ബസ്സ് ഡ്രൈവര്‍ക്ക് നേരെ തോക്ക് ചൂണ്ടി കാര്‍ ഡ്രൈവര്‍ |Car Driver
Samayam Malayalam 14 Feb 2023, 6:51 pm
ബസ്സ് ഡ്രൈവര്‍ക്ക് നേരെ തോക്ക് ചൂണ്ടി കാര്‍ ഡ്രൈവര്‍. സൈഡ് നല്‍കാത്തതിനാണ് കാര്‍ ഡ്രൈവര്‍ തോക്ക് ചൂണ്ടിയത്. ഉച്ചക്ക് രണ്ടോടെ ഗുരുവായൂര്‍ പടിഞ്ഞാറെനടയിലാണ് സംഭവം. കോഴിക്കോട് ഗുരുവായൂര്‍ റൂട്ടില്‍ സര്‍വ്വീസ് നടത്തുന്ന മെഹഫില്‍ ബസ്സിലെ ഡ്രൈവര്‍ താജുദ്ധീന് നേരെയാണ് കാര്‍ ഡ്രൈവര്‍ നിസാമുദ്ദീന്‍ തോക്ക് ചൂണ്ടിയത്. തോക്ക് ചൂണ്ടിയപ്പോൾ ബസ്സ് ഡ്രൈവര്‍ കാര്‍ ഡ്രൈവറിന് നേരെ കുടിവെള്ള കുപ്പി എറിഞ്ഞു. പിന്നീട് ഇരുവരും തമ്മിൽ വാക്കേറ്റമായി. പിന്നാലെ കാറിലെത്തിയ നിസാമുദ്ധീനും സുഹൃത്ത് സൂരജും ചേര്‍ന്ന് ബസ്സിനെ പിന്തുടര്‍ന്ന് ചെന്ന് താജുദ്ധീനെ മര്‍ദ്ധിച്ചു. ബസ്സിലെ യാത്രക്കാരും ബസ്സ്ജീവനക്കാരും ചേര്‍ന്നാണ് ഇരുവരേയും പിടികൂടി പോലീസിന് കൈമാറിയത്. എയര്‍ഗണ്ണും കത്തിയും പോലീസ് കണ്ടെടുത്തു. പോലീസ് ഇവര്‍ സഞ്ചരിച്ചിരുന്ന കാറും കസ്റ്റഡിയിലെടുത്തു.