തിരുവനന്തപുരം: പാര്ലമെന്ററി രാഷ്ട്രീയം അവസാനിപ്പിക്കുകയാണെന്ന് കോണ്ഗ്രസ് പ്രവര്ത്തക സമിതി അംഗവും മുന് പ്രതിരോധ മന്ത്രിയുമായ എ.കെ ആന്റണി. 2022 ഏപ്രില് രണ്ടിന് രാജ്യസഭാ കാലാവധി കഴിഞ്ഞാല് തന്റെ പാര്ലമെന്ററി ജീവിതവും അവസാനിപ്പിക്കുമെന്ന് അദ്ദേഹം സമയം മലയാളത്തിന് നല്കിയ പ്രത്യേക അഭിമുഖത്തില് പറഞ്ഞു. ''കാലമെത്രയായി, വയസ് 80 കഴിഞ്ഞു. മൂന്ന് പ്രാവശ്യം മുഖ്യമന്ത്രിയായി, രണ്ട് തവണ കേന്ദ്രമന്ത്രിയായി, ഏറ്റവും ദീര്ഘകാലം പ്രതിരോധമന്ത്രിയായി, കെപിസിസി പ്രസിഡന്റായി, എഐസിസി ജനറല് സെക്രട്ടറിയായി, യൂത്ത് കോണ്ഗ്രസ് പ്രസിഡന്റായി, പോരെ... ഇനി പഴയ ആരോഗ്യം തനിക്കില്ല. മനസിന് ഊര്ജ്ജമുണ്ട്, പക്ഷേ ശരീരം ഓടുന്നില്ല. സ്വരം നന്നായിരിക്കുമ്പോള് നിര്ത്തുക, നാട്ടിലേക്ക് മടങ്ങുക, നാട്ടിലെ സഹപ്രവര്ത്തകരുമായി സജീവമായി സഹകരിച്ച് പാര്ട്ടിയെ മുന്നോട്ട് നയിക്കുക എന്നതാണ് ഇനിയുള്ള ലക്ഷ്യം''- ആന്റണി മനസ്സ് തുറന്നു.
ഇപ്പോഴത്തെ തെരഞ്ഞെടുപ്പ് പ്രവര്ത്തനങ്ങളെല്ലാം ആര്ട്ടിഫിഷ്യല് ആണ്. ആദ്യകാല തെരഞ്ഞെടുപ്പുകളാണ് യഥാര്ത്ഥത്തില് വീറും വാശിയും നിറഞ്ഞത്. തെരഞ്ഞെടുപ്പ് രാഷ്ട്രീയത്തില് ഒരിക്കലും മറക്കാന് പറ്റാത്ത അുഭവം തന്റെ ആദ്യ തെരഞ്ഞെടുപ്പാണ്. ആദ്യം മുതല് അവസാനം വരെ വമ്പന് ട്വിസ്റ്റായിരുന്നു അതെന്നും എ.കെ ആന്റണി പറഞ്ഞു.
ഇപ്പോഴത്തെ തെരഞ്ഞെടുപ്പ് പ്രവര്ത്തനങ്ങളെല്ലാം ആര്ട്ടിഫിഷ്യല് ആണ്. ആദ്യകാല തെരഞ്ഞെടുപ്പുകളാണ് യഥാര്ത്ഥത്തില് വീറും വാശിയും നിറഞ്ഞത്. തെരഞ്ഞെടുപ്പ് രാഷ്ട്രീയത്തില് ഒരിക്കലും മറക്കാന് പറ്റാത്ത അുഭവം തന്റെ ആദ്യ തെരഞ്ഞെടുപ്പാണ്. ആദ്യം മുതല് അവസാനം വരെ വമ്പന് ട്വിസ്റ്റായിരുന്നു അതെന്നും എ.കെ ആന്റണി പറഞ്ഞു.