തൃശൂരിലെ പഞ്ചര്‍ ഒട്ടിക്കുന്ന കടയില്‍ കയറി ഉടമയെ വെടിവെച്ച കേസ്; പ്രതികള്‍ റിമാന്‍ഡില്‍, തോക്കുവിറ്റ സ്ഥാപനം അടച്ചിട്ടു

തൃശൂര്‍: കൂര്‍ക്കഞ്ചേരിയില്‍ ടയറിന്‍റെ പഞ്ചര്‍ ഒട്ടിക്കുന്ന കടയില്‍ കയറി ഉടമയെ വെടിവെച്ച ഗുണ്ടാസംഘാംഗങ്ങളെ അടുത്ത മാസം 11 വരെ റിമാന്‍ഡ് ചെയ്തു. കണ്ണംകുളങ്ങര സ്വദേശി വേലംപറമ്പില്‍ ഷെഫീക് (30), വലിയാലുക്കല്‍ മേനോത്ത് പറമ്പില്‍ സാജല്‍ (26), ചിയ്യാരം ആക്കാട് ഡിറ്റ്ബാബു (26) എന്നിവരാണു പിടിയിലായത്. ഇവര്‍ ലഹരിവസ്തുക്കള്‍ സ്ഥിരമായി ഉപയോഗിക്കുന്ന ശീലമുള്ളവരാണെന്ന് ടൗണ്‍ ഈസ്റ്റ് സിഐ പി ലാല്‍കുമാര്‍ പറഞ്ഞു.

Also Read: കാസര്‍കോട് കൊവിഡ് മരണസംഖ്യ ഉയരുന്നു... തിങ്കളാഴ്ച മാത്രം കൊവിഡ് മരണം സ്ഥിരീകരിച്ചത് 7 പേര്‍ക്ക്, ഗര്‍ഭിണികളിലും കുട്ടികളിലും രോഗം വര്‍ധിക്കുന്നു!

എയര്‍ഗണ്‍ ഉപയോഗിച്ചാണു വെടിയുതിര്‍ത്തത്. തോക്കു വാങ്ങിയ എരിഞ്ഞേരി അങ്ങാടിയിലെ സ്ഥാപനം തല്‍ക്കാലം അടപ്പിച്ചു. അതേസമയം സ്ഥാപനത്തിനു ലൈസന്‍സ് ഉണ്ടെന്ന് പോലീസ് അറിയിച്ചു. നിയമാനുസൃത ഇടപാടാണു നടത്തിയതെന്നാണ് നിഗമനം. വിശദമായ പരിശോധന നടത്തിയശേഷമേ കട തുറക്കാന്‍ അനുമതി നല്‍കുകയുള്ളൂ.

Also Read: തിരുവനന്തപുരം വിമാനത്താവളം സര്‍ക്കാരിന് 'കിട്ടാത്ത മുന്തിരിയോ'? കോടതിയില്‍ നിന്ന് സര്‍ക്കാരിനേറ്റത് കനത്ത തിരിച്ചടി, വിമാനത്താവളം വീണ്ടും വിവാദങ്ങളിലേക്ക്...

മുഖ്യപ്രതി പുതിയ തോക്കു വാങ്ങിയത് അടുത്തിടെയാണ്. നിറയൊഴിക്കുന്നതിനിടെ ഒഴിഞ്ഞുമാറിയതിനാലാണു കടയുടമ മണികണ്ഠന്‍ രക്ഷപ്പെട്ടത്. ഇവര്‍ക്ക് കഞ്ചാവു സംഘങ്ങളുമായി ബന്ധമുണ്ടോ എന്നതും അന്വേഷിക്കും. ഒന്നാം പ്രതി ഷെഫീഖ് മറ്റു ക്രിമിനല്‍ കേസുകളിലും പ്രതിയാണ്.

Also Read: സജനയുടെ ആത്മഹത്യാ ശ്രമത്തിന് പിന്നില്‍ പ്രമുഖ മേക്കപ്പ് ആര്‍ട്ടിസ്റ്റ്? നിയമ നടപടി സ്വീകരിക്കുമെന്ന് സുഹൃത്തുക്കള്‍

കൂര്‍ക്കഞ്ചേരി കിണര്‍ സ്റ്റോപ്പില്‍ ടയര്‍ പഞ്ചര്‍ ഒട്ടിക്കുന്ന സ്ഥാപനം നടത്തുന്ന പാലക്കാട് കിഴക്കഞ്ചേരി പാതയില്‍ വീട്ടില്‍ സേതുമാധവന്‍റെ മകന്‍ മണികണ്ഠനെ(28)യാണ് ഞായര്‍ രാത്രി എട്ടുമണിയോടെ അക്രമിച്ചത്. പ്രതികളെ മണിക്കൂറുകള്‍ക്കകം പിടികൂടാനായി.


തൃശ്ശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
തൃശ്ശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ