കലാഭവൻ മണിയുടെ സഹോദരന്‍റെ ആത്മഹത്യാശ്രമം: കെപിഎസി ലളിതക്കെതിരെ ബിജെപി

തൃശൂര്‍: ആര്‍എല്‍വി രാമകൃഷ്ണന്‍ ആത്മഹത്യയ്ക്ക് ശ്രമിച്ചതിന് ഉത്തരവാദികള്‍ സംഗീത നാടക അക്കാദമി ചെയര്‍പേഴ്‌സണ്‍ കെപിഎസി ലളിതയും സെക്രട്ടറി രാധാകൃഷ്ണന്‍ നായരുമാണെന്ന് ബിജെപി ജില്ലാ പ്രസിഡന്‍റ് അഡ്വ. കെ.കെ. അനീഷ്‌കുമാര്‍. ജാതീയമായി പീഡിപ്പിച്ച് ആത്മഹത്യയിലേക്ക് രാമകൃഷ്ണനെ തള്ളിവിട്ടവര്‍ക്കെതിരേ കേസെടുക്കണം അനീഷ്‌കുമാര്‍ പറഞ്ഞു.

Also Read: ആത്മഹത്യ ശ്രമമോ? കലാഭവൻ മണിയുടെ സഹോദരൻ രാമകൃഷ്ണൻ വിഷാദത്തിലെന്ന് റിപ്പോർട്ടുകൾ

സംഗീത നാടക അക്കാദമിയുടെ പരിപാടിയില്‍ പങ്കെടുക്കാന്‍ അപേക്ഷ നല്‍കിയിട്ടും നല്‍കിയില്ലെന്ന് കളവായി രാമകൃഷ്ണനെതിരേ കെപിഎസി ലളിത പത്രവാര്‍ത്ത നല്‍കിയതാണ് രാമകൃഷ്ണനെ മാനസികമായി തകര്‍ത്തതെന്നും പെട്ടന്നുള്ള ആത്മഹത്യാ ശ്രമത്തിന് കാരണം ഇതാണെന്നും അഡ്വ. കെ.കെ. അനീഷ്‌കുമാര്‍ കൂട്ടിച്ചേർത്തു.

Also Read: തലകള്‍ 15; തൃശൂരിലെ പുതിയ താരം ഈ കൈതച്ചക്ക

ആര്‍.എല്‍.വി. രാമകൃഷ്ണന്‍ ആത്മഹത്യയ്ക്കു ശ്രമിച്ചതിനുത്തരവാദി സംസ്ഥാന സര്‍ക്കാര്‍ ആണെന്ന് ബി.ജെ.പി പട്ടിക ജാതി മോര്‍ച്ച സംസ്ഥാന പ്രസിഡന്‍റ് ഷാജുമോന്‍ വട്ടേക്കാട് ആരോപിച്ചു. കേരള സംഗീത നാടക അക്കാദമി ഭരണസമിതിക്കെതിരെ പട്ടികജാതി വര്‍ഗ അതിക്രമ നിരോധന നിയമ പ്രകാരം കേസെടുക്കണമെന്നും അദ്ദേഹം ആവശ്യപ്പെട്ടു.

തൃശ്ശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ