ആധാർ ഉണ്ടോ? ഇനി കണ്ണനെ കണികാണാന്‍ അത് മതി!, ഗുരുവായൂരിൽ ദർശനത്തിന് കൂടുതൽ ഇളവുകൾ

തൃശൂര്‍: ഗുരുവായൂര്‍ ക്ഷേത്രത്തില്‍ ഓണ്‍ലൈനില്‍ ബുക്ക് ചെയ്യാത്തവര്‍ക്കും ആധാര്‍ കാര്‍ഡുമായി എത്തിയാല്‍ ദര്‍ശനം നടത്താന്‍ അനുമതി. വ്യാഴാഴ്ച നടന്ന ദേവസ്വം ഭരണസമിതി യോഗമാണ് ദര്‍ശനത്തിന് കൂടുതല്‍ ഇളവുകള്‍ നല്‍കാന്‍ തീരുമാനിച്ചത്. ഓണ്‍ലൈന്‍ വഴി ബുക്ക് ചെയ്ത ഭക്തര്‍ ഇല്ലാത്ത സമയത്താണ് ബുക്ക് ചെയ്യാതെ വരുന്നവര്‍ക്ക് ദര്‍ശനാനുമതി.

Also Read: രണ്ട് മക്കളുമായി സ്വന്തം വീട്ടിലെത്തി, വാടക വീട്ടില്‍ ഭാര്യ മരിച്ച നിലയില്‍, ഭര്‍ത്താവ് അറസ്റ്റില്‍

നാലമ്പലത്തിനകത്തേക്ക് ആര്‍ക്കും പ്രവേശനമുണ്ടാകില്ല. കിഴക്കേ ഗോപരം വഴി അകത്ത് കടന്ന് വലിയ ബലിക്കല്ലിന് സമീപം നിന്ന് ദര്‍ശനം നടത്താം. ഓണ്‍ലൈന്‍ വഴി ബുക്കിങ് ചെയ്ത ഭക്തര്‍ ഇല്ലാത്ത സമയങ്ങളില്‍ പ്രദേശവാസികള്‍, ദേവസ്വം ജീവനക്കാര്‍, പാരമ്പര്യ പ്രവൃത്തിക്കാര്‍, മാധ്യമ പ്രവര്‍ത്തകര്‍ എന്നിവര്‍ ആധാര്‍ കാര്‍ഡുമായി എത്തിയാല്‍ പുലര്‍ച്ചെ 4.30 മുതല്‍ 8.30 വരെയുള്ള സമയങ്ങളില്‍ ദര്‍ശനം നടത്താനാകും.

Also Read: തൃശൂര്‍ ഗവ. മെഡിക്കല്‍ കോളേജ്‌ നെഞ്ചുരോഗ വിഭാഗത്തെയും കൊവിഡ് ആശുപത്രിയാക്കാന്‍ നീക്കം

ക്ഷേത്രത്തില്‍ മുടങ്ങിക്കിടക്കുന്ന ഉദയാസ്തമന പൂജ, ചുറ്റുവിളക്ക് എന്നിവ മൂന്നു പേരെങ്കിലും ഉണ്ടാകുന്ന പക്ഷം നവംബര്‍ 28 മുതല്‍ പുനരാരംഭിക്കാനും ഭരണസമിതി തീരുമാനിച്ചു. ദേവസ്വം മീറ്റിങ് ഹാളുകള്‍, മേല്‍പ്പത്തൂര്‍ ഓഡിറ്റോറിയം എന്നിവയുടെ ബുക്കിങ് ഉടന്‍ ആരംഭിക്കും. 13 കീഴ്ശാന്തി കുടുംബങ്ങള്‍ക്ക് നിലവിലെ പ്രതിമാസ ശമ്പളം 7500 രൂപയില്‍നിന്ന് 15,000 രൂപയായും ശാന്തിയേറ്റ നമ്പൂതിരിമാരുടെ പ്രതിമാസ ശമ്പളം 10,000 രൂപയില്‍നിന്ന് 15, 000 രൂപയാക്കി ഉയര്‍ത്തും. അടുത്ത മാസം മുതലാണ് ഇത് പ്രാബല്യത്തില്‍ വരുക. ഈ വര്‍ഷത്തെ ചെമ്പൈ സംഗീതോത്സവം ചടങ്ങ് മാത്രമായാണ് നടക്കുക. ചെമ്പൈ പുരസ്‌കാര ജേതാവിന്റെ സംഗീത കച്ചേരി ഏകാദശി ദിവസം നടക്കും.

തൃശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ