അരിക്കൊമ്പനെതിരെ പറമ്പിക്കുളത്ത് പ്രതിഷേധം; ട്രയൽറണ്‍ നാട്ടുകാര്‍ തടഞ്ഞു, എതിർപ്പുമായി ജനങ്ങൾ

തൃശൂർ: ഇടുക്കിയിൽ ജനജീവിതത്തിന് ഭീഷണിയായ ആനയായ അരിക്കൊമ്പനെ വാഴച്ചാൽ വനമേഖലയിലെ കാനനപാതയിലൂടെ പറമ്പിക്കുളം വനമേഖലയിലെ മുതിരച്ചാലിൽ എത്തിക്കാനുള്ള വനംവകുപ്പിന്റെ ട്രയല്‍ റണ്‍ നാട്ടുകാര്‍ തടഞ്ഞു. വാഴച്ചാലില്‍ ലോറി തടഞ്ഞാണ് നാട്ടുകാര്‍ പ്രതിഷേധിച്ചത്. ആദിവാസികളും ജനപ്രതിനിധികളും അടക്കം റോഡില്‍ കുത്തിയിരുന്ന് പ്രതിഷേധിച്ചു. ട്രാന്‍സ്‌ഫോര്‍മറില്‍ കയറി വൈദ്യുതിലൈനില്‍ തൊട്ട് ഷോക്കേറ്റ് തെറിച്ചു വീണു; കസ്റ്റഡിയില്‍ നിന്ന് ചാടി യുവാവിന്‍റെ ആത്മഹത്യാ ശ്രമം
വാഴച്ചാലിൽനിന്ന് കാരാംതോട് വഴി പോകുന്ന പാതയിലൂടെയാണ് ആനയെ പറമ്പിക്കുളത്തെത്തിക്കാൻ ലക്ഷ്യമിടുന്നത്. പറമ്പിക്കുളം മേഖലയിലെ വലിയ പ്രതിഷേധത്തെത്തുടർന്നാണ് വനംവകുപ്പ് വാഴച്ചാൽ വഴി ആനയെ എത്തിക്കാൻ ശ്രമിക്കുന്നത്. ഇതിന്റെ ഭാഗമായാണ് വനംവകുപ്പ് രാവിലെ ഏഴുമണിയോടെ ട്രയല്‍ റണ്‍ നടത്തിയത്. വാഴച്ചാല്‍ ചെക്‌പോസ്റ്റ് കഴിഞ്ഞ് മുന്നോട്ടു പോയപ്പോഴാണ് നാട്ടുകാര്‍ സംഘടിച്ചെത്തി ട്രയല്‍ റണ്‍ തടഞ്ഞത്.


കാടിനകത്തെ റോഡ് സഞ്ചാര യോഗ്യമാക്കാൻ മണ്ണു മാന്തിയന്ത്രവും വാഹനങ്ങളും ഞായറാഴ്‌ച രാവിലെ വാഴച്ചാലിൽ എത്തിച്ചെങ്കിലും വനംവകുപ്പ് ചെക്‌പോസ്റ്റിൽ ആദിവാസികളും നാട്ടുകാരും വാഹനങ്ങൾ തടഞ്ഞിരുന്നു. ആനമല റോഡ് ഉപരോധിച്ച നാട്ടുകാർ വിനോദസഞ്ചാരികളുടെ വാഹനവും കടത്തിവിട്ടില്ല.

'ചർച്ച് ബില്ലിൽ മന്ത്രി വീണാ ജോ‍ർജ് മൗനം വെടിയണം'; പിന്മാറാതെ ഒസിവൈഎം പ്രവർത്തകർ; പരസ്യമായി പോസ്റ്റർ പതിച്ചു
പിന്നീട് സമരക്കാരും പോലീസും വനപാലകരും നടത്തിയ ചർച്ചയിൽ റോഡ് നന്നാക്കാനെത്തിച്ച വാഹനങ്ങൾ തിരിച്ചയയ്ക്കാൻ തീരുമാനിച്ചതോടെയാണ് ഉപരോധം താത്ക്കാലികമായി അവസാനിപ്പിച്ചത്. അതേസമയം, അരിക്കൊമ്പനെ പറമ്പിക്കുളം കടുവ സങ്കേതത്തിൽ കൊണ്ടുവിടാനുള്ള നീക്കത്തിനെതിരെ സർവകക്ഷി കൂട്ടായ്മയുടെ നേതൃത്തത്തിൽ പ്രദേശവാസികളിൽ നിന്ന് ശക്തമായ എതിർപ്പാണ് ഉണ്ടാകുന്നത്.

Read Latest Local News and Malayalam News