സ്‌നേഹിക്കുന്നവര്‍ക്കുണ്ടായ മനോവിഷമത്തില്‍ നിരുപാധികം ഖേദം പ്രകടിപ്പിക്കുന്നെന്നും കെ സുധാകരന്‍ പറഞ്ഞു.
തെങ്ങുകള്‍ക്കിടെയിലെ 'രഹസ്യം' പങ്കുവച്ച് സുരേന്ദ്രന്‍
പ്രധാനമന്ത്രി നരേന്ദ്രമോദിയുടെ മുഖം 'ഒളിഞ്ഞിരിക്കുന്ന' ചിത്രം പങ്കുവച്ച് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍. ഒറ്റനോട്ടത്തില്‍ കടല്‍തീരത്തെ പാറക്കെട്ടില്‍ വളര്‍ന്ന് നില്‍ക്കുന്ന തെങ്ങുകളുടെ കൂട്ടമായാണ് തോന്നുക. എന്നാല്‍ അല്‍പ്പമൊന്ന് സൂക്ഷിച്ച് നോക്കിയാല്‍ പ്രധാനമന്ത്രി നരേന്ദ്രമോദിയുടെ മുഖം തെളിഞ്ഞ് കാണാം. 'ഈ കാണുന്നത് ഒരു വെറുംവരയല്ല. അതിശയോക്തിപരമായ അപനിര്‍മ്മിതിയുമല്ല. കേരളത്തിന്റെ തലവര മാറ്റിവരയ്ക്കുന്ന ശരിവരയാണിത്. മോദിക്കുമാത്രം മാറ്റിമറയ്ക്കാന്‍ കഴിയുന്ന നേര്‍വര'യെന്നാണ് ചിത്രം പങ്കുവച്ച് സുരേന്ദ്രന്‍ പറഞ്ഞത്.
കെഎസ്ആർടിസി ബസ് കയറാൻ നിന്ന വയോധികൻ ബസിനടിയിൽ പെട്ട് മരിച്ചു
പനയമുട്ടം ജംക്‌ഷനിൽ നിന്നും കെഎസ്ആർടിസി ബസ് കയറാൻ നിന്ന വയോധികൻ ബസിനടിയിൽ പെട്ട് മരിച്ചു. പനയമുട്ടം സതീഷ് ഭവനിൽ ജെ കൃഷ്ണൻ നായർ (79) ആണ് മരിച്ചത്. വൈകുന്നേരം 3.30 കഴിഞ്ഞതോടെ ആയിരുന്നു അപകടം. ക്ഷീരകർഷകൻ ആയ കൃഷ്ണൻ നായർ ആട്ടുകാൽ ക്ഷീരോൽപാദക സംഘത്തിൽ പാൽ കൊണ്ട് പോവാൻ പനയമുട്ടം ജംക്‌ഷനിൽ ബസ് കാത്ത് നിന്നതാണ്.
പെരുമ്പാമ്പിനെ പിടികൂടി
കോട്ടൂര്‍ പാറക്കോണത്ത് കൂറ്റന്‍ പെരുമ്പാമ്പിനെ പിടികൂടി പരുത്തിപ്പള്ളി റെയിഞ്ച് ഓഫീസിലെ ഫോറസ്റ്റ് ബീറ്റ് ഓഫീസര്‍ റോഷ്‌നി. പാറക്കോണം സൂസിയുടെ വീട്ടില്‍ നിന്നാണ് നാല് കോഴികളെ വിഴുങ്ങിയ പെരുമ്പാമ്പിനെ പിടികൂടിയത്. സൂസിയുടെ വീട്ടില്‍ നിന്ന് സ്ഥിരമായി കോഴികളെ കാണാതാകുന്ന സംഭവമുണ്ട്. എന്നാല്‍ പാമ്പ് പിടിച്ചതാണെന്ന് ഇവര്‍ക്ക് അറിയില്ലായിരുന്നു. ഇന്ന് രാവിലെയാണ് കൂടിനകത് കൂറ്റന്‍ പെരുമ്പാമ്പിനെ കണ്ടത്.
പേട്ടയിൽ ഗുണ്ടാ ആക്രമണം
പേട്ടയിൽ ഗുണ്ടാ സംഘം ബൈക്ക് തടഞ്ഞ് രണ്ടുപേരെ വെട്ടിവീഴ്ത്തി. ചെട്ടിക്കുളങ്ങര സ്വദേശി ശബരി, പാറ്റൂർ ദീപു എന്നിവർക്കാണ് വെട്ടേറ്റത്. ഇരുവരെയും തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചു. രണ്ടുപേരുടെയും കാലുകൾക്കും ഒരാളുടെ തലയ്ക്കുമാണ് ഗുരുതര പരിക്കേറ്റത്. ബൈക്കിൽ എത്തിയ മൂന്നംഗ സംഘമാണ് ആക്രമണം നടത്തിയത്. ഗുണ്ടാകുടിപ്പകയാണ് ആക്രമണത്തിന് കാരണമെന്ന് പോലീസ് പറഞ്ഞു.
അടുത്ത അഞ്ചു ദിവസം മഴയ്ക്ക് സാധ്യത
ബംഗാൾ ഉൾക്കടലിൽ ന്യൂനമർദ സാധ്യതയുള്ളതിനാൽ കേരളത്തിൽ അടുത്ത അഞ്ചു ദിവസം മിതമായ/ഇടത്തരം മഴ തുടരാൻ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഗതാഗത നിയന്ത്രണം
കോവളം മുതൽ ശംഖുമുഖം എയർപോർട്ട് ജങ്ഷൻ വരെ നടക്കുന്ന കോവളം മാരത്തോൺ മത്സരവുമായി ബന്ധപ്പെട്ട് ഗതാഗത നിയന്ത്രണം. ഇന്ന് രാവിലെ 10 മണിവരെ കോവളം - കഴക്കൂട്ടം ബൈപ്പാസിൽ കോവളം മുതൽ ചാക്ക ജങ്ഷൻ വരെയും ചാക്ക മുതൽ ശംഖുമുഖം വരെയുള്ള റോഡിലും റോഡിന്റെ ഇടതുവശത്തുള്ള പാതയിലും ഗതാഗത നിയന്ത്രണങ്ങൾ ഏർപ്പെടുത്തിയിട്ടുണ്ട്.
'വിഷുവം' ദർശിച്ച് ഭക്തർ
ശ്രീ പത്മനാഭ സ്വാമി ക്ഷേത്രത്തിൽ വിഷുവം ദർശിച്ച് ഭക്തർ ഉൾപ്പെടെ നിരവധി പേർ. വർഷത്തിൽ രണ്ടുതവണ മാത്രം ദൃശ്യമാകുന്ന 'വിഷുവം' പ്രതിഭാസം ദർശിക്കാൻ ശ്രീ പത്മനാഭ ഭക്തർ ഉൾപ്പെടെ നിരവധി പേരാണ് ക്ഷേത്രത്തിൽ എത്തിയത്. വൈകുന്നേരം അഞ്ചുമണി മുതൽ ക്ഷേത്രത്തിൻ്റെ കിഴക്കേനടയിൽ തിരക്കനുഭവപ്പെട്ടു.
ഉയർന്ന തിരമാല ജാഗ്രത നിർദേശം
കേരള തീരത്തും തെക്കൻ തമിഴ്‌നാട് തീരത്തും ഇന്ന് രാത്രി 11:30 വരെ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി.
വിഖ്യത ചലച്ചിത്രകാരന്‍ കെ ജി ജോര്‍ജിന്റെ വിയോഗത്തെക്കുറിച്ചുള്ള ചോദ്യത്തോട് 'ആളുമാറി' പ്രതികരിച്ച സംഭവത്തില്‍ വിശദീകരണവുമായി കെപിസിസി അധ്യക്ഷന്‍ കെ സുധാകരന്‍. കെ ജി ജോര്‍ജ് ആണ് വിട പറഞ്ഞതെന്ന് ചോദ്യത്തില്‍ നിന്ന് മനസിലായിരുന്നില്ല. സമാനപേരിലുളള പഴയകാല സഹപ്രവര്‍ത്തകനാണ് മനസില്‍ വന്നത്. സംഭവത്തില്‍ കെജി ജോര്‍ജിനെ സ്‌നേഹിക്കുന്നവര്‍ക്കുണ്ടായ മനോവിഷമത്തില്‍ നിരുപാധികം ഖേദം പ്രകടിപ്പിക്കുന്നെന്നും കെ സുധാകരന്‍ പറഞ്ഞു.
തെങ്ങുകള്‍ക്കിടെയിലെ 'രഹസ്യം' പങ്കുവച്ച് സുരേന്ദ്രന്‍
പ്രധാനമന്ത്രി നരേന്ദ്രമോദിയുടെ മുഖം 'ഒളിഞ്ഞിരിക്കുന്ന' ചിത്രം പങ്കുവച്ച് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍. ഒറ്റനോട്ടത്തില്‍ കടല്‍തീരത്തെ പാറക്കെട്ടില്‍ വളര്‍ന്ന് നില്‍ക്കുന്ന തെങ്ങുകളുടെ കൂട്ടമായാണ് തോന്നുക. എന്നാല്‍ അല്‍പ്പമൊന്ന് സൂക്ഷിച്ച് നോക്കിയാല്‍ പ്രധാനമന്ത്രി നരേന്ദ്രമോദിയുടെ മുഖം തെളിഞ്ഞ് കാണാം. 'ഈ കാണുന്നത് ഒരു വെറുംവരയല്ല. അതിശയോക്തിപരമായ അപനിര്‍മ്മിതിയുമല്ല. കേരളത്തിന്റെ തലവര മാറ്റിവരയ്ക്കുന്ന ശരിവരയാണിത്. മോദിക്കുമാത്രം മാറ്റിമറയ്ക്കാന്‍ കഴിയുന്ന നേര്‍വര'യെന്നാണ് ചിത്രം പങ്കുവച്ച് സുരേന്ദ്രന്‍ പറഞ്ഞത്.
കെഎസ്ആർടിസി ബസ് കയറാൻ നിന്ന വയോധികൻ ബസിനടിയിൽ പെട്ട് മരിച്ചു
പനയമുട്ടം ജംക്‌ഷനിൽ നിന്നും കെഎസ്ആർടിസി ബസ് കയറാൻ നിന്ന വയോധികൻ ബസിനടിയിൽ പെട്ട് മരിച്ചു. പനയമുട്ടം സതീഷ് ഭവനിൽ ജെ കൃഷ്ണൻ നായർ (79) ആണ് മരിച്ചത്. വൈകുന്നേരം 3.30 കഴിഞ്ഞതോടെ ആയിരുന്നു അപകടം. ക്ഷീരകർഷകൻ ആയ കൃഷ്ണൻ നായർ ആട്ടുകാൽ ക്ഷീരോൽപാദക സംഘത്തിൽ പാൽ കൊണ്ട് പോവാൻ പനയമുട്ടം ജംക്‌ഷനിൽ ബസ് കാത്ത് നിന്നതാണ്.
പെരുമ്പാമ്പിനെ പിടികൂടി
കോട്ടൂര്‍ പാറക്കോണത്ത് കൂറ്റന്‍ പെരുമ്പാമ്പിനെ പിടികൂടി പരുത്തിപ്പള്ളി റെയിഞ്ച് ഓഫീസിലെ ഫോറസ്റ്റ് ബീറ്റ് ഓഫീസര്‍ റോഷ്‌നി. പാറക്കോണം സൂസിയുടെ വീട്ടില്‍ നിന്നാണ് നാല് കോഴികളെ വിഴുങ്ങിയ പെരുമ്പാമ്പിനെ പിടികൂടിയത്. സൂസിയുടെ വീട്ടില്‍ നിന്ന് സ്ഥിരമായി കോഴികളെ കാണാതാകുന്ന സംഭവമുണ്ട്. എന്നാല്‍ പാമ്പ് പിടിച്ചതാണെന്ന് ഇവര്‍ക്ക് അറിയില്ലായിരുന്നു. ഇന്ന് രാവിലെയാണ് കൂടിനകത് കൂറ്റന്‍ പെരുമ്പാമ്പിനെ കണ്ടത്.
പേട്ടയിൽ ഗുണ്ടാ ആക്രമണം
പേട്ടയിൽ ഗുണ്ടാ സംഘം ബൈക്ക് തടഞ്ഞ് രണ്ടുപേരെ വെട്ടിവീഴ്ത്തി. ചെട്ടിക്കുളങ്ങര സ്വദേശി ശബരി, പാറ്റൂർ ദീപു എന്നിവർക്കാണ് വെട്ടേറ്റത്. ഇരുവരെയും തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചു. രണ്ടുപേരുടെയും കാലുകൾക്കും ഒരാളുടെ തലയ്ക്കുമാണ് ഗുരുതര പരിക്കേറ്റത്. ബൈക്കിൽ എത്തിയ മൂന്നംഗ സംഘമാണ് ആക്രമണം നടത്തിയത്. ഗുണ്ടാകുടിപ്പകയാണ് ആക്രമണത്തിന് കാരണമെന്ന് പോലീസ് പറഞ്ഞു.
അടുത്ത അഞ്ചു ദിവസം മഴയ്ക്ക് സാധ്യത
ബംഗാൾ ഉൾക്കടലിൽ ന്യൂനമർദ സാധ്യതയുള്ളതിനാൽ കേരളത്തിൽ അടുത്ത അഞ്ചു ദിവസം മിതമായ/ഇടത്തരം മഴ തുടരാൻ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഗതാഗത നിയന്ത്രണം
കോവളം മുതൽ ശംഖുമുഖം എയർപോർട്ട് ജങ്ഷൻ വരെ നടക്കുന്ന കോവളം മാരത്തോൺ മത്സരവുമായി ബന്ധപ്പെട്ട് ഗതാഗത നിയന്ത്രണം. ഇന്ന് രാവിലെ 10 മണിവരെ കോവളം - കഴക്കൂട്ടം ബൈപ്പാസിൽ കോവളം മുതൽ ചാക്ക ജങ്ഷൻ വരെയും ചാക്ക മുതൽ ശംഖുമുഖം വരെയുള്ള റോഡിലും റോഡിന്റെ ഇടതുവശത്തുള്ള പാതയിലും ഗതാഗത നിയന്ത്രണങ്ങൾ ഏർപ്പെടുത്തിയിട്ടുണ്ട്.
'വിഷുവം' ദർശിച്ച് ഭക്തർ
ശ്രീ പത്മനാഭ സ്വാമി ക്ഷേത്രത്തിൽ വിഷുവം ദർശിച്ച് ഭക്തർ ഉൾപ്പെടെ നിരവധി പേർ. വർഷത്തിൽ രണ്ടുതവണ മാത്രം ദൃശ്യമാകുന്ന 'വിഷുവം' പ്രതിഭാസം ദർശിക്കാൻ ശ്രീ പത്മനാഭ ഭക്തർ ഉൾപ്പെടെ നിരവധി പേരാണ് ക്ഷേത്രത്തിൽ എത്തിയത്. വൈകുന്നേരം അഞ്ചുമണി മുതൽ ക്ഷേത്രത്തിൻ്റെ കിഴക്കേനടയിൽ തിരക്കനുഭവപ്പെട്ടു.
ഉയർന്ന തിരമാല ജാഗ്രത നിർദേശം
കേരള തീരത്തും തെക്കൻ തമിഴ്‌നാട് തീരത്തും ഇന്ന് രാത്രി 11:30 വരെ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി.