തിരുവനന്തപുരം: ഓണത്തോടനുബന്ധിച്ച് സുഭിക്ഷ കേരളം പദ്ധതിയുടെ ഭാഗമായി സെക്രട്ടേറിയറ്റ് ഗാര്ഡനില് കൃഷി ചെയ്ത പച്ചക്കറി, മന്ത്രി കടകംപള്ളി സുരേന്ദ്രന് വിളവെടുത്തു. കഴിഞ്ഞ നാലു വര്ഷമായി സംസ്ഥാനത്ത് നടപ്പാക്കി വരുന്ന ഹരിതകേരളം പദ്ധതിയുടെ വിജയകരമായ തുടര്ച്ചയാണ് സുഭിക്ഷകേരളം പദ്ധതിയെന്ന് മന്ത്രി പറഞ്ഞു. സുഭിക്ഷ കേരളത്തിലൂടെ 29000 ഹെക്ടറോളം തരിശുഭൂമി കൃഷിയോഗ്യമാക്കാനായതായും മന്ത്രി പറഞ്ഞു.
തക്കാളി, വഴുതന, മുളക് എന്നിവയുടെ വിളവെടുപ്പാണ് നടന്നത്. ഇതിനു പുറമേ വെണ്ട, ചീര, അമര, പയര്, വെള്ളരി എന്നിവയും കൃഷി ചെയ്യുന്നുണ്ട്. സെക്രട്ടേറിയറ്റിലെ ജീവനക്കാരുടെ കൂട്ടായ്മയായ ഗ്രീന് ലീഫിന്റെ നേതൃത്വത്തിലാണ് പച്ചക്കറി കൃഷിചെയ്യുന്നത്. ജൈവ രീതിയില് ആയിരത്തോളം മണ്ചട്ടികളിലാണ് കൃഷി നടത്തുന്നത്. ഗാര്ഡന് ജീവനക്കാര്ക്കു പുറമേ ഇടവേളകളിലും വൈകുന്നേരങ്ങളിലും മറ്റു ജീവനക്കാരും കൃഷിയില് പങ്കുചേരുന്നുണ്ട്.
Also Read: 'പോലീസുകാര് മാവേലി വേഷം കെട്ടേണ്ട...' നിലപാട് തിരുത്തി തിരുവനന്തപുരം സിറ്റി പോലീസ് കമ്മീഷണര്
നിറഞ്ഞുനില്ക്കുന്ന തക്കാളി പഴങ്ങളാണ് ഈ തോട്ടത്തിലെ പ്രധാന ആകര്ഷണം. വഴുതന, മുളക് എന്നിവയിലും നൂറുമേനി വിളവ്. വെണ്ട,ചീര, അമര,പയര്, വെള്ളരി എന്നിവയും അധികം വൈകാതെ വിളവെടുക്കാനാകും. സെക്രട്ടേറിയറ്റിലെ ബയോഡെസ്ക് വഴി വിഭവങ്ങള് വിറ്റഴിക്കും. കഴിഞ്ഞവര്ഷം ഇരുപത്തിരണ്ടായിരം രൂപയുടെ പച്ചക്കറി വിറ്റിരുന്നു. വരും ദിവസങ്ങളിലും വിളവെടുപ്പ് തുടരും.
വെടുപ്പ് തുടരും.