വീട്ടില്‍ ടിവി കണ്ടുകൊണ്ടിരിക്കുമ്പോള്‍ കഴുത്തില്‍ കത്തിവെച്ച് കവര്‍ച്ച; വയോധികയുടെ സ്വര്‍ണാഭരണം കവര്‍ന്നു

പട്ടിക്കാട്: ചാണോത്ത് പട്ടാപ്പകൽ വയോധികയെ ആക്രമിച്ച് സ്വർണാഭരണം കവർന്നു. വീട്ടിൽ ടിവി കണ്ടുകൊണ്ടിരിക്കുമ്പോൾ കഴുത്തിൽ കത്തിവെച്ച് ഭീഷണിപ്പെടുത്തി ആഭരണം തട്ടിയെടുക്കുകയായിരുന്നു. പട്ടിക്കാട് സ്വദേശിനി ലീല (82) യുടെ ആഭരണമാണ് കവർന്നത്. പ്രതിയെന്ന് സംശയിക്കുന്നയാളെ പീച്ചി പോലീസ് കസ്റ്റഡിയിലെടുത്തു.

Also Read: ഐഫോൺ വാങ്ങാം തവണകളായി അടയ്ക്കാം; പേ ലേറ്റർ സേവനവുമായി ആപ്പിൾ

ചാണോത്ത് കനാൽ പുറം ഒഷോ മിൽക്കിന് സമീപം താമസിക്കുന്ന വാഴപ്പിള്ളി കരുണാകരൻ ഭാര്യ ലീലയുടെ രണ്ടു പവൻ മാലയും താലിയും അടങ്ങുന്നതാണ് മോഷ്ടാവ് കവർന്നെടുത്തത്. സംഭവസമയത്ത് വീട്ടിൽ ഒറ്റയ്ക്കായിരുന്നു ലീല. വീടിനകത്ത് ടിവി കണ്ടിരിക്കുകയായിരുന്ന ലീലയുടെ വീടിന്‍റെ തുറന്നു കിടന്നിരുന്ന മുൻ വാതിലിലൂടെ അകത്തു കടന്ന മോഷ്ടാവ് ലീലയുടെ പുറകിലെത്തി കഴുത്തിൽ കത്തി വെച്ച് മാല വലിച്ചു പൊട്ടിച്ചു കടന്നുകളയുകയായിരുന്നു.

തൃശൂ‍ര്‍ ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം

തുടർന്ന്, ലീലയെ കട്ടിലിലേക്ക് തള്ളിയിട്ടു മുൻ വാതിൽ വഴി തന്നെ മോഷ്ടാവ് പുറത്തു കടന്നു. മോഷ്ടാവ് തൊട്ടടുത്ത പറമ്പിലൂടെ ഓടുന്നത് കണ്ടതായി ലീല പറഞ്ഞു.

Also Read: 'ഇംഗിതത്തിന് വഴങ്ങിയില്ലെങ്കിൽ ദൈവ കോപം ഉണ്ടാകും', നിരവധി വിദ്യാർത്ഥികളെ പീഡിപ്പിച്ച മദ്രസ അധ്യാപകന് 53 വർഷം തടവ്

Read Latest Local News and Malayalam News