തിരുവനന്തപുരം: വിഴിഞ്ഞം ലൈറ്റ് ഹൗസ് ലോക ശ്രദ്ധയിലേക്ക്. അന്താരാഷ്ട്ര മറൈന് ട്രാക്കറായ മറൈന് ട്രാഫിക് പുറത്തിറക്കിയ ലോകത്തിലെ ഏറ്റവും മികച്ച ലൈറ്റ് ഹൗസ് ചിത്രങ്ങളുടെ പട്ടികയില് വിഴിഞ്ഞം ലൈറ്റ് ഹൗസ് ഇടം നേടി. ഓഗസ്റ്റ് മാസത്തില് പുറത്തിറക്കിയ അഞ്ച് മികച്ച ലൈറ്റ് ഹൗസുകളുടെ ലിസ്റ്റിലാണ് ഈ നേട്ടം.
കേരവൃക്ഷങ്ങളാല് അലങ്കരിക്കപ്പെട്ട ചുറ്റുപാടില് വിഴിഞ്ഞം ലൈറ്റ് ഹൗസിന്റെ മുകളില് നിന്നുള്ള കാഴ്ച അതിമനോഹരമാണെന്നും സ്തംഭത്തിലെ ചുവപ്പും വെള്ളയും നിറങ്ങള് ആകര്ഷണമാണെന്നും മറൈന് ട്രാഫിക് വിലയിരുത്തി. ഇന്ത്യയില് നിന്ന് ഈ മാസം ഉള്പ്പെടുന്ന ഏക ലൈറ്റ് ഹൗസും വിഴിഞ്ഞത്തേതാണ്.
Also Read: അഞ്ചുതെങ്ങിൽ വള്ളം മറിഞ്ഞ് അപകടം; മൂന്ന് മത്സ്യത്തൊഴിലാളികൾ മരിച്ചു
1972 ജൂണ് 30നാണ് ഇപ്പോള് വിഴിഞ്ഞത്തുള്ള ലൈറ്റ്ഹൗസ് സ്ഥാപിച്ചതും ലൈറ്റ് സര്വീസിംഗ് തുടങ്ങിയതും. 37 നോട്ടിക്കല് മൈല്ദൂരം ലൈറ്റ് ഹൗസില് നിന്നുള്ള പ്രകാശമെത്തും. 57 മീറ്റര് ഉയരമാണ് ലൈറ്റ് ഹൗസിനുള്ളത്. ചെന്നൈ ലൈറ്റ് ഹൗസ് ആന്ഡ് ഷിപ്പിംഗ് ഡിപ്പാര്ട്ട്മെന്റില് നിന്ന് അടുത്തിടെ വിഴിഞ്ഞം ലൈറ്റ് ഹൗസിന് 1.16 കോടി രൂപ അനുവദിച്ചിരുന്നു.
മ്യൂസിക്കല് വാട്ടര് ഫൗണ്ടന്, കാര് പാര്ക്കിംഗ് ഏരിയ, ചില്ഡ്രന്സ് പാര്ക്ക് തുടങ്ങിയ സൗകര്യങ്ങളും അടുത്തിടെ നിര്മിച്ചു. ഏത് പ്രായത്തിലുള്ള സഞ്ചാരികളെയും ആകര്ഷിക്കുന്നതിനായി 80 ലക്ഷം രൂപ ചെലവില് ഷിപ്പിംഗ് മന്ത്രാലയം ലിഫ്റ്റും സജ്ജമാക്കിയിട്ടുണ്ട്.
തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ