ബൈക്കിലെത്തി ബസിൻ്റെ ചില്ല് എറിഞ്ഞ് തകർത്തു; രക്ഷപ്പെട്ടെങ്കിലും സിസിടിവിൽ കുടുങ്ങി, യുവാക്കൾ അറസ്റ്റിൽ

തിരുവനന്തപുരം: വെള്ളിയാഴ്ച നടന്ന പോപ്പുലർ ഫ്രണ്ട് ഹർത്താലിനിടെ (Popular Front Hartal) ബൈക്കിൽ എത്തി കെഎസ്‌ആർടിസി ബസിൻ്റെ ചില്ല് കല്ലെറിഞ്ഞ് തകർത്ത യുവാക്കൾ അറസ്റ്റിൽ. തിരുവനന്തപുരം കാട്ടാക്കട കിള്ളി കുംബിളി തലക്കൽ പുത്തൻ വീട്ടിൽ ഹാജ (26), കുറ്റിച്ചൽ കള്ളോട് ചെമ്മണാം കുഴി പാറമുകൾ പുത്തൻ വീട്ടിൽ ആഷിഖ് (21) എന്നിവരെയാണ് കാട്ടാക്കട പോലീസ് അറസ്റ്റ് ചെയ്തത്. ജനങ്ങള്‍ക്ക് സംരക്ഷണം നല്‍കാനാകാത്ത പോലീസിനെയും കൊണ്ട് എന്തിനാണ് പിണറായി വിജയന്‍ ഇങ്ങനെ തെക്ക് വടക്ക് നടക്കുന്നത്? വിഡി സതീശൻ
ഹർത്താലിനിടെ കാട്ടാക്കട അഞ്ചുതെങ്ങിൻ മൂട്ടിൽ വെച്ചാണ് പ്രതികൾ കെഎസ്‌ആർടിസി ബസിന് നേരെ കല്ല് എറിഞ്ഞത്. രാവിലെ 7.30 മണിയോടെ കാട്ടാക്കട സ്റ്റാൻഡിൽ നിന്നും പൂവാറിലേയ്ക്ക് പോയ പൂവാർ ഡിപ്പോയിലെ ആർഎൻഎം-439 നമ്പർ ബസിന്റെ മുൻ വശത്തെ ചില്ലാണ് പ്രതികൾ എറിഞ്ഞ് തകർത്തത്. ബൈക്കിൽ എത്തിയ പ്രതികൾ ബസിന് മുന്നിൽ ബൈക്ക് നിർത്തിയ ശേഷം ചില്ല് എറിഞ്ഞ് തകർക്കുകയായിരുന്നു.

ഹർത്താൽ ദിനത്തിൽ സ്റ്റാൻഡിൽ തടഞ്ഞിട്ട ബസുകൾ നാട്ടുകാരുടെ പ്രതിഷേധത്തെ തുടർന്ന് പോലീസ് കടത്തി വിടുകയായിരുന്നു. ആദ്യം പൂവാർ ഡിപ്പോ ബസാണ് സർവീസ് ആരംഭിച്ചത്. ഇതോടെ ബൈക്കിൽ ഈ ബസിനെ പിൻതുടർന്ന് എത്തിയ രണ്ട് പ്രവർത്തകർ അഞ്ചു തെങ്ങിൻ മൂട്ടിൽ വച്ച് ബസ് തടഞ്ഞു നിർത്തി കല്ല് എറിയുകയായിരുന്നു.

പോപ്പുലർ ഫ്രണ്ട് ഹർത്താലിൽ 1013 പേർ അറസ്റ്റിൽ; 281 കേസ്, 819 പേരെ കരുതൽ തടങ്കലിലാക്കി
ബസ് തടഞ്ഞ് കല്ലെറിയുന്ന സിസിടിവി ദൃശ്യം പരിശോധിച്ചാണ് പോലീസ് പ്രതികളെ പിടികൂടിയത്. ചില്ല് തകർത്ത സംഭവത്തിൽ 38000 രൂപയുടെ നഷ്ടമാണ് കണക്കാക്കുന്നത്. പ്രതികൾ സഞ്ചരിച്ച ബൈക്ക് പോലീസ് കസ്റ്റഡിയിൽ എടുത്തു.

Read Latest Local News and Malayalam News