തൃശൂരില്‍ പത്ത് വയസ്സുകാരിയെ പീഡിപ്പിച്ച കേസിൽ മുന്‍ ഡിവൈഎഫ്ഐ നേതാവ് അറസ്റ്റില്‍

തൃശൂർ : പത്തുവയസുകാരിയെ പീഡിപ്പിച്ച കേസിൽ മുൻ ഡിവൈഎഫ്ഐ നേതാവിനെ വാടാനപ്പള്ളി പൊലീസ് അറസ്റ്റ് ചെയ്തു.ഏങ്ങണ്ടിയൂർ കുറുമ്പുർ വീട്ടിൽ ശരത്ത്(24) ആണ് അറസ്റ്റിലായത്.വാടാനപ്പള്ളി എസ്.എച്ച്.ഒ പി.ആർ.ബിജോയ്‌ യുടെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്.കഴിഞ്ഞ നവംബറിൽ നടന്ന കേസിൽ ഇയാൾ ഒളിവിലായിരുന്നുവെന്ന് പോലീസ് പറഞ്ഞു.

Also Read: കണ്ണൂരിൽ നിരീക്ഷണത്തിൽ കഴിയുന്നവർക്ക് കൊവിഡ് സേഫ്റ്റി ആപ്പ്; റേഷന്‍ കടകളിലേക്കും പോകരുത്, ജില്ലയില്‍ കര്‍ശന നിയന്ത്രണം തുടരുന്നു

ഡിവൈഎഫ്ഐ മേഖലാ കമ്മിറ്റി അംഗമായിരുന്ന പ്രതിയെ അറസ്റ്റ് ചെയ്യുന്നില്ലെന്ന് നേരത്തെ ആരോപണം ഉയർന്നിരുന്നു. ഇന്നലെ പുലർച്ചെയോടെയാണ് പ്രതിയെ പോലീസ് അറസ്റ്റ് ചെയ്തത്.പോക്സോ വകുപ്പുകൾ ഉൾപ്പെടുത്തിയാണ് അറസ്റ്റ്.എസ്.ഐ ട്രെയ്നി കൃഷ്ണ പ്രസാദ്,എ.എസ്.ഐമാരായ ടി.ആർ.ഷൈൻ,അജയ്,സി.പി.ഒ മാരായ നവാസ്,അലി എന്നിവരും അന്വേഷണസംഘത്തിൽ ഉണ്ടായിരുന്നു.പ്രതിയെ കൊടുങ്ങല്ലൂർ കോടതിയിൽ ഹാജരാക്കി.