പെൺകുട്ടിയെ തട്ടിക്കൊണ്ട് പോയത് തന്ത്രപൂർവം; കൊല്ലത്ത് വെച്ച് പീഡിപ്പിച്ചു, യുവാവ് അറസ്റ്റിൽ

തിരുവനന്തപുരം: തിരുവനന്തപുരം സ്വദേശിനിയായ പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടു പോയി പീഡിപ്പിച്ച കേസിലെ പ്രതി അറസ്റ്റിൽ. മെഡിക്കൽ കോളേജ് പോലീസ് സ്റ്റേഷൻ പരിധിയിലുള്ള പെൺകുട്ടിയെയാണ് കൊല്ലം സ്വദേശി തന്ത്രപൂർവം തട്ടിക്കൊണ്ടുപോയത്. കൊല്ലം പെരുംപുറം കൊച്ചാമ്പോണത്ത് നൗഫൽ(20) ആണ് അറസ്റ്റിലായത്. പ്രായപൂർത്തിയാകാത്ത പെൺകുട്ടിയെയാണ് ഇയാൾ തന്ത്രപൂർവം കൊണ്ടുപോയത്.

Also Read: വിദ്വേഷ പ്രസംഗവുമായി സുരേഷ് ഗോപി... വീഡിയോ കാണാം... സമയം എക്‌സ്‌ക്ലൂസീവ്!!

പ്രതിയെ കുറിച്ച് സൂചന ലഭിച്ചതിനെ തുടർന്ന് പോലീസ് പ്രതിയുടെ സ്വദേശമായ വെളിയം കേന്ദ്രീകരിച്ച് നടത്തിയ അന്വേഷണത്തിനൊടുവിലാണ് പെൺകുട്ടിയെ കണ്ടെത്തിയത്. 15 വയസുകാരിയെ ബൈക്കിലാണ് പ്രതി തട്ടിക്കൊണ്ട് പോയത്. കൊല്ലത്ത് പെൺകുട്ടിയെ എത്തിച്ച് ഇയാൾ പീഡിപ്പിച്ചെന്നാണ് കേസ്. പ്രത്യേക അന്വേഷണസംഘമാണ് പ്രതിയെ പിടികൂടിയത്.