തൃശൂര്: ഓപ്പറേഷന് റേഞ്ചറിന്റെ ഭാഗമായി തൃശൂര് റേഞ്ചില് 135 പേരെ അറസ്റ്റുചെയ്തു. തൃശൂര് ജില്ലയില് മാത്രം 49 പേരെയാണ് അറസ്റ്റുചെയ്തത്. ചേലക്കര പോലീസ് രജിസ്റ്റര് ചെയ്ത വധശ്രമക്കേസില് ഒളിവിലായിരുന്ന ചേലക്കര സ്വദേശി സനൂഷ്, പോലീസിന്റെ കൃത്യ നിര്വഹണത്തിന് തടസം വരുത്തിയ കേസില് വടക്കാഞ്ചേരി പോലീസ് അറസ്റ്റുചെയ്ത അനില്കുമാര്
വീടു കയറി ആക്രമണം നടത്തിയ സംഭവത്തില് മണ്ണുത്തി പോലീസ് രജിസ്റ്റര് ചെയ്ത കേസിലെ പ്രതി ഹബീബ് എന്നിങ്ങനെ ഒളിവില് കഴിഞ്ഞിരുന്ന പ്രതികളേയും പിടികൂടി. തൃശൂര് റേഞ്ചിലെ വിവിധ ജില്ലകളില് നിന്നായി 28 പേരെ പുതിയതായി റൗഡി ലിസ്റ്റില് ഉള്പ്പെടുത്തി. 32 കുറ്റവാളികള്ക്കെതിരെ ഗുണ്ടാനിയമപ്രകാരം കേസെടുത്തു.
Also Read: പത്താം വയസ്സില് തുടങ്ങിയ കമ്പം; പക്ഷികളുടെ പിന്നാലെ പോവുന്ന പോലീസുകാരന്
ഓപ്പറേഷന് റേഞ്ചറിന്റെ ഭാഗമായി കുപ്രസിദ്ധ കുറ്റവാളികളെ ജില്ലകളില് പ്രവേശിക്കുന്നതിനുള്ള വിലക്ക് സഹിതമുള്ള നടപടികള് നടപ്പിലാക്കിയിട്ടുണ്ടെന്നും സമീപ ദിവസങ്ങളില് കൂടുതല് ക്രിമിനലുകള്ക്കെതിരെ നടപടി വ്യാപിപ്പിക്കുമെന്നും ഡിഐജി സുരേന്ദ്രന് അറിയിച്ചു.