19തരം വിത്തുകള്‍, ആറടി വലുപ്പമുള്ള വട്ട മേശ... 3 മണിക്കൂറിന് ശേഷം മനോഹരമായ ഗാന്ധി ചിത്രം, വീണ്ടും അത്ഭുതം സൃഷ്ടിച്ച് ഡാവിഞ്ചി സുരേഷ്

തൃശൂര്‍: കാര്‍ഷിക വിത്തുകള്‍ കൊണ്ട് ഗാന്ധിജിയുടെ ചിത്രമൊരുക്കി ഡാവിഞ്ചി സുരേഷ്. പത്തൊന്‍പത് തരം കാര്‍ഷിക വിത്തുകള്‍ ഉപയോഗിച്ച് മഹാത്മാ ഗാന്ധിയുടെ ചിത്രം ആറടി വലുപ്പമുള്ള വട്ട മേശയ്ക്ക് മുകളില്‍ മൂന്നു മണിക്കൂര്‍ കൊണ്ടാണ് ഡാവിഞ്ചി സുരേഷ് നിര്‍മിച്ചത്. കൂട്ട് എന്ന പേരില്‍ എറിയാട് കെവിഎച്ച്എസ്എസ്ലെ പൂര്‍വ്വ വിദ്യാര്‍ഥികളുടെ വാട്‌സാപ്പു കൂട്ടായ്മയുടെ കര്‍ഷക സുഹൃത്തുക്കള്‍ക്ക് കൂട്ടിന്റെ പേരില്‍ ഗാന്ധി ജയന്തി ദിവസം വിതരണം ചെയ്യാനായി വാങ്ങിയ വിത്താണ് ചിത്രമായത്.

Also Read: കൊവിഡ് ഭീഷണി തുടരുന്നു... ഓര്‍മ്മയായി ഉത്സവങ്ങളും ആഘോഷങ്ങളും, ഒത്തുച്ചേരലിന്‍റെ കരുത്തും ആവേശത്തിന്‍റെ നിറപ്പകിട്ടും എല്ലാം മങ്ങി

മണ്ണുത്തിയിലെ കേരള കാര്‍ഷിക സര്‍വ്വകലാശാലയുടെ കീഴിലുള്ള കാര്‍ഷിക ഗവേഷണ കേന്ദ്രത്തില്‍ നിന്നും കാര്‍ഷിക സാങ്കേതിക വിജ്ഞാന കേന്ദ്രത്തില്‍ നിന്നുമായാണ് ഇവ വാങ്ങിയത്.
വിവിധ മാധ്യമങ്ങള്‍ ഉപയോഗിച്ച് ചെയ്തു കൊണ്ടിരിക്കുന്ന നൂറിലേയ്ക്കുള്ള യാത്രയിലെ അറുപത്തിയാറാമത്തെ ചിത്രമാണ്.

Also Read: തൊണ്ണൂറ് കഴിഞ്ഞിട്ടും മണ്ണിനെ പ്രണയിക്കുന്ന ദമ്പതികള്‍; മാത്യുവിനും മേരിക്കും വയസ്സ് ഒരക്കം മാത്രം, കൃഷിയിടം സമ്മാനിക്കുന്നത് യൗവനം

സുരേഷിന്‍റെ വീട്ടില്‍ വെച്ചാണ് ചിത്രം ചെയ്തത്. ചെറുപയര്‍ , മല്ലി , കടുക് , മുളക് , പയര്‍ , ചോളം, മത്തങ്ങ, പടവലങ്ങ, ഉഴുന്ന്, വെള്ളരി, വാളരി പയര്‍, ഉലുവ, വഴുതനങ്ങ, ചീര, ജാക്ബീന്‍, കുംബളം, വെണ്ടക്ക, പാവക്ക , ചുരക്ക എന്നീ വിത്തുകള്‍ ആണ് ചിത്രം ചെയ്യാനായി ഉപയോഗിച്ചത്.

തൃശ്ശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

തൃശ്ശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ