ഒമ്പത് വയസുകാരനെ ലൈംഗിക പീഡനത്തിനിരയാക്കി; 39 കാരന് 11 വർഷം തടവും പിഴയും

തൃശൂര്‍: ഒമ്പത് വയസുകാരനെ ലൈംഗിക പീഡനത്തിനിരയാക്കിയ 39 കാരന് 11 വർഷം തടവും ഇരുപതിനായിരം രൂപ പിഴയും ശിക്ഷ. എറണാകുളം വടക്കേക്കര ആലുംതുരുത്ത് സ്വദേശി പുതുമന വീട്ടിൽ ഷൈൻഷാദിനെയാണ് കോടതി ശിക്ഷിച്ചത്. ഇരിങ്ങാലക്കുട ഫാസ്ട്രാക്ക് സ്പെഷ്യൽ പോക്സോ കോടതിയുടേതാണ് ശിക്ഷാവിധി.Also Read: പോലീസ് പറഞ്ഞപ്പോൾ ഒപ്പിട്ടെന്ന് മാത്രം, തെളിവെടുപ്പ് കണ്ടിട്ടില്ല; കൂടത്തായ് കേസിൽ സാക്ഷി കൂറുമാറി

2020 ലായിരുന്നു കേസിനാസ്പദമായ സംഭവം. മാള പോലീസ് ആണ് കേസ് രജിസ്റ്റർ ചെയ്ത് അന്വേഷണം നടത്തി കുറ്റംപത്രം സമര്‍പ്പിച്ചത്. 11 വർഷം തടവും ഇരുപതിനായിരം രൂപ പിഴയും അടക്കാനുമാണ് ശിക്ഷ വിധിച്ചത്. ഇരിങ്ങാലക്കുട ഫാസ്ട്രാക്ക് സ്പെഷ്യൽ പോക്സോ കോടതി ജഡ്ജ് കെ.പി. പ്രദീപിന്‍റേതാണ് ശിക്ഷാ വിധി.

തൃശൂ‍ര്‍ ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം

പിഴത്തുക അടക്കാത്ത പക്ഷം നാലു മാസം കൂടി അധിക ശിക്ഷ അനുഭവിക്കണം. കേസിൽ പ്രോസിക്യൂഷനു വേണ്ടി സ്പെഷ്യൽ പബ്ലിക് പ്രോസിക്യൂട്ടർ കെ.എൻ. സിനിമോൾ ആണ് ഹാജരായത്.
മാള പോലീസ് സ്റ്റേഷൻ എസ്ഐമാരായിരുന്ന എ.വി.ലാലു, ഐ.സി. ചിത്തരഞ്ജൻ എന്നിവരാണ് കേസ് അന്വേഷിച്ച് കുറ്റപത്രം സമർപ്പിച്ചത്. ആളൂർ പോലീസ് സ്റ്റേഷനിലെ സീനിയർ സിവിൽ പോലീസ് ഓഫീസർ രജനി. ടി.ആർ.ആണ് കേസ് നടത്തിപ്പിൽ പ്രോസിക്യൂഷനെ സഹായിച്ചത്. പിഴ തുക അതിജീവിതന് നൽകാനും വിധിന്യായത്തിലുണ്ട്.

Also Read: അർബുദവും സാമ്പത്തിക പരാധീനതകളും; മുഖ്യമന്ത്രിയ്ക്കൊപ്പം പുതിയ വീട്ടിലേക്ക് കാലെടുത്ത് വെച്ചതിന്‍റെ സന്തോഷത്തിലാണ് സലീലന്‍

Read Latest Local News and Malayalam News