നെല്‍വിത്ത് സംഭരണം വൈകുന്നു; തൃശൂരിൽ പാലക്കാടൻ കർഷകരുടെ പ്രതിഷേധം

തൃശൂര്‍: നെല്‍വിത്ത് സംഭരണം അനിശ്ചിതമായി വൈകുന്നതില്‍ തൃശൂരിലെ സംസ്ഥാന വിത്ത് വികസന അതോറിറ്റി ഓഫീസിനു മുന്നില്‍ പാലക്കാടന്‍ കര്‍ഷകരുടെ പ്രതിഷേധം. മാര്‍ച്ച് എപ്രില്‍ മാസങ്ങളിലാണ് സാധാരണ ഗതിയില്‍ സംഭരണം നടക്കേണ്ടതെങ്കിലും നാളിതുവരെ സംഭരണം തുടങ്ങിയിട്ടില്ല. 480 ടണ്‍ നെല്‍വിത്താണ് പാലക്കാട് ജില്ലയില്‍ സംഭരിക്കാനുള്ളത്.

കൃഷിമന്ത്രി വിഷയത്തിലിടപ്പെടണമെന്നും നെല്ല് എടുക്കാനുള്ള അനാവശ്യ കാലതാമസം ഒഴിവാക്കണമെന്നും ആവശ്യപ്പെട്ട് നൊച്ചുളളി പാടശേഖര സമിതി വൈസ് പ്രസിഡന്റ് നൊച്ചുളളി കെ കെ രാജന്‍ മുഖ്യമന്ത്രിക്കും കൃഷി മന്ത്രിക്കും പരാതി നൽകിയെങ്കിലും നാളിതുവരെ നടപടിയാവാത്ത സാഹചര്യത്തിലാണ് കര്‍ഷകര്‍ പ്രതിഷേധവുമായെത്തിയത്. വിഷയം അനുഭാവപൂര്‍വ്വം പരിഗണിക്കാമെന്ന് കൃഷിമന്ത്രി വി എസ് സുനില്‍ കുമാര്‍ ഉറപ്പ് നല്കിയതിനെ തുടര്‍ന്നാണ് പ്രതിഷേധം അവസാനിച്ചത്.

Also Read: പലഹാരം ഉണ്ടാക്കുന്നതിനിടെ വസ്ത്രത്തിൽ തീ പിടിച്ചു; ചികിത്സയിലായിരുന്ന വിദ്യാര്‍ഥിനി മരിച്ചു, സംഭവം കാസർകോട്

കേരള സംസ്ഥാന സീഡ് ഡെവലപ്പ്‌മെന്റ് അതോറിറ്റിക്കു വേണ്ടിയാണ് വിത്ത് നെല്ല് ഉത്പാദിപ്പിക്കുന്നത്. ഉത്പാദിപ്പിച്ച നെല്ലിൻ്റെ ഗുണനിലവാരം പരിശോധയും സംഭരണവും അക്കാരണമായി വൈകിയത് ഉദ്യോഗസ്ഥ നിഷ്‌ക്രിയത്വവും കെടുകാര്യസ്ഥതയും മൂലമാണെന്ന് കര്‍ഷകര്‍ ആരോപിച്ചു.

Also Read: കൂടത്തായി കൊലപാതക പരമ്പര: വിചാരണ നടപടികള്‍ എട്ടിനു തുടങ്ങും

ആന്ധ്ര, കര്‍ണ്ണാടക നെല്‍വിത്ത് ലോബിയെ സഹായിക്കുള്ള നീക്കത്തിൻ്റെ ഭാഗമായാണ് വിത്ത് സംഭരണം അട്ടിമറിക്കുന്നതെന്ന് കിസാന്‍ കോണ്‍ഗ്രസ് സംസ്ഥാന ജനറല്‍ സെക്രട്ടറി ജി ശിവരാജന്‍. കാലവര്‍ഷം ആരംഭിച്ചതോടെ ഇര്‍പ്പം തട്ടി നെല്‍വിത്ത് മുള പൊട്ടി തുടങ്ങിയിരിക്കുന്നു. ആയതില്‍ കര്‍ഷകനുണ്ടാവുന്ന നഷ്ടം സര്‍ക്കാര്‍ നികത്തണമെന്നും തരിശുഭൂമിയില്‍ കൃഷി പ്രോത്സാഹിപ്പിക്കാന്‍ സുഭിക്ഷ കേരളം പദ്ധതി നടപ്പിലാക്കുന്ന സര്‍ക്കാര്‍ നിലവിലെ കര്‍ഷകരെ നിരുത്സാഹപ്പെടുത്തുന്ന നിലപാട് പ്രതിഷേധാര്‍ഹമാണെന്നും അദ്ദേഹം പറഞ്ഞു.

Also Read: കേരളത്തിൻ്റെ ശാസ്ത്രീയ ഇടപെടലാണ് ലോക ശ്രദ്ധയാകര്‍ഷിച്ചത്, കൊവിഡ് കേസുകൾ നിയന്ത്രിക്കുമെന്ന് ആരോഗ്യ മന്ത്രി

പ്രതിഷേധ സമരത്തിന് കിസാന്‍ കോണ്‍ഗ്രസ് സംസ്ഥാന ജനറല്‍ സെക്രട്ടറി ജി ശിവരാജന്‍, പരിസ്ഥിതി ഐക്യവേദി ജില്ലാ ചെയര്‍മാന്‍ ബോബന്‍ മാട്ടുമന്ത കര്‍ഷകരായ അഡ്വ. ഗിരീഷ് നൊച്ചുള്ളി, പി സുദേവന്‍, കോട്ടായി രാജന്‍, റിജേഷ് ബി, ജഗദീഷ് കുഴല്‍മന്ദം, എന്നിവരാണ് പ്രതിഷേധവുമായെത്തിയത്.