അമ്മ മകനെ പീഡിപ്പിച്ച കേസില്‍ വന്‍ ട്വിസ്റ്റ്, ദുരൂഹതകള്‍... ഇളയ മകന്‍റെ മൊഴി അച്ഛനെ കുടുക്കും!

നാല് മക്കളും അമ്മയും വക്കത്തെ വീട്ടില്‍ താമസിക്കുമ്പോഴാണ് സംഭവം നടന്നത്. കുട്ടികളുടെ പിതാവ് വിദേശത്തായിരുന്നു. അമ്മ കാമുകനുമായി വീഡിയോകോള്‍ ചെയ്യുന്നത് 14കാരന്‍ കണ്ടതാണ് പ്രശ്‌നങ്ങള്‍ക്ക് തുടക്കമായതെന്നായിരുന്നു റിപ്പോര്‍ട്ട്. കുട്ടി ഇത് അച്ഛനെ വിളിച്ച് പറഞ്ഞു. ഇതേ തുടര്‍ന്നാണ് ദമ്പതികള്‍ തമ്മില്‍ പ്രശ്‌നങ്ങള്‍ ആരംഭിക്കുന്നത്. തുടര്‍ന്ന് നാട്ടിലെത്തിയ അച്ഛന്‍ കുട്ടികളെയും കൊണ്ട് ഗള്‍ഫിലേക്ക് പോകുകയായിരുന്നു. ഇവിടെ വെച്ചാണ് സംഭവത്തിന് ഇരയായ 14കാരന്‍ സംഭവിച്ച കാര്യങ്ങള്‍ അച്ഛനോട് പറയുന്നത്. തുടര്‍ന്ന് നാട്ടിലെത്തി ചൈല്‍ഡ് ലൈന്‍ പ്രവര്‍ത്തകരെ വിവരം അറിയിക്കുകയായിരുന്നു.

എന്നാല്‍ സംഭവത്തില്‍ വന്‍ ട്വിസ്റ്റാണ് ഇുപ്പോള്‍ സംഭവിച്ചിരിക്കുന്നത്. അമ്മയ്ക്കെതിരെ മൊഴി നല്‍കാന്‍ അച്ഛന്‍ സഹോദരനെ നിര്‍ബന്ധിച്ചിരുന്നതായി ഇളയകുട്ടി മൊഴി നല്‍കിയതാണ് ഇപ്പോള്‍ വഴിത്തിരിവായിരിക്കുന്നത്. ഭര്‍ത്താവിന്‍റെ രണ്ടാംവിവാഹത്തെ എതിര്‍ത്തതിന്‍റെ വൈരാഗ്യത്തില്‍ കേസില്‍ കുടുക്കിയതാണെന്ന് മാതാപിതാക്കളും വ്യക്തമാക്കുന്നു. ഭാര്യയ്ക്കെതിരെ പരാതിയുമായെത്തിയ ഭര്‍ത്താവ് നിയമപരമായി വിവാഹമോചനം നേടാതെയാണ് മറ്റൊരു വിവാഹം കഴിച്ചതെന്നാണ് ഇപ്പോള്‍ പുറത്ത് വരുന്ന റിപ്പോര്‍ട്ട്.

17വും 14ഉം 11ഉം വയസുള്ള മൂന്ന് ആണ്‍കുട്ടികളും 6 വയസുള്ള പെണ്‍കുട്ടിയുമാണ് കുറ്റാരോപിതയായ യുവതിക്കുള്ളത്. ഭര്‍ത്താവുമായി വേര്‍പെട്ട് മൂന്ന് വര്‍ഷമായി അമ്മയും മക്കളും തനിച്ചാണ് താമസിച്ചിരുന്നത്. ഭര്‍ത്താവ് മറ്റൊരു വിവാഹം കഴിച്ചു. അതിന് ശേഷം മൂന്ന് കുട്ടികളെ ഭര്‍ത്താവിനൊപ്പം കൊണ്ടുപോയി. ഇതിലൊരുകുട്ടിയുടെ മൊഴിയാലായിരുന്നു അമ്മയെ അറസ്റ്റ് ചെയ്തത്. മകനെ കൊണ്ട് ഭര്‍ത്താവ് പറഞ്ഞ് പറയിപ്പിച്ചതാണെന്ന് യുവതിക്കൊപ്പമുള്ള കുട്ടികള്‍ പറയുന്നു.

നിയമപരമായി വിവാഹമോചനം നേടാതെ രണ്ടാം വിവാഹം കഴിച്ചതിനെ എതിര്‍ത്തും ജീവനാംശം ആവശ്യപ്പെട്ടും യുവതി പരാതി നല്‍യിരുന്നു. ഇതിന്‍റെ വൈരാഗ്യമാണ് ഇത്തരത്തിലൊരു കേസിലേക്ക് കലാശിച്ചതെന്നാണ് ആരോപണം. മകളുടെ നിരപരാധിത്വം തെളിയിക്കാനുള്ള നെട്ടോട്ടത്തിലാണ് അറസ്റ്റിലായ യുവതിയുടെ മാതാപിതാക്കള്‍. താന്‍ മകനോട് അത്തരത്തില്‍ പെരുമാറിയിട്ടില്ല എന്ന് കുറ്റക്കാരിയായ സ്ത്രീ നേരത്തെ പറഞ്ഞിരുന്നു. നിലവില്‍ അട്ടകുളങ്ങര വനിതാ ജയിലിലാണ് യുവതിയെ പാര്‍പ്പിച്ചിരിക്കുന്നത്.