വീടിനുള്ളില്‍ ഉറങ്ങിയിരുന്ന അമ്മയുടെയും കുഞ്ഞിന്‍റെയും ആഭരണങ്ങള്‍ മോഷ്ടിച്ചു, 6 വര്‍ഷങ്ങള്‍ക്ക് ശേഷം പ്രതി പിടിയില്‍
2014 ല്‍ ചാലൊളിപറമ്പില്‍ വേളത്ത് വീട്ടില്‍ സുനില്‍കുമാറിന്റെ വീട്ടില്‍നിന്ന് ജനലിലൂടെ സുനില്‍കുമാറിന്റെ അന്ന് 10 മാസം പ്രായമായ കുഞ്ഞിന്‍റെ ദേഹത്തേയും ഭാര്യയുടെ പാദസരങ്ങളുമുള്‍പ്പെടെ ഏഴേക്കാല്‍ പവന്‍ ആഭരണങ്ങളാണ് മോഷ്ടിച്ചത്.
| Edited by Samayam Desk | Lipi30 Nov 2020, 1:43 am
തൃശൂര്‍: 2014ല്‍ വീടിനുള്ളില്‍ ഉറങ്ങിയിരുന്ന അമ്മയുടേയും കുഞ്ഞിന്‍റെയും സ്വര്‍ണാഭരണങ്ങള്‍ മോഷ്ടിച്ച പ്രതിയെ ആറ് വര്‍ഷങ്ങള്‍ക്ക് ശേഷം അറസ്റ്റ് ചെയ്തു. പാവറട്ടി വെന്മേനാട് കൈതമുക്ക് അമ്പലത്ത് വീട്ടില്‍ നസീറിനെ (47) യാണ് പാവറട്ടി പോലീസ് പിടികൂടിയത്. വിവിധ മോഷണ സ്ഥലങ്ങളില്‍നിന്ന് ലഭിച്ച വിരലടയാളം പരിശോധിച്ചാണ് പ്രതിയെ പിടികൂടിയത്. 2014 ല്‍ ചാലൊളിപറമ്പില്‍ വേളത്ത് വീട്ടില്‍ സുനില്‍കുമാറിന്റെ വീട്ടില്‍നിന്ന് ജനലിലൂടെ സുനില്‍കുമാറിന്റെ അന്ന് 10 മാസം പ്രായമായ കുഞ്ഞിന്‍റെ ദേഹത്തേയും ഭാര്യയുടെ പാദസരങ്ങളുമുള്‍പ്പെടെ ഏഴേക്കാല്‍ പവന്‍ ആഭരണങ്ങളാണ് മോഷ്ടിച്ചത്.
ഇവിടെനിന്ന് ലഭിച്ച വിരലടയാളവും ഈ വര്‍ഷം വെന്മേനാട് ആസാദ് റോഡില്‍നിന്ന് മോഷ്ടിച്ച് പുത്തൂര്‍ സ്റ്റോഴ്‌സിന് സമീപം ഉപേക്ഷിച്ച നിലയില്‍ കണ്ടെത്തിയ സ്‌കൂട്ടറില്‍നിന്നും ഹെല്‍മെറ്റില്‍നിന്നും പീച്ചിയില്‍ നടന്ന മോഷണം നടന്നിടത്ത് നിന്ന് ലഭിച്ചതും വിരലടയാള വിദഗ്ധന്‍ ദിനേഷ് കുമാറിന്റെ നേതൃത്വത്തില്‍ ശാസ്ത്രീയ പരിശോധന നടത്തി തെളിവ് ശേഖരിച്ച് പ്രതിയെ തിരിച്ചറിഞ്ഞതിനെ തുടര്‍ന്നാണ് അറസ്റ്റ്.
വടക്കാഞ്ചേരി മംഗലം ഡാം പുത്തന്‍ചിറയില്‍ താമസിച്ച് വരുകയായിരുന്നു നസീര്‍. മംഗലം ഡാം പരിസരത്ത് പ്രതി ഉണ്ടെന്നറിഞ്ഞ് പാവറട്ടി സി.ഐ. എം.കെ. രമേഷിന്റെ നിര്‍ദേശപ്രകാരം എസ്.ഐ. ആര്‍.പി. സുജിത്ത്, എ.എസ്.ഐമാരായ ജെയ്‌സണ്‍ കെ. പൗലോസ്, സുനില്‍കുമാര്‍, പി.എം. നിഷാദ്, എന്‍.കെ. ഷിജു എന്നിവരുടെ നേതൃത്വത്തിലാണ് പ്രതിയെ അറസ്റ്റു ചെയ്തത്. മയക്കുമരുന്നുള്‍പ്പെടെയുള്ള കേസുകളില്‍ പ്രതിയാണ് നസീര്‍.
തൃശ്ശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ തൃശ്ശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
