കുതിരാനില്‍ മണിക്കൂറുകള്‍ നീണ്ട ഗതാഗതക്കുരുക്ക്

തൃശൂര്‍: ഒരിടവേളയ്ക്ക് ശേഷം വീണ്ടും ദേശീയപാത കുതിരാനില്‍ മണിക്കൂറുകള്‍ നീണ്ട ഗതാഗതക്കുരുക്ക്. ബുധനാഴ്ച രാത്രി 10 ഓടുകൂടി ആരംഭിച്ച ഗതാഗതക്കുരുക്ക് വ്യാഴാഴ്ച വൈകിട്ടും തുടരുകയാണ്. വഴക്കുംപാറ മുതല്‍ വാണിയംപാറ വരെ ഏഴ് കിലോമീറ്റര്‍ ദൂരം വരെയാണ് കുരുക്ക് രൂപപ്പെട്ടത്.

Also Read: കഞ്ചാവ് കേസ് പ്രതിയുടെ വധം; പ്രതികള്‍ പൊന്നാനിയില്‍ പിടിയില്‍

കുതിരാന്‍ കിഴക്കു ഭാഗമായ വില്ലന്‍ വളവ് പ്രദേശത്തെ റോഡ് പൂര്‍ണമായും തകര്‍ന്നതാണ് ഇപ്പോഴത്തെ ഗതാഗതക്കുരുക്കിന് കാരണം. കൂടാതെ വഴക്കുംപാറ മുതല്‍ ഇരുമ്പുപാലംവരെ ചെറുതും വലുതുമായ കുഴികളും രൂപപ്പെട്ടിട്ടുണ്ട്. ഒരുമാസത്തോളമായി നേരിയതോതില്‍ ഗതാഗതക്കുരുക്ക് ഉണ്ടായിട്ടുണ്ടെങ്കിലും കനത്ത മഴ ചെയ്ത് റോഡ് തകര്‍ന്ന സാഹചര്യത്തിലാണ് മണിക്കൂറുകള്‍ നീണ്ട ഗതാഗതക്കുരുക്ക് ഉണ്ടായത്.

Also Read: ഉരുളന്‍കല്ലുകളും കുഴികളും; അപകടം പതിയിരിക്കുന്ന തൃശൂരിലെ റോഡുകൾ! ഈ അവസ്ഥ ദയനീയം

ഒരു വര്‍ഷത്തിലധികമായി ദേശീയപാതയിലെ നിര്‍മാണ പ്രവര്‍ത്തനങ്ങള്‍ പൂര്‍ണമായും നിലച്ചിരിക്കുകയാണ്. അറ്റകുറ്റപ്പണികള്‍ക്കായി മൂന്നുകോടി രൂപ കമ്പനിക്ക് ദേശീയപാത അതോറിറ്റി നല്‍കുമെന്നു പറഞ്ഞിരുന്നെങ്കിലും അതില്‍ നടപടികള്‍ ഒന്നും ആയിട്ടില്ല.

തൃശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

തൃശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ