തൃശൂർ(Thrissur):ഗുരുവായൂർ തമ്പുരാൻ പടിയിൽ വൻ സ്വർണ കവർച്ച. സ്വർണ മൊത്തവ്യാപാരിയുടെ വീട്ടിൽ നിന്ന് മൂന്ന് കിലോ സ്വർണവും രണ്ടു ലക്ഷം രൂപയും കവർന്നു. വിപണിയിൽ ഒന്നേ മുക്കാൽ കോടി വില വരുന്ന സ്വർണമാണ് നഷ്ടപ്പെട്ടത്. പോലീസ് അന്വേഷണം ഊർജ്ജിതമാക്കി.
ബാലനും ഭാര്യയും 5 വർഷമായി ഗുരുവായൂരിലാണ് താമസം. അതിന് മുൻപ് വർഷങ്ങളോളം അജ്മാനിൽ ബിസിനസ് നടത്തി വരികയായിരുന്നു. മക്കളിൽ ഒരാൾ വിദേശത്തും ഒരാൾ തൃശൂരിലുമാണ് താമസം. ബാലനും ഭാര്യക്കും പുറമെ ഡ്രൈവറും സഹായിയുമാണ് വീട്ടിൽ ഉള്ളത്. ഇവരുടെ മൊഴി പോലീസ് രേഖപ്പെടുത്തി. കഴിഞ്ഞ ദിവസങ്ങളിൽ വീട്ടിൽ പെയിന്റിംഗ് ഉൾപ്പെടെയുള്ള ജോലികൾക്ക് എത്തിയവരുടെയും മൊഴി എടുക്കും. വീട്ടിലെ സി സി ടി
വി ദൃശ്യത്തിൽ ഒരാളുടെ ദൃശ്യമേ പതിഞ്ഞുള്ളൂവെങ്കിലും മോഷണ സംഘത്തിൽ കൂടുതൽ പേർ ഉണ്ടാകാമെന്നാണ് പോലീസ് നിഗമനം. ഈ സാഹചര്യത്തിൽ സമീപത്തുള്ള സി സി ടി വി ദൃശ്യങ്ങളും പരിശോധിക്കും.
Topic: Thrissur Theft, 3 kg gold looted, guruvayoor robbery